كرونيك: التوسل_بعد_الندم

40

حلقة 40
لين يرقد على الحكاية ... و هو من نهار للي بدا يقارن بين هدى وسهيلة ولات هدى تعجبو اكثر حتى ولا يضرب روحو بالكف ويقول انا نحب سهيلة مانبدلهاش ... هكاك دخلت هدى بسياس بسياس ... بلا مايفيقلها حتى لقاها في قلبو لكن ماحبش يستعرف نهار حست بلي تبدلت نظرتو ليها وصار يهتم بيها اكثر ويحاول يقرب ويفضل يبات عندها و يشكرها وكلامو صار احن ونبرة صوتو الخشين فيها رعدة ويخلعها بكادو وتعنيقة عرفت بلي راها عاجباتو ... طبعا هي كي تشوفو تجاوز حد الاخوة تردعو ... كيما نهار كانت فالكوزينة وجا باغتها حضنها من اللور هزت مغرف خشب وعطاتو بيها للراس ... ومراتو بيها قاتلو تزيد تقربني تعرف وين تجيك وقعدو يضحكو .. هكا عملو جو واستفادت من الحالة تاعها ثاني نهار جابلها نونوس تاع اي لوف يو استقبلتها كانو موالف يقولهالها عادي اخ واخت وحضناتو قاتلو شكرا قالها بلامزية ... ونهار باسها من خدها قرصاتو في يدو زرقتهالو بصح مالومتش عليه ولا كرهاتو فيها ... قاتلو روح طير ياوحد الخامج .. مروح نقولها لمرتك بش توريك ونهار كانويلعبو فالدومين غلبها وكانو متفاهمين اللي يغلب يطلب ايا كي طلب قالها بوسة جبدت تيليفونها قاتلو وش تطلب قالها

بوسة ..

خرجتلو التيليفون وناضت تنقز قاتلو والله لسجلتك ديراكت عند سهيلة ..

ارواحي يا وحد الخبيثة وراح يجري موراها

ذوك انا نطلب

اطلبي

هههاااااي اصبر خليلي ليلة نخمم ..

خمي خمي

بوسة ياللي ماتحشمش متزوج وتطلب فالتبواس والله نوريلك