"ချစ်မွှေးလေးရေ မမလာတယ်နော်"
လူမလာခင် အသံအရင်ကြားရပါသော အမထွေးမြတစ်ယောက် ဒီလောက်အာပြဲတာ ဘယ်လိုလူတွေကသူ့ကိုကြိုက်ကြသလဲစဉ်းစားလို့တောင်မရ
အိမ်မှာ သုပ်တဲ့လက်ဖက်သုပ်က သူ့အိမ်ထိများအနံ့ရသလားမသိဘူး ကွက်တိရောက်လာတယ်
သူ့ထက်တိုက်ဆိုင်တာတောင်သူ့လောက်မတိုက်ဆိုင်နိုင်ဘူးရယ်.....
"အန်တီလေး လက်ဖက်သုပ်လေးကမွှေးလိုက်တာတော် စားရကံကြုံလို့ ထွေးမြတို့တော့ နားရွက်ပျားစွဲတာပဲ"
"မုတ်ဆိတ် ပျားစွဲတာမဟုတ်ဘူးလား မမထွေးမြရဲ့"
"ဟဲ့ ငါ့မှာ မုတ်ဆိတ်မှမရှိတာကို ရှိတာပဲစွဲမှာပေါ့လို့"
မမထွေးမြရဲ့ စကားကြောင့် အန်တီကလည်း ရယ်ပါတယ် ကျွန်တော်ကတော့ မျက်စောင်းတစ်ချက်အရင်ကျွေးလိုက်ပြီးမှ လက်ဖက်သုပ်ပန်းကန်ကို ရှေ့တိုးပေးလိုက်တယ်
"ကဲ သားတို့မောင်နှမနှစ်ယောက်ပဲ စကားပြောရင်းစားကြ အန်တီလေးက ရွာလယ်က ဒေါ်ပုတို့အိမ် ခနသွားလိုက်ဦးမယ် ပေါင်းသတ်ဆေးမှာမလို့လေ"
"ဟုတ်ကဲ့အန်တီလေး သမီး ချစ်မွှေးလေးနဲ့စကားပြောရင်း အဖော်နေပေးလိုက်မယ်နော်"
လူကိုများ ကလေးလည်းမဟုတ် မိန်းကလေးလည်းမဟုတ်တာကိုသူကအဖော်စောင့်နေပေးဦးမယ်တဲ့
စားချင်တာနဲ့ ညဏ်ဆင်နေတာမသိရင်ခက်မယ်
ဘာများပြောစရာရှိလဲ ခနစောင့်ကြည့်ရသေးတာပေ့ါ နေပါဦး ဇွန်းကိုလက်ကမချတော့ဘူးလား
ကျွန်တော့်မှာစားကိုမစားရသေးတာလေ သူကမပြီးနိုင်တော့ဘူး တစ်ဇွန်းပြီးတစ်ဇွန်းစားနေတာ
"မမထွေးမြ ဇွန်းကလူကြီးအိမ် သွားတိုင်ပြီးမှ
ရတော့မှာလား လက်ကကိုမချတော့ဘူးနော်"
"ဟယ် ငါ့မောင်လေးကလည်း အန်တီလေးလက်ရာစားကောင်းလို့ ဇွန်းပြန်ပေးဖို့မေ့သွားလို့ပါဟီး "
"အန်တီလေးသုပ်တာမဟုတ်ပါဘူး ကျွန်တော်စားချင်လို့ ကိုယ်တိုင်သုပ်ထားတာ ဆိုပါဦးလာရင်းကိစ္စ
လက်ဖက်သုပ်စားဖို့မဟုတ်ရင် တခြားကိစ္စရောရှိဦးမလားလို့"
YOU ARE READING
မျက်ဝန်းမှသည်...နှလုံးသားဆီသို့...(မ်က္ဝန္းမွသည္...ႏွလံုးသားဆီသို႔ ...)
Romanceပထမဆုံး အရေးအသားမို့ ညံ့ဖျင်းနေမှာသိပေမယ့်ကြိုးစားပါ့မယ်ဗျ ဇာတ်လမ်းပုံစံ တူနေတာမျိုးရှိခဲ့သော် ကျနော့်ကိုလာပြောလို့ရပါတယ်ဗျ ကျနော့်ဘက်ကလိုအပ်ချက်များရှိခဲ့ရင်လည်းထောက်ပြပေးကြပါဦးခင်ဗျ💛
