كرونيك: التوسل_بعد_الندم

13

حلقة 13
مين طبطب الباب انا رحت نجري للشمبرة نبكي ونحندب في زهري المعوج ضربتها بكاء زوج سوايع حتى لل١٢تاع الليل نبكي وندعي من بعد نضت دوشت و بدلت حوايجي لبست ميامي وقش الصلاة وبديت نصلي ونسجد ندعي ونبكي حتى ماقدرتش نسجد قريت قرأن كانت لحقت تلاته وانا لانوم لاهم يحزنون من ذيك الشمبرة دخلت ماخرجتش بصح الحمدالله تقويت وقلت دبر راسو الله يسهل عليه مش عارف وش شايف روحو ودرت ثقة فروحي درت ماسك وعينيا كانو منفخين حالة بعد مادرت الماسك رحت بسياس للكوزية

داري تقريب كيما هاذي طبعا ابسط وسامبل على هذي ياسر في بلاصة الكراسة فوتاي طويل مقابل ذاك الحيط القصير ... ونص الحيط هذاك اللي فالتصويرة تاعنا اطول منو شوي ومركبين فيه التيليفيزيون .. والكوزينة ماعندهاش باب وذاك الباب فالجيهة ليسرى هو باب الدار البراني يدي للدروج لي يطلعو ويهبطو للطوابق لخرين



المهم رحت بالسريقة للكوزينة نجيب بطاطا لعينيا وكاش ماناكل مالقيت والو غير الما الدار اول مرة يسنو فيها شربت الما وجيت راجعة ناكل من القاطو لي جبتو حتى نلقا طباسا العشا باينة هوما جابوهم كي طبطب الباب محطوطين فوق الطابلة وميكول منهم رحت بالسياس ليهم ونهدر وحدي السيد تعشا وتفرج ورقد وانا نندب على جدو ااايااا رووووح ثم رفعت صوتي شوي هو اصلا كان نايض وفايقلي وكملها لاعبها راقد وداير راسو مع تكاية الفوتاي ثم دار قالي وش خصك انا خلعني رجفني هزيت الطبسي ورحت نجري للشمبرة ...

كليت وشبعت ورقدت درت رافاي ونضت الصباح بش نصلي توضيت ولبست قشي قبل مانصلي تفكرتو رحت نوض فيه للصلاة مالقيتوش حوست عليه فالشنابر قاع