كرونيك: التوسل_بعد_الندم

26

حلقة 26
ولاتحسو اللي هي تخدم فيه ...

خاصة انو هي كانت موالفة تخدم اهلو وقاتلو اللي تحب تعاونو كيف اختو وحتى خوه كانت متهليا فيه مين يجي للخدمة تحطلو سنيوة القهوة فطابلة وتروح كاللي مادارت شي شغل حاجة عادية تعمل فيه .. هي صح حاجة عادية اما ليها اثر كبير واذا حس اسحاق انو الاثر متعمد راح يحاول يبعد عليها سواء كانت كاينة وحدة اخرى فحياتو ولا لا وهاذ الاحساس ممكن يجيه لما يشوف في عينيها او يشوف تصرفات مبالغ فيها من عند هدى وهذا اىتصرفات عند الفتاة عموما تخرج تلقائية لما هي تحب انسان لما هو يبادلها الشعور ممكن يعجو الحال اما كصديقة راح يشوفو استمالة ويحاول يبعد ... خطرا دخل للدار سلمت عليه نحتلو الفاست وهي تهدر معاه بشكل طبيعي مش كانها زوجة كاخت فقط وهزتلو الكارطابل دخلاتو هو راح قعد فالفوتاي

واش راك عيان؟ وهي تخرب فالماعين فالكوزينة

والله مانيش قادر اليوم كنت ندور فالبيراوت تقرضو رجليا

عيطت عليه نوض تصلي ذوك يأذن العصر

والله اصبري نتنفس شوي

نوض بعد وش راك تستنا القهوة ذوك تبرد

رااااني عيااااان (بتأوه)

لازم تتعلم تصبر ... جايبتلو بسينة ما سخون لرجليه

وش راكي تديري ؟

بلع ... ماتحلالكش نمسدلك شوي وتطير تتوضا وتصلي

راني متوضي

وهي تنحلو فالتقاشير ...يييييييففففف دا واااااش راهم يصرعو

هو يضحك ...نتي تحوسي على البلا جيتيه برجليك

تضحك وتهدر ياويحي راك كبير