حلقة 8
من بعد راحو قاع الضياف قعدت غير هي وجوزتها ومها وختها ... قاتلها بهية
بهية : شوفي يابنتي والله من نهار قالولي عليك وانا حاطة عيني عليك حتى قلت نتقدم وقعدت خمس ايام من لي كلمناكم باه قلت لولدي عليك .. راه صعيب مع البنات خطبتلو ربعة من قبل وفسخ معاهم قاع ..
هدى وسلمى وامهم تخلعو كيفاش راها تقلهم فهذا الهدرة ذرك ناضت ام سلمى وسمها فريحة
وعلاه هذوين قلتيلنا
بهية : انا راني ام ومريضة خفت نموت ومانشوفش ولدي معرس كون قلتلكم ماكنتوش تقبلو
هدى : علاه بنك وشبيه ؟
بهية : مابيه والو بني ربي شاهد على كلامي مايشم مايتكيف صلاتو فالجامع ويعزني ومحترمني وحنيين بصح عرفتو مش حاب يتزوج
فريحة : صافي ذوك سيفتو عليه
بهية : هو صاح مش حاب يتزوج بصح ثاني مش رافض فكرة زواج وانا راني حاسة بلي قربت والله نحوس نتهنا عليه
هدى : وعلاه فسخ مع لخرين ؟
بهية : ماعجبوهش وكل مرة يخرجلنا ديفو
فريحة : والله ياخالتي بهية حنا نشوفوك مرا كبيرة ونقادروك بصح هذي بنتي مش ذرك كي سمعو الناس بلي راها تخطبت يضرب يومين ويبطل وتخرج عليها الهدرة حنا اذا رح يتعاود السيناريو من اليوم نردوكم قبل ماتسخن الحالة بنتنا صغيرة ومزال الحال وتتزوج بواحد يقدرها
بهية : ماتخموش في هذي انا نضمنلك ياهدى بني متربي وعاقل اما سايسيه شوفي هو مايعزش عبد عليا فهمتو وهددتو وقضية الفسخ نحوها من راسكم هدى شافت في مها وختها : ان شاء الله
بهية : نوعدك رايحة ندخلك بايدي لشمبرتك وهو معاك و بعدها نتي تصرفي بعقلك وفهامتك .. نتكل عليك باه تجيبيلي حفيد ندلو مع اني ماشكيتش نلحقلو .. صحا بنتي
هدى بعيد الشر عليك وباستلها على راسها ان شاء الله مايكون اللا خاطرك
أنت تقرأ
كرونيك: التوسل_بعد_الندم
Romanceسلام حكاية هدي واقعية 100% باللهجة الجزائرية 🇩🇿 💗😍 #منقولة العنوان :التوسل بعد الندم الحلقة 1 علمته كيف يعشقني بعد أن تزوج علي وأهانني ... قصة خطيرة تحتوي أهم أسرار الرجل لتملكه والسيطرة عليه وجعله عاشقا مطيعا بارادته بطرق اثبتها علم النفس...
