بيست فريند Best friend

البارت 28🔥🔥🔥🔥

رواية بيست فريند 
" من اكون ....من انا "

✨🍂______________🍂✨

ثم أغمضت جفنيها وغابت عن وعيها
لتظهر إبتسامة عريضة على ثغر سليم ثم دنى منها مردفًا بمغذى عميييييق .. لما نشوف ورا الحلاوة دي في اي مستخبي

ثم انحنى بجزعه العلوي ليدنو منها  يخرج بأنامله تلك الكاميرات الصغيرة الماكثة بطريقة خبيثة بشعرها تشبه بنسة الشعر والتي سقط نظره عليها منذ أن دلفت مكتبه وذلك من سوء حظها ليتغلل الشك فيها بأعماق قلبه، ثم قام بنداء زميلته بالعمل وقال لها بأن تفتش أسيل وكذلك ملابسها جيدًا وكل شيء يخصها ومتواجد معها الآن

بينما هو أخذ بحذرٍ شديد تلك الزجاجة التي ارتشفت منها ليفحص بصماتها المطبوعة عليها ليثبت إما الشك بقلبه يصبح حقيقي ٌ أم إنها بالفعل تحبه وهو قد أخطأ بحقها

وماهي إلا دقائق حتى ظهرت نتيجة فحص بصماتها ليثبت شكه بها واستطاع من خلال بصمتها معرفة كل شئ يخصها
كما ان زميلته بالعمل أخبرته انها
قد عثرت برفقت أسيل على مسجل صوتي صغير جدًا وكذلك على صورةٍ لها برفقة أحدهم على هاتفها

زفر بغضبٍ مكبوت، عاقدٌ حاجبيه ثم بعيون متوعدة لها بالهلاك نظر سليم إلى تلك الصورة  فوجدها برفقة فايز ويبدوا انهما كانا سعيدين للغاية معًا، ليخيب ظنه بها ليثبت كل شكوكه بأسيل وأنها هي تلك الجاسوسة الخاصة بفايز

كانت زميلته بالعمل تراقب ردة فعله الهادئة التي شعرت أنه يخبئ خلفها الكثير من الخذلان _ حزنت لأجله لكنها اردفت بمغذى  .. والعمل اي دلوقتي من وجهت نظرك، المفروض إننا نقبض عليها دلوقتي، أظن إننا نملك أدلة كتير ضدها

نظر لها دون مبالاة لحديثها وكأنه يخطط لشيءٍ ما لتسترسل حديثها بجدية تامة مضيقة مابين حاجبيها .. الميكروفيلم ده والصورة اللي مع فايز
ومسجلات الصوت وإنها دخلت مكتبك الجديد لأول مرة من غير مانت تجيبلها سيرة إنك غيرت مكان مكتبك دي كلها
أدلة غير كافية تثبت خيانتها وإنها جاسوسة ؟!

سليم بجدية تامة .. رجعي كل حاجة مكانها كأننا منعرفش حاجة عنها لغاية مانعرف اي علاقتها بفايز او هي ليها علاقة باللي حصل لداوود، وياوليها لو اللي في بالي كان حقيقة المرة دي

صدمت من ردة فعله هذه كانت تتوقع منه أنه يحبسها او يقدم كل تلك الأدلة ضدها حتى تعترف بكل ما بجعبتها من اسرار لتردف هي بإعتراض لقراره وإصرارها على رأيها  .. بس يافندم هي كده متلبسة بالكاميرا والمسجل والصورة دي كمان خاصتًا إنهم مش اي حد يسمح ليه بالدخول بالنوع ده من الكاميرات في مبنى المخابرات او حتى يقدروا يشتروها !

رمقها سليم بضيق مردفًا بحنق .. يازكية ماهي ممكن تنكر وتقول إنها متعرفش اي حاجة من الحاجات دي خاصتًا زي ما قولتي إن مش أي حد يقدر يشتريها
وكمان ممكن اي محامي فااشلللل، فاشل
هاااا (ضغط بحديثه على كلمة فاشل) يقدر يثبت صحت كلامها خاصتًا إنها غابت عن وعيها _ بس المهم هنا هي إزاي قدرت تدخل ولا تعرف موقع مكتبي
واللي حصل ده يثبت صحت شكوكي فيها ؟