💚💚💚💚💚💚💚💚💚💚
رواية #نا_وضنوة_راجلي
الحلقة(10)
وصلنا لعند سناء دارت كيكه وحطت تاكل هي والعيال وعمة ليث هاجر ونوره خذت قرعتها وفجاءة رن جرس الفيلا وطلعت نوره تفتح ولقتها وحده هشت عليهم بكل غرور وكبرياء ,,
هاجر وقفت بعد شافت الوليه ,
نوره تخزرطت وخشت عالمطبخ ,
هاجر صبت اتسلم عالوليه اللي جتهم والعيال فرحو بالوليه اللي جت وقعدو يخضنو فيها وهي اتبوس وتحضن ,والدنيا قعدت هرجه من سلاماتهم وسناء مستغربه واشوفلهم ,
هاجر : اهلا وسهلا ياسالمين كيف حالك ?
سالمين : الحمدالله بخير ,, ولو اني زعلانه منك انتي وليث , معقوله يجوز ويطلع فرحه ومايخبرني ولا يعزمني?
هاجر : معليش الموضوع صار بسرعه وانتي سأل عليكي ليث قالو مسافره اناي وعيلتك برا ,, وماقدرناش نأجلو الفرح الحق ,
سالمين شافت لسناء وقالت : كيف صار جبتو مربيه جديده للعيال ?
هاحر : هااا ..لالا هذي نش المربيه هذي مرت ليث سناء ,
سالمين بصدمة وبتظرة قويه شملت سنا من راسها لصوابع رجليها وقالت : هممم غريبه ليث يختار ام لاولاده وحده مهمله هكي ,
هاجر : وليش اتقولي هكي سناء مش مهمله ,
سالمين : واضح من دبشها ومتظرها معقوله ياهاجر تختارو ام لأحفادي وحده زي هذي ,,
سناء تنرفزت وقالت : الواحد يقول السلام عليكم وبعدين يحكي ,, وبعدين كلامك عيب ياجدة العيال هضا لر اسلوب ولا كلام ينقال وكان علي شكلي فلأني كنت نلعب نا واحفاااادك برا في الحديقه ,, مع لاكي وليكه ,
سالمين : لاكي وليكه من ? وبعدين مافيش ولية محترمه تلعب مع اطفال وتخلي متظرها هكب وهي مازالت عروس ,
هاجر قاطعت سناء اللي قبل تبي اترد وقالت : سااالمين تفضلي علي دار الضيوف ونحن نتفاهمو ,, وانتي ياسناء شوفي العيال وهلي نوره اتعحل بالغشا وتحسب معانا سالمين اكيده ,
سناء واعيونها علي سالمين : خاضر ,,
ومشت للنطبخ بعد لمت حوسة النطبخ وضمتها وحكت لنوره انها تحسب سالمين عالعشا وركبت عالدروج وخشت عالعيال لقتهن يلعبو ,
شيماء بنظرة نصر : واخيرا جت اجديدتنا ام امي اللي انتي خذيتي مكانها ,,واكيده حتخلي بابا يردك لهلك ,😏
سناء رفعت حواجبها وقالت : يابنتي احكي ملام من سنك راك طفلة عيشي طفولتك لاحقه علي دراه ااكبد وانتي تقول مركبيلك محرك عزوز 😒
شاهين : شن تبي جايتنا ?
سناء : ابدا رايفتلكم وقلت بالمي انجيبلكم لاكي وليكه يوتسوكم هنا شن رايكم ? 😉
العيال بصوت وااحد : لاااااااااا 😨
سناء : نيههههههههااااااي اسمعو الكلام مالا وغيرو دبشكم واشويه اخرا اتزلو للغشا بيباااااااي 😂
وخذت شهد لغرفة البنات وحممتها ولبستها توته اتهبل وعطرتها وجففتلها شعرها وردت عطتها لشيماء ومشت لجناحها وخشت دار نومها واول ماسكرت الباب بالمفتاح طبعا 😁 قالت : شكلها العزوز البي جت مش ساهله بكككل ولا تصاااغر ودايرتلي روحها بنوته وكيوت ,,تي ناقصها ظفيرتين وتقعد تفجع 😖
وخشت سنا للتواليت. خذت شاور وطلعت لبست بيجاما كبديه ساتان بلمعه ونص كم وجففت شعرها وحطت مايكب خفيف وتعطرت وتزلت لقت الغيال ينزلو قدامها وشهد شايلتها شيماء خذتها سناء منها وقعدت اتبوس فيها وشهد تضحك لان سناء اتبوس فيها في حنكها ورقبتها وخدودها والبنيه تضحك ,, ونزلو لقو نوره اتحط في الغشا وسالنين مقمعزه عالطاوله وكانت تبربش في فونها واول ماشافت سناء وميف تبدلت 360 درجه 😁 بعد برمت علي رويحتها اشوي انقهرت سالمين وقعدت اتشوف لسناء بتركيز ,,
هاجر : هيا ياولاد سمو باسم الله وكولو ,
وددو المل ياكل بهدوء غريب الا سناء توكل في شهد اللي قمعزتها جنبها طبعا وشادي متخزرط في تقعميزته جنب سناء ,😁 وسالمين مركزه علي سناء وقالت : قوليلي ياعروسه ,, كيف ماسافرتيش مع ليث ? لان المفروض انتي عروسه وخذاك معاك بحكم زوجته وهكي !.
سناء : ليث مسافر في عمل وماحبيتش انعطله عن شغله ,,
سالمين : اها قلتيلي ,, مع ان زمان بعد يسافر ولو عمل يومين ,,ياخذ في بنتي شروق معاه لاي مكان ,,وحتى لو عارضت ماتبيش اتعرقله عن عمله ايقوللها ماننشي الا بيك ومانتريح الا وانتي معاي , سبحان الله عليك حب كان بيناتهم ,,كان ديما يقولي بعد ماتت الله يرحمها عمري مانحب وليه بعدها ابداااا 😏
سناء تنرفزت وانقهرت من طريقة كلامها وحستها اتهين فيها وجت بتحكي فقاطعتها هاجر وقالت : الله يرحمها ويغفرلها كانت نعن الزوجه فعلا ,, وليث ماقصرش معاها في شي ,, وصانها لعند اخر لحظه ,, بس الحقيقه هو قبل يبي ياخذ سناء معاه ,,بس نا قبل سافرت لعيت خوي وسناء طبعا فضلت تقعد مع العيال وتونسهم وبعد سافر ليث فضلت اني نعرف سناء عالعيال والفيلا واقاربنا وهي ماشاءلله عليها تنحب ولا شن رايك في اختياري ياسالمين ?
سالمين وهي تمضغ في لقمتها وسناء تمنتها غصت وبلطت روحها وفتكت منها 😅
سالمين : اهو مش بطاله ,, ولو اني كنت حنخطبلا ست البنات جماااال وذووق و روقي وحتكون احن وحده عالعيال بعد امهم طبعا ويمكن اكثر ,
سناء شافتلها برفعت حاجب وقالت : معقوووله ,, تؤتؤتؤ الله غالب كل شي نصيب ياخاجه ,
سالنين طبعا اتحب اتبين روحها اصغر من عمرها في لبسها وشكلها وحتي تكحل وتخط في لمسات مش لها بكككككل ,, تصاغر العطيبه ,, وانصدمت بعد سنا قالتلها حاجه ,,
سالمين : ماتقوليش خاجه سن تشوفي فيا عزوز قدامك ?
سناء ضحكت بينها وبين نفسها وعرفت انها طقت في اللحم الحي 😁 وقالت : ياوليه راك حده عندك يت احفاد وماشاءالله شيمو. سنتين وايجو الهطاب يدقو عالباب وتقعدي اتشوفي في اولاد احفادك شن فيها لو قتلك حاجه ,, الحجاج امبار وصغار راه نش شرط عزايز ,
هاجر : اميده سنيوه الحج لا علي مبير ولا صغير ,,ربي يطعمنا زيارة بيت الله مرة ثانيه يااارب ,
سناء : ماشاءالله انتي حاجه ياعمتي هاجر ?
هاجر : اكيده ,,مشيت عمره ونا والنرحوم زوجي قبل مايموت ,,ونشاءلله يطعمني ونحج الحجة الكبيره يارب,,
سناء : يارب اعميمتي ,,
المهم كملو عشاهم وسناء خذت شهد اترقد فيها بعد غسلتلها ايديها وباقي العيال بتفرجو عالتي في وهاحر وسالمين يهدرزن او بالأخص سالمين اتقصقص علي سناء بطريقة غير مباشره وطلعت هاجر اتجيب فواكه من المطبخ وهاربه من نشدة سالمين اللي صدعتها وصدعتني معاها وشن زرني علي حطت سالمين في النص في روايتي بس 😭
المهم ,,سالمين استغلت مشيت هاجر للمطبخ وسناء مابتش تنزل تحكي معاها لان التهدريز مع سالنين ايخليك ترتكب جرائم مش جريمة وحده 😅
سالمين خذت شنطتها وطلعت فونها واتصلت برقم وهي اعيونها عالمطبخ والدروج واول مافتح الخط قالت : الووو ,, ايوا عندهم ,, اها طلع متجوز ونحن مسافرين ,,لالا مسافر وهي قاعده مع العيال ,,بعد انجيك حنقولك ,,تي شفتها وحده شكلها اعععر انتي احلا طبعا ,,خلاص تو سكري بعد انروح حنحكيلك ,
وسكرت ودارت روحها عاديه نين جت هاجر بالفاكهه وجتها سيارتها سالمين ولد خوها وروحت ,,
وفي الصبح كانو يفطرو وسناء متضايقه وباين عليها مارقدتش كويس ,,
هاجر : كنك سنيوة شكاك تعبانه ?!
سناء : لا مغير نارقدتش اكويس بس 😓
وايرن فون الفيلا ومشت نوره اترد ,
نوره : الوووو مييين ? اهلا يابيه,, حاضر ,
والتفتت عليهم وقالت : ده البيه عايزك ياست هاجر ,
هاجر وقفت وخذت السماعه : السلام عليكم ,اهلا ياحبيبي ,,الحمدالله بخير ,,انتي شن داير? باهي باذن الله ,,بكره ?! انشاءلله تروح طيب يارب ,تبي شي ? اها باه ,, رد بالك علي روحك في امان الله ,
وسكرت وطبعا سناء اعيونها كانن عالفون وتمنت ليث يطلبها تحكي معاه عالاقل ايبين قداة عيلته ان زواجهم طبيعي لكن حست سناء بوجع من قلت اهتمامه بيها ,
وبعد فترة الفطور سناء مقمعزه التي في والعيال يسللو من وراها بيطلعو للحديقه طبعا منعت عليهم الطلوع وفطنتلهم خصوصا او لامي وليكه جا سليم وخذاهم ,,, سناء نرايفه علي عايشه وبناتها لكن ترجا في ليث يروح بيش اتزورهم ,,المهم فطنت للمليشيا طلعو للخديقه ويسللو وخلتهم طلعو وبعدها تباوعتهم من الروشن ماباين منها شي الا عيونها وشافتهم يعبو في حكيه في شي وشمت انهن حشرات فرمبت عالبلكوني متاع دارها اللي تفتح عالحديقه ولقتهم تحت وخذت سطلين مية من الشيشمه وجت عالبلكوني ولاحظت العيال متجمعين وكبت الميه لكن ماسمعتش صوت العيال ,,سمعت صوت رجالي وانصدمت وتباوعت لقاته ......................
هذي وحده , وراني كتبتها اول ماجتني تغطية النت لكن ستك فوني وراحت مني قبل انشيلت رسمي 😭
المهم جماعة النت والأتصالات شكلهم يدورو فيا نا ولا مش فاهمه بالزبط شن قصتهم 😠
قراءة ممتعه ,,💋
#Hamelo ✒
