كرونيك: التوسل_بعد_الندم

34

حلقة 34
وتهدرلو في ودنو ...نوض اسحاق نوض وتنفخلو في وذنو نفخة سخونة وخفيييفة تحسبلو نفسها برك دخل لوذنو من بعد يفتح عينيه توقف وتجبدلو يدو وتتبسملو نوض الصلاة وتعاونو بش ينوض

مين ينوض تروح تريح فالسجادة تقرا شوي قران ومابين مايدخل يدوش ولا يتوضا يخرج يلقا حوايجو واجدين والقميص مغسول بش يروح للجامع .. يلبسو وتنوض هي بلبس الصلاة كتاب القران فيدها تحطو فطابلة فنفس البلاصة كل يوم وتوصلو للباب ثم تمسحلو شوي على راسو وتقلو ادعيلي بصوت خفيف وتديرلو شوي ريحة وتقولو بسم الله توكلنا على الله باه يقرا الاذكار تاع الخروج .. وترجع ترفد السجادة وتريح فالسرير بحوايج الصلاة وتقرا قران حتى يجي هو ثانيك تنوض تحط المصحف فنفس البلاصة ينح القميص تقلو ربي يقبل تعطيلو حوايج دار وتشدو عليه تعلقو وتعطيه مصحفو ويريحو مع بعض فالسرير يقراو القران وهي تريح نفس الوضعية دائما هو يحبس قبلها قراية ويرجع يرقد وهي تبقا تقرا وحاطتلو يدها على راسو من تقرا الاذكار وتمشيلو يديها قاع على بدنو تحصنو كالولد الصغير وتمشيه على روحها ثاني...تروح تكونيكتي شوي مابين مايطلع النهار .. تدير نهار المسمن ونهار البغرير ونهار الخفيف ينوض يلقا الريحة تاعها فالشمبرة وريحة الماكلة البر تفحفح يفطر يروح للدوش يلقاها كاتبتلو كلمتين في ستيكرز فالمراية من اخت لخوها ماتستعمش الكلام المعسول وذاك الشي وهو كل يوم يقرا وحد جديدة