كرونيك: التوسل_بعد_الندم

04

حلقة 4
السلام عليكم أنا اسحاق عبد الصمد في عمري ٢٨ سنة قريت الكترونيك وخدام الحمدلله بخلصة مليحة حنا دار لاباس بينا دارنا في ٣ طوابق كل طابق كامل مكمل الحمدلله .. مانشم مانتكيف سمعتي حسنة ونصلي ولاباس بيا مع الدين يعني مش متدين ومش منحرف .. فالزين سمر وملتحي وعادي و الحق البنات يقولولي تهببل ويدراقوني فزقاق والفيسبوك والانستغرام مايخلونيش وين نروح علاذاك حبيبة قلبي وعمري سهيلة تهبلني بالغيرة تاعها وماتخلينيش نزيقزاكي .. فالحقيقة شحال من خطرا نحب وذرك مين كبرت وستعقلت شوي قلت نحل دار وتعرفت على سهيلة في عامين حبيتها وعشقتها عمري هي متربية وتعرف تهدر وعينها كبار عسليين كلاااغ وفمها صغرون ومتحجبة وقصيورة ومعمرة تهبببل ونستنا غير وكتاه نتستر انا وياها ...نجو ليما نموت عليها مانقدرش نفوت ومانحبلهاش على راسها ونعنقها هي مريضة من كليتها ونخاف عليها من اي حاجة تقيسها ... من لي شافتني بديت نخلص مليح وشديت روحي وهي تصر عليا باه نتزوج وهي لي تخير لي المرا وانا غير نساعف فيها خطبتلي ربع خطرات وانا دايما نليكيديهم البنات ونخليهم وانا لي نفسخ الخطبة الخطرة التالية خطبت وحدة ماتسواش ومين فسخت جات مها وباباها ليما وانا ماكنتش فالدار سبوها وطيحولها القدر وسبوني انا .. ويما نهارها ماقدرتش وغير تاعبة وانا كي رجعت ماعرفتش وشبيها حتى ديتها للسبيطار وشوي تفجعنا..