كرونيك: التوسل_بعد_الندم

38

حلقة 38
روحها كانت رايحة تخرج مع ذيك التزغريتة .. خرجو قاع يشوفو عرفوها العروسة وراح اياد سلم عليها بصح بهية تبسمتلها من فوق قلبها قدمتلها هدى باه تسلم عليها ومازالت فذيك الحالة قالت لها مرحبا بيك فدارك ..عرفتيني انا نور الهدى

سهيلة : باينة ... كيما حكالي عليك (شافت فيها شوفة استحقار وضحكت تحت نيفها وشافت في اسحاق بش يضحك معاها) هو ثم ماعجبوش الحال بصح ماهدرش وسكت عليها

وهدى غاضتها عمرها جرحتها بزااااف بصح ماعندها ماتدير راحت قعدتها وجابتلهم لاتاي م كان وقت العشرة تاع صباح لاتاي مع باذنجان وشكشوكة وبيض فطور يعني والوقت اللي كانت توجد كانت دمعة تطيح ودمعة تمسحها حتى فاقت خويا خويا خويا هذا اذا حسبتو راجلي رايحة نخسر لازم نعاملو كانو خويا ومرت خويا باه نلحق لوش حبيت من بعد قعدت معاهم شوي وتهدر فيهم وراحت ريحت حداها تستميل فيها لعل يعودو صحبات بصح كانت باينة متكبرة عليها وكارهتها مش حابة تقعد معاها قاع نطقت فالجماعة قدام يماه وختو وباباه وخوه صغير واسحاق ... تكلمت باستهزاء ...

حقااا نتوم تحطو البغرير صبحة العرس؟؟حنا البغرير صبحة العرس للضياف ومانمدوهش ..

هدى حكمتها الغصة

بهية : اسحاق كون ماياكلش بغرير هدى مع الصباح يولي قاع مايتشافش ... كاينة ياولدي ولا لا ؟

اسحاق ثم خلاص