الفصل الثاني عشر.
**********
دخل بسرعه يبحث عنها وعندما لاحظ ذلك الزحام اتجه نحوه راكضاً لكنه وجدها تقف خلف شخصاً ويُمسك يدها بيد وباليد الاخرى يُمسك شاباً من ياقته فنظر إليهم بغضب وإندفع نحوه ليُفلتها من يده ولكمه في وجهه بسرعه صرخت هي به ليتركه فدفعها بقوه لتسقط بجوار صديقتها التى كانت فاقده الوعي بين يدي احد زملائهم يحاول إنقاذها...إقتربت هي منهم لتاخذها منه ويذهب هو إلى صديقه...
حاولت مساعدة صديقتها لتفهم مايحدث وبعد عدة دقائق فتحت عيونها وبدأت في الصراخ والبكاء بخوف احتضنها وهي تحاول تهدئتها حتى استكانت وبدأت تتحدث...
÷ال..ال..حيوان ضربني وبيهددني...
-هو مين ده بس إتكلمي براحه..
÷ حسام هو في غيره...
-حسام مين وعايز منك اي أصلا...
تنهدت ببطء ثم قالت.
÷معرفش عنه غير إسمه طول الاسبوع ده إلى كنت باجي لوحدي كل يوم بيطاردني ومصمم يتعرف عليا.
-وطبعاً حضرتك رديتي عليه بالموشح الى حافظينه إحنا الاتنين.
÷ده النهارده بس قبل كده كنت بازعق فيه واسيبه وامشي النهارده معرفتش اسكت مسك ايدي ومش راضي يسيبني أمشي ف هزقته وزعقت وصوتت راح ضربني بالقلم بعدها لقيت أنس وسيف صاحبه مسكوه ف كلمتك وبعدها لقيته بيقولهم عني ألفاظ وحشه أوي وبيقول صورك معايا وحاجات كده مافهمتش غير إني في مصيبه...ماحسيتش بأي حاجه غير وانت بتفوقيني...
-اي ده ربنا يستر...ماتقلقيش إنتِ على حق ربنا هينصرك ان شاء الله بس دلوقتي لازم نروح عند العميد عشان نشوف عملوا اي الامن سابونا هنا بس عشان كنتي منهاره جدا..
÷هنروح نعمل اي طيب..
-مش عارفه بس كلهم هناك ولازم نروح عشان إحنا في نفس المشكله...وكمان يونس هناك.
÷يونس!!!بيعمل اي هناك.
-ماهو بصراحه لما كلمتيني أنا خفت وحسيت ان في مشكله كبيره ف كلمته وهو كان بره لقيته قدامي بس هو دخل ضرب كل إلى كانوا واقفين من غير مايفهم حاجه...
÷كده كملت..ربنا يستر يلا نشوف عملوا اي..
اتجهوا الى مكتب العميد ف أدخلهم على الفور ليستمعوا إلى غضب العميد وهو يُهدد بتحويلهم إلى الشرطه فصرخت بسرعه قائلا...
-ااا لا شرطة اي لو سمحت بلاش ونبي...
#إنتِ مين بقى..؟
-أنا تسنيم محمود.
#إنتوا طالبتين في المرحلة الأولى وعاملين شغب ولامين حواليكوا الشباب من دلوقتي ما شاء الله ع التربية.
+لو سمحت حضرتك قبل ماتشكك في تربية البنات لازم الأول تسمع منهم إلى حصل.
#اتفضلوا فهموني إلى حصل ده اسمه اي.
قص عليه الفتاتان ماحدث وظل ينظر إليهم مستمعاً لكل كلمه وهو ينظر لباقي الحاضرين الذي كان أحدهم يقف في هدوء لكن كما يُقال هدوء ماقبل العاصفه وكانت عينيه يملؤها الشر...بعد أن انتهى الفتاتان من الحديث نظر العميد إلى الشباب مُشيراً لأنس ويوسف قائلا.
#عاملينلي فيها حماة البلد وماشين تدفعوا عن البنات هو مش في أمن في الجامعه تقدروا تبلغوهم وهما يتصرفوا ولا إنتوا في الشارع هنمشيها بلطجه..
+إحنا آسفين حضرتك لكن هو كان بيطاردها من فتره وإحنا ملاحظين ده ومكانش ينفع نسيبه يمد إيده عليها.
#اتفضلوا على محاضراتكم وعايزكم تيجوا تاني في شكوى زي دي لأنها مش أول مره انبهكم المره الجايه هيتم فصلكم..
+حاضر..شكرا يادكتور.
ثم نظر إلى ذلك الوحش الهائج قائلا.
#وإنتَ مين بقى في أنهى دفعه وإي المنظر إلى جاي بيه ده منظر طالب جامعي.
قبل أن ينطق بأي كلمه سبقته هي قائله.
-حضرتك ده جوزي مش طالب هنا وأنا الى طلبت منه يدخل عشان يلحقنا لأن رغم كل الزحمه والدوشه دي الأمن ماتحركش غير لما هو دخل وادخلوا عشان يمنعوه.
#اااه إنتَ بقى البلطجي الى ضرب الأمن ودخل إنتَ فاكرها زريبه أي حد رايح ولا جاي يدخلها..
-لو سمحت ماتوصفش خوفه عليا بالبلطجه وهو مكانش هيعمل كده لو مكانتش أنا في مشكله وأظن إننا بندرس في الجامعه دي عدم التنمر...يعني مش عشان لبس شغله مبهدل شويه واضطر بدخل بالطريقه إلى أي حد في مكانه كان هيعمل نفس إلى عمله نوصفه بالبلطجي لكن الأمن إلى حضرتك بتتكلم عنهم لو كانوا شايفين وظيفتهم صح ماكنتش هستنجد بيه ولا كان ده كله هيحصل..
#وحضرتك بقى جايه تديني محاضره في الأخلاق وعدم التنمر وبتحللي الى عمله بغلط غيره.
-العفو ده إلى دكاترتنا واهلينا بيعلموهولنا.
#إنتِ مُحوله للتحقيق عشان تبقى تلتزمي حدودك وإنتِ بتتكلمي..
-شكراً إحنا نقدر نمشي دلوقتي.
نظر لها بسخريه ممزوجه بالغضب قائلا.
#هه ااه هتمشوا خالص بس مش قبل ما الشرطه تيجي تاخد البلطجي ده.
هنا كانت قد أُفلتت قيود ذلك الوحش لينقد عليه بغضب هائل وينهال عليه بالضرب قائلا.
=البلطجي ده هيطلع عين أهلك..
وبعد أن أصبح العميد ك الدجاجه بين يديه(بقى شبه الفرخه الدايخه😂)
#أنا...أنا..اطلبوا الأمن اطلبوا الشرطه أنا هوديك في داهيه وهفصلك م الجامعه إحنا عايشين فين إنتوا فاكرينني هسكت.
ضحك بسخريه وهو يبتعد عنه قائلا.
=لأ ماتسكتش أنا عايزك تحبسني وترفدها بس أحب أقولك إني رد سجون قاتل وأنا عندي ٦ سنين ف بالنسبالي قتلك سهل أوي يعني ياااضاكتور..
صرخ العميد بالأمن الذي كان قد وصل للتو إلى المكتب بعد سماع هذا الصراخ.
#طلعوا البني ادم ده بره مايدخلش هنا تاني خدوهم بسرعه.
غمز له وهو يبتسم بسخريه.
=بني آدم اي بس مش كنت بلطجي.
خرج من المكتبه ومعه زوجته وصديقتها بينما أُعيد هذا المشاغب إلى المكتب مره أخرى.
#حسام دي مش أول شكوى تيجي منك بتطارد بنات كتير وده غير مسموح بيه إنت مُحول للتححقيق ومفصول من الجامعه اتفضل.
أنت تقرأ
شيطان الحب
Paranormalخمس ثنائيات.....منهم من جارت عليه الحياة فتحول إلى شخص سيء للغايه...ومن سلبت منه الحياه اعز مايملك..او وضعته بمواقف سيئه وحياه قاسيه ف اتجه إلى مسار خاطئ...ومن وُضِع في تحديات واختيارات شديدة الصعوبه...وهناك ايضاً من فاضت عليه بالنعيم ف استغله اسوأ...
