كرونيك: التوسل_بعد_الندم

03

حلقة 3
تى وين جا عام اللي سوتنيت فيه قبل ما نسوتني بشهر قالي بابا هذا المرة ماعندك ماتقولي فالخطاب ... انا فجعت 😱😱كي جاني خطاب وفرحت وقاع .. سقسيت بابا قالي اسمو اسحاق عبد الصمد ناس يشكرو فيه وخدام ودارهم لاباس بيهم وماعندك ماتردي فيه .... انا كي شفت بابا متحير عليا والسيد على الاقل مش كلوشار كيما اللي فاتو حمدت ربي وقلت نقبل واللي كتبو ربي الحمدلله ...

بعد سمانة جا يشوفني هو واهلو ويلبسولي خاتم الكلمة ... كنت غير خايفة وختي تهدن فيا خايفة يصرالي كيمالوخرين ... لبست حجابي نورمال وحطيت شوي انتيساغن وشوي ماسكارا وكحل وغوج خفيف ... المكياج مكاش قاع باين بابا وماشافوش انا غير باه مايبانش وجهي اكحل وذابل وانا قاع مانديروش لا في زقاق لا فالدار .. لحق الوقت كلملي بابا قالي ياللاه بنتي الزدكة ... دخلت للشمبرة كان هو ويماه وباباه وبابا ... دخلت نمشي بالشوي وبقيت واقفة ونرعش كامل وراسي للرض و يماه وباباه يقولو الله يبارك بنتي علاه راكي حاشمة طلعي راسك حتى بابا طلعلي راسي وشاف فيا باه نشوف فالخطاب ... انا شفت فيه لقيتو يشوف فيا فجعت وحشمت خضرت وصفرة وزرقت ... السيد يهبببل سميرون وعينيه ذوك اللي يتغمضو مين يضحك داير لحية ومطراسيها ومش داير قزع ... انا رجليا فشلو وحسيت بوحد البرودة في صحتي ماقدرتش عاودت هبطت راسي ... نطق هو قال السلام عليكم وصوتو خشين تقول يهدر في بيدون انا ثم زدت خلعت وبين شفافي رديت عليه وعليكم السلام ماسمعنيش ... ايا ضحك بجنب تاع استغراب .. ضرباتو يماه بمرفقها فدراعو باه يسكت ... من بعد قاتلي بنتي ارواحي ريحي نلبسك خاتم الكلمة باه مايدوكش علينا انا بالحشمة رحت ريحت وقلتلها في قلبي ماعندي وين نروح لبستلي الخاتم بقاو شوي من بعد راحو ... انا مين راحو رحت عند ختي نعيط واااه وااااااااااااع تخطبت ابنتي تخطبت خررررر وتشوفيه ياسلمى يقتتتل فالزين يهببببل يقتتتتل فالطبع ... بصح وش جابو عندي اااجدك راني خايفة زعما قاع البنات اللي يطيحو فيه علاه خطبوني انا

ختي : بلعي وانت شكون كيفك .. الله يبارك نتي تعرفي خير مني بلي اظفر بذات الدين تربت يداك .. شكون لي راها محافظة على روحها ذرك

انا : هههههه حشمتيني ...صح كاينة .. المهم انا تخطبت وان شاء الله راحا نسوتني ونتهنا

سلمى :😑مازال ماتخطبتيش هذي الكلمة برك

انا :ايه كيف كيف ربي يسجيلي ان شاء الله

سلمى : ايه ان شاء الله