كرونيك: التوسل_بعد_الندم

36

حلقة 36
هو سكن مع مرتو جديدة فالطابق الثالث ..صباح ناض دوش من بعد هبط ليها مالقاهاش في دارها زاد هبط لقاها فالكوزينة

-راكي هنا ؟

-والو مانيش هنا ... نتا اللي عقلك راه هنا ؟؟

-هههههههه مش عارف وين راه

قرباتلو ضرباتو ضربة قاوية على كتفو

آآآي وشبيك ابنتي

بصوت خافت ...هههه واش السبع كليتها ولا كلاتك ؟

يخيييي ههه اسكتي من بعد نحكيلك وشمن من بعد تحب المدام تاكلنا في زوج ول ؟؟

ههههه حتى نتي مرتي ...

-ادي عليا وجهك ياخي بوجادي ..

بقا يشوف فيها مستغرب

هي : طبعا تديير معاها ١٥ يوم ولا من بعد نديرو نها بنهار وبش تدير في حسابك نهاري راني مانسمحش فيه ..

دخلت يماه : وشنهي ذي ١٥ يوم غير تنساوها فيزوج عندها ثلث ايام من بعد تتقلب بالدالة

هدى : لا يما معليش خليهم ياخذو وقتهم من بعد نتحاسب انا وياه اذا غلط

بهية : والله نتي راكي طالقة سراحو وش ذي ياخذو وقتهم .. يزيدو نهار نجيبها برا ماتقعدليش في داري

اسحاق : يما مزالها صبحة العرس ماطلعتش راكي تزعكي فيها وهويتبسم

هدى خلاص يما مايكون اللا خاطرك .. راحت الحاجة وبقات هي وياه ...

هو :وشنهي ذي الهدرة ... عجبك الحالو وقيل (بصوت خافت وضاحك)

هي : نتا صح ماجبتش عقلك معاك النهار الرابع قعد معايا شوي وكي تتوحش (غمزاتو) راك عارف اطلع رايحة نشدك ول ؟ وش فيها هذي من جيهة نريحو شوي من جيهة ماتخليش مرتك عادي هذي مافيها والو والحاجة راها راضية وخذينالها بالخاطر

اسحاق حسها من قاتلو ماتخليش مرتك قاستو بصح ماعرفش علاه و قرصها من خدها وقالها :الفاهمة تاعي

هاك راني وجدتلكم الفطور والبغرير والقاطو والله الله على العرسان