"Congratulations, Dr. Del Fuego!" Bati sa akin ng mga kaibigan ko.
"Inom na!" Sabay naming binatukan si Zoren dahil sa kalokohan niya. "Nagbibiro lang naman ako eh, bakit kayo nambabatok?" Reklamo niya habang nakahawak sa ulo niya.
Dumiretso na kami sa bahay dahil nagluto si mama.
"I'm glad that you came. Kumusta kayo? Balita ko mga Architect at Engineer na kayo ah," sabi sa kanila ni mama pagkatapos makipag-beso-beso sa kanila.
"Tara na sa kusina at baka lumamig na 'yong mga pagkain." Sumunod kaming apat kay mama papuntang kusina.
Pagkatapos naming kumain ay ipinaalam ako nina Zoren kina mama.
"Hayaan mo na sila, mahal, malalaki na sila, kaya na nila mga sarili nila." Sabi ni papa kay mama dahil ayaw niya akong payagan.
"O'siya, sige payag na ako pero kapag may nangyari sa anak mo, Alfred, ikaw ang malalagot sa akin." Nanggigigil na sabi nito kay papa.
"Don't worry, tita, kami na ho ang bahala kay Kreios." Singit ni Keanu.
"Bye tita, bye tito." Hinila na nila ako pasakay sa sasakyan at nang makasakay na kami ay pinaandar na ni Zeion ang sasakyan at pumunta sa kung saan.
Huminto kami sa tapat ng isang restobar na pagmamay-ari ng pinsan ni Keanu.
"Maraming babae rito, Krei, mamili ka na lang." Napailing naman ako sa sinabi ni Keanu.
I don't want to look for others because I promised myself that Ayumi is the only woman I will love. Siya lang at wala nang iba.
"Order na tayo." Sabi ni Zeion at nauna nang pumunta sa counter.
Nang matapos mag-order si Zeion ay naghanap na kami ng ma-uupuan at nang makahanap kami ay saktong dumating 'yong alak na in-order namin.
Hanggang alas diyes kami ng gabi roon at pagpatak ng alas onse ay napagpasyahan na naming umuwi. Ako lang ang hindi lasing sa aming apat kaya naman ako na ang nagmaneho pauwi.
Iginugol ko ang lahat ng oras ko sa pagta-trabaho dahil nga wala akong panahon kumilala ng ibang babae.
"Nagpapahinga ka pa ba? Grabe ka kung magtrabaho ha, walang kapaguran amp*ta." Tipid ko lang na tinignan si Zoren at saka ipinagpatuloy na ang pag-check ng mga tests na ginawa ko sa mga pasyente ko.
"Hello? May tao po rito oh," sinamaan ko siya ng tingin kaya tumigil siya sa pamemeste sa akin.
"If you're here to bother me, just leave." Seryosong sabi ko habang nasa papel ang tingin.
"T*ngina nito, siya na nga lang binibisita eh," ani pa nito.
"T*nga! Bwisita hindi bisita." Padabog naman siyang tumayo at naglakad na papunta sa pintuan.
"Napakasama mong kaibigan, hindi na sana bumalik pa rito si Ayumi para maging matandang binata ka." Sabi niya at tuluyan nang lumabas ng opisina ko.
Kung hindi siya babalik, edi susundan ko siya sa Japan. I don't care if I don't know where she is, pero handa kong libutin ang Japan, makita ko lang siya.
~~~
"Pupunta ka sa reunion natin?" Tanong ni Rayden nang makasalubong ko siya sa grocery store.
"Hindi ko pa alam eh,"
Hindi rin naman ako siguro kung pupunta ba roon si Ayumi o hindi eh.
"Huwag mo sasabihing hindi ka na naman makakapunta, hindi ka na nga nakapunta noong unang reunion eh. Pagbuhulin ko kayo ni Takahashi." ani nito.
BINABASA MO ANG
Make You Mine
Romance[COMPLETED] Naranasan mo na bang magkagusto sa taong hindi ka gusto? 'Yung bang gusto mong umamin kaso hindi mo magawa dahil alam mong una palang ay wala ka nang pag-asa. Siya si Ayumi Clayne Takahashi, isang mabait, maganda, matalino, at kwelang ba...
