كرونيك: التوسل_بعد_الندم

22

حلقة 22
يتزوجها

- وشنو .. وعلاه يتزوج راه مزوج وماعندو مايخصو ... وش راه خاصو معاك هذا اسمو لعب الذر وزواج اخر ماعنديش

- يا يما اسمعيلي انا كي حسيتو هاك حاولتو بش يفرغلي راني في شحال معاه حتى عرفت بقصة الطفلة .. هو كان خايف عليك وداير كلمتك فوق راسو بصح الله غالب هذا القلب وما حب مش بيدو اذا نتي تحبيه يتهنا غير خليه يتزوج اذا هدرلك فالموضوع وانا راني قابلة والله وفرحانة وانا اللي نوقفلو في عرسو غير ماتوقفيلوش فطريقو

- شوفي يابنتي انا نعزك كي بنتي وبنتي مانقبلش راجلها يزوج عليها

- بصح هذا ثاني ولدك واذا انا قابلة وراضية علاه والو الله يرضى عليك كيما هو دارلك وش تحبي ديريلو وش حب قلبو الله يهنيك ويرضا عليك .. ماكيش عارفة شحال رح يفرح

-والله يابنتي نتي مامنك زوج الله يهنيك ويرضا عليك كيما حابة تهنيلي ولدي

-ايه وووو

- ربي يجيب اللي فيه الخير

-معناها نزغرت (تبسمتلها)

-ههه كيما تحبي

وتعطيها بتزغريته طويلة من بعد قالتلها شربي لاتاي يما انا نروح نوجد حوايج العرس ههههه

-روحي يابنتي الله يرضا عليك