حلقة 6
رحت ديراكت لشمبرتي حاير الحصلة لي ماقدرتش نخرج منها كلمت عمري سهيلة
انا : الو عمري ..
هي : الو وين راك توحشتك
انا : انا ثان ..لاغير منا ومنا لاهي مع الخدمة راكي تعرفي
هي :وشبيك وش بيه صوتك هاك اهدرها بعد وش راك تستنا
انا :يما رايحة تخطبلي
هي : وشنو ؟؟ اقعد هاك تمسخر حتى يفرقنا المكتوب ... قتلك اخطبني من بعد يماك بشوي نتهلا فيها حتى ترضى
انا : وشمن نتمسخر دايما نقلها نجيب وحدي تعيط عليا راها مخشنة راسها وعلابالك رانا مساعفينها برك
هي : معليش زيد ليكيديها هاذ الطفلة من بعد اخطبني ولا حتى تطفر
انا : هاذ المرة مافيهاش حلفت يمين غير مانتزوجش تتبرى مني
هي : وشنو ؟ عاجبك الحال راك الاز تقول ... اسمع مام انا راهم يخطبو فيا ونرد فيهم علجالك ماعلاباليش وقتاش بابا يسيف عليا .. ونروحو كل واحد فطريق ونتهناو
انا: شوفي اصبري معايا شوي نلقاولها حل حبيبتي خلاص .. ونوعدك والله مايرتاحلي بال غير ماتزوجتك
هي : راني نكبر منا على نص عام ماتلقانيش لازم تفريها فاسرع وقت
انا :خلاص والله مايهمك شي عمري باي
هي باي تهلا فروحك
اوووووف استغفرالله ذوك وش ندير ....
جا نهار الخطبة تحفت وكلش ووالله مافي بالي ورحنا نخطبو ريحنا سرباولنا قاطو وقهوة وبقينا نقسرو مع باباها الله يبارك كلامو رزين وموزون ... راح دخل بنتو نشوفها باينة متدينة حجاب طوبل ويديها يرعشو وانا والله ماعلابالي تقول مش انا الخطاب جايتني نورمال قعدت مهبطة راسها كلمتها يما ... فالزين يعني مقبولة مش تهبل ولا اما خدودها معمرين بزاف .. وحجابها مايبين والو من طايها .... انا درتها شغل مكانش لخاطر علابالي مش حاجة كبير شوي ونليكيديها بطريقة او باخرى لبستها يما الخاتم و.....
رجعنا للدار حكمتني يما
يما: واش عجباتك ؟
لاباس يعني نورمال مش كيماكنت متوقع
وش خصها ياولدي ماحلاها وطولة وقدة وتعمار
الربي يما انا ماشفت والو ذاك الحجاب اللي دايراتو تقول حيغتصبوها
هذيك الحشمة والحيا اللي ماعندكش هاكا تتعلم شوي منها
يما نقلك حاب نتزوج فسع راني مزروب
(ضرباتو على كتافو ) ياوحد الصايع زعما ماعجباتوش وهو يغلي بش يزوج
يما والله ماهاكا
روح روح ربي سهلك خليها تسوتني واديها
وقتاش تسوتني
بعد شهر
امالا لازم نزربو فالخطبة باه توجد روحها
ماتتقلقش خليها عليا شهر بعد السوتنونس ونجيبهالك ونزهاو بيكم
ربي يخليك ليا
أنت تقرأ
كرونيك: التوسل_بعد_الندم
Romanceسلام حكاية هدي واقعية 100% باللهجة الجزائرية 🇩🇿 💗😍 #منقولة العنوان :التوسل بعد الندم الحلقة 1 علمته كيف يعشقني بعد أن تزوج علي وأهانني ... قصة خطيرة تحتوي أهم أسرار الرجل لتملكه والسيطرة عليه وجعله عاشقا مطيعا بارادته بطرق اثبتها علم النفس...
