الفصل العاشر.
*********
نظر إليه وإلى حالته المزريه فكانت ثيابه مُهلهله وملضخه بالتراب وبعض الدماء..شعره مُشعث..ورأسه مربوط...صُدم من هيئته هذه واقترب منه بسرعه يسنده ليدخل المنزل..جعله يجلس على أقرب كرسي وإقترب منه بقلق..
÷انت كنت فين وإي إلى عمل فيك كده..؟
-انا كويس..مفيش حاجه..
÷يعني إي مفيش حاجه..!؟وبقولك كنت فين..؟
نظر له بحزن دفين وقال..
-أنا تعبان أوي عايز انام...لوسمحت نتكلم بعدين..
إقترب منه ليسنده ودخل به إلى غرفته المخصصه له بمنزلهم...جعله يتسطح على الفراش وجلس جواره قائلا بحنو...
÷مش محتاج حاجه..؟
-لأ شكراً...أنا هنام عشان ااا عندي شغل هصحى بدري كمان معاد نيروز ف الجامعه واه عندي صفقه جديده لازم تتمضي ف اااا....
÷مهاب...
-نعم...
÷إلى بتعمله ده مش صح...
-ااا أنا عملت إي..وبعدين انا أنا دماغي مربوطه عملت حدثه والله ماتخانقتش مع حد أنا كويس يابابا والله ماتقلقش...
نظر إليه بحزن وسأله بتعجب..
÷انتَ اول مره تقولي بابا...!
-مقصدتش..أنا..
÷طيب نام دلوقتي..نام.
تركه ينام وخرج من الغرفه ليجلس معهم فاتجهت إليه بسرعه قائلا ببكاء..
=بابي هو كويس..؟
÷هيبقى كويس..
=يعني إي..هو ماله..واي إلى عمل فيه كده..
÷بيقول عمل حادثه...هينام شويه ويصحى يبقى كويس..
=أنا خايفه اوي يا بابي...خايفه عليه اوي...
أنهت جملتها وانهارت من البكاء بين أحضان ابيها على صديقها وحبيبها الذي تدمرت حياته في لمح البصر...
في الصباح إستيقظ وخرج من الغرفه ليجدها نائمه على الاريكه أمام غرفته اقترب منها ببطء وجلس جوارها يوقظها برفق..
-روز..ياروز.
همهمت وهي مازلت نائمه.
=هممم..
-انتِ نايمه هنا لي كده..!
هنا استعادت جزء من وعيها وبدأت تستفيق.
=انتَ صحيت امتى..
-دلوقتي..نايمه هنا لي..!
نظرت له بحزن ثم اجابت.
=مش عايزه ابعد عنك..
-طب ده أنا معاكي في نفس البيت أهو مش بعيد..
=أنا خايفه..
-متخافيش أنا جنبك..
=بيبو هو مين إلى عمل كده...
-مش عارف...روز..هو ينفع ان ماتروحيش الجامعه الفتره دي..!؟
=لي..!
-معلش انا خايف يحصلك حاجه ف حاولي ماتروحيش الفتره دي...
=مش عارفه..
-خاولي ياروز مش عايزك تضيعي مني انتِ كمان.
=حاضر...
اثناء حديثهم ضرب جرس الباب فذهب ليفتح لكنه لم يجد احد...رآى ظرف على الارض ف فتحه ليقرأ ما به وكان...
-لو مفكر انك لما تحبسهم في البيت كده مش هعرف اوصلهم تبقى غبي اوي الصراحه اصل والدك ووالدتك كانوا في البيت برضوا..
سيبك من الهبل ده وركز في الشغل..لو شغلي خلص هختفي من حياتك انما بقى هتفضل تضيع وقتك كده يبقى اترحم على واحد واحد م الى حواليك...
اغلق الباب وهو يُمسك الورقه في يده بغضب وخوف من القادم ليجد صديقه على يتصل..فتح الخط قائلا...
-ايوه ياعلي...اي..!!!
.........................................................................
-انا ازاي قلت كدة ازاي اصلا مرتاحاله كدة في حاجه غريبه انا مش فاهمه حاجه.
أنت تقرأ
شيطان الحب
Paranormalخمس ثنائيات.....منهم من جارت عليه الحياة فتحول إلى شخص سيء للغايه...ومن سلبت منه الحياه اعز مايملك..او وضعته بمواقف سيئه وحياه قاسيه ف اتجه إلى مسار خاطئ...ومن وُضِع في تحديات واختيارات شديدة الصعوبه...وهناك ايضاً من فاضت عليه بالنعيم ف استغله اسوأ...
