تزوجت أخي ولكن

الفصل الرابع

الحلقة الرابعة
تقدم من “ياسمينا” وامسكها من مقدمه ملابسها الخلفيه كأنه ممسك بلص على التو، خارجًا بها قائل لها:
– كنتي بتقولي اية بقى؟
– أنا بنته اهو.
– لا مش ده؟
– محاسب الضرائب جه.
اشار برأسه بالنفي، فتذكرت وردت ضاحكة :
– ااااه الجيم ولع.
– ده أنا اللي هولع فيكي حالا.
نزلت معه وطوال الوقت كانت تعمل معه وتلهو لعبة القط والفار في كل لحظة، حتى جاء موعد الغداء، طلب لوالدته وجبه من المشاوي، وانتظر مجئ رجل التوصيل، وحين لمحته جاء يقدم الطعام، ودفع له الحساب، مطالبًا إياه ان يصعد لأعلى، وعند هذه اللحظه انتشلت منه أكياس الطعام وخطفته قائلة:
– إزاي راجل غريب يطلع فوق لوالدتك، اية مفيش بنته هنا ولا اية؟

اندهش من تلك الفتاة التي تقحم نفسها في حياته بشكل غريب، لكن في داخله كان سعيد بتصرفاتها وطفولتها التي تقتحمه وتهدم مع كل ضحكة منها حصن من حصونه المنيعه، اومأ لها بالموافقه، ضحكت وصعدت لأعلى، وطرقت بابها وانتظرتها تفتح لها طاقة الحب والسعادة، فهي دربها الذي لابد ان تسلكه لتنال رضاها لتصيلها إلى مبتغاها، نهضت والدته من مجلسها، وسارت بخطى بطيئة وحين رآتها امامها قالت:
– خير يابتي؟
– خير طبعًا يا طنط، أنا قولت مفيش بنته مع جاسم تجهزلك الأكل، قولت لازم أنا كبنته بتشتغل في الجيم ومعنديش مانع اترقى من الشغل لقلبه….
قاطعتها بتعجب:
– بتجولي ايه؟
– احممم، أقصد أطلع أنا و اجبلك الأكل بأيدي.
قالت حديثها وهي تشار على نفسها تأكد لها إنها فتاه وتصلح للزواج، فردت بوجه جامد:
– حطيه عنديكي اهنا، ولما اعوز اكل همد يدي واكل.
– والله ابدا لازم اكلك ياطنط، انتي ضيفتنا هنا، وهناكلوكي يعني هناكلوكي.
امسكتها من يداها واجلستها على رأس مائدة الطعام، وفتحت الأكياس التي بيدها، ووضعت المشاوي امامها، وقدمت لها قطعه من اللحم في فمها قائلة:
– مين هيفتح بوقوا وياكل حتة الكفته دي، هم ياجمل.
– وه وه كيف بتتعاملي معاي زي ما كون عيل صغير بتاكليه.

وضعت قطعه اللحم على المنضدة، وضمت شفتاها للأمام بزعل وقالت:

– حقك عليا، أنا كنت عايزة اكلك، وبراحتك الأكل موجود لما تحبي تاكلي، عن اذن حضرتك.
كادت أن تتركتها تحت نظراتها المعجبة بها، فقالت متسائلة:

– هو انتي ليه يابتي لبسك محزق وملزق أكده على جتتك؟ واية اللي متلحفه بيه على وسطك ده؟
– ده لبس الجيم عشان اكون براحتي في الحركة، بس لو لاقيت حد ايكش يلبسني نقاب يا طنط هلبسه، بس هو يجي ومعنديش مانع.
– اه جولتيلي، ربنا عيرزقك عن قريب چوي.
– ان شالله يسمع منك ربنا يارب، يالا بقى عشان تاكلي.

ضحكت عليها وبدأت في الطعام، وطلبت مشاركتها بالطعام، ولحظات وآتى “جاسم” وشاركهما، واصبح الضحك يملئ المكان من حديث وطريقة “ياسمينا” مع والدته التي اعجبت بها حتى ذهبت بيتها وهي كالولهانه المغيبه.
★******★