الفصل الثالث عشر.
**********
نظرت له بصدمه قائله.
-يعني...يعني اي...إنتَ قتلت بجد.
نظر لها بخوف من ردة فعلها قائلاً.
=أيوه...بس لازم تسمعيني الأول قبل ماتحكمي عليا وتظلميني إنتِ كمان.
-أظلم اي إنتَ مُعترف إنك قتلت وبتقول هظلمك..!!!
=إسمعيني الأول عشان تفهمي.
-إتفضل فهمني.
=طيب تعالي.
أخذها ودخل إلى الغرفه إجلسها على الفراش وجلس جوارها ممسكاً بيدها بقوه وبدأ يتحدث.
=كنت صغير عندي ست سنين عايش في بيت صغير مع بابا وماما وأختي...أختي كان عندها حداشر سنه كانت يومها أمي وأختي في البيت وأنا كنت مع بابا في الشغل كان بيشتغل نجار للأسف رجعنا جري على خبر إن في حريق أكل البيت كله وأمي ماطلعتش لحد دلوقتي دخل أبويا البيت بسرعه م الخضه بيحاول يدور عليها وأنا كان في حد من الجيران مكتفني مش عارف اروح في حته خرج أبويا بعد شوية وهو شايل أمي وكانت خلاص ماتت وهو كانت النار حرقت أجزاء كتير من جسمه ومش قادر يتحرك وأختي ايديها اتحرقت بس كانت خرجت بسرعه..
روحنا المستشفى طبعا أمي كانت ماتت أختي اتعالجت وابويا فضل في المستشفى كام يوم ومات...ساعتها اضطرينا إننا نعيش في بيت عمي ومراته وإبنه...إبنه كان عنده عشرين سنه بصراحه انا ماكنتش بحبه لانه كان دايماً يهزر مع اختي ويحط إيده عليها وكنت لما ازعقله يقولي دي طفله وانت طفل ولا فاهمين حاجه...أنا رغم إني كنت طفل بس كنت باحس إنه نيته مش كويسه لكن اضطرينا نعيش معاهم ومن يوما عمي قرر مايعلمنيش وإني هصرف على نفسي وعلى أختي وهي هتخدمهم في البيت...
المفروض ان طول اليوم بيكون في البيت أختي ومرات عمي بس وكلنا بنبقي بره في شغل وطبعا ابن عمي بيكون مع اصحابه بيتخرج ويتدلع....
في يوم إضطريت أرجع البيت قبل معادي بكتير عشان تعبت أوي وصاحب الشغل خاف يجرالي حاجه ف روحني والصدمه إني دخلت مالقيتش مرات عمي وشفته بيعتدي على أختي...
تنهد بغضب ووجع ثم أكمل.
=الحيوااان اغتصبها ومفيش حد لحقها أول ماشافني وقف قدامي وهو بيضحك فاكرني مش فاهم حاجة بصلي وقالي إنتَ اي إلى جابك بدري يلا...مكانش يعرف إني في إيدي سكينه جبتها بسرعه بس أول ماخرجت من المطبخ كان شافني وبعد عنها ماردتش عليه بس بصتله في عينه وغرزت السكينه في بطنه بغِل كذا مره...مش فاكر عددهم بس من كتر ماكنت مقهور على الى عمله في أختي على قد ماخرجت كل ده فيه لحد ما مات...
صمت ينظر إليها فوجدها تبكي بهدوء إقترب يمسح دموعها فأردفت...
-كمل...
تنهد قائلاً.
=بعدها مرات عمي جت لمت الناس علينا فضحتني انا وأختي للأسف قالت إن أختي هي إلى خلته يعمل كدة وعمي حبسني وطردها اتحبست 10 سنين الحكم كان مُخفف عشان قضية شرف وعشان كنت صغير اوي وقتها وخرجت قبل مايخلصوا بسنه...بقيت البلطجي والقاتل رد السجون إلى إنتِ شايفاها ده من ساعتها...
نظرت له بهدوء قائله..
-بس أنا مش شايفاك كده.
=يعني اي..!شايفني إزاي وإنتِ كنتي رافضاني عشان بلطجي...صح!!؟
أنت تقرأ
شيطان الحب
Paranormalخمس ثنائيات.....منهم من جارت عليه الحياة فتحول إلى شخص سيء للغايه...ومن سلبت منه الحياه اعز مايملك..او وضعته بمواقف سيئه وحياه قاسيه ف اتجه إلى مسار خاطئ...ومن وُضِع في تحديات واختيارات شديدة الصعوبه...وهناك ايضاً من فاضت عليه بالنعيم ف استغله اسوأ...
