رواية #نا_وضنوة_راجلي من تأليفي #هميلو 💚
الحلقه (25) ,,
وصلنا لعند عمتكن سناء قررت اتروح مع ليث وعمكن لية مش مصدق وطبعا بعد شافت محمود اذمرت الماضي وتفاجأت بيه قدامها ,,
المهم بعد روح محمود اغمى عليها وسعفوها للمستشفى ودارت تحاليلها وركبولها محاليل ,,وروحت واول ماوصلو للفيلا وخشت سناء قبل ليث وهم يسمعو عياطات استكو ومعش عرفو شن في والعياط جاي من فوق وعلي طول ركبو يجارو ولقيو العيال قدام غرفة اختهم شيماء وكانو واقفين قدام الباب والرعب باين في اعيونهم واول ماشافو باتهم حضنوه كلهم وشيماء وفراس وشادي حضنو سناء ,
ليث : شن في من اللي يعيط يابابا ?
شيماء وهي تبكي : هذي الخاله نوووره يضربو فيها 😭
وسناء طوول مشت لجيهة الصوت كانت جايه من جناح سناء وليث واول ماخشت وهي تشوفلكن سالمين تضرب في نوره اللي تجري منها مرة عالساس ومرة في تركينة الدار ,
وشمس مقمعزة علي كرسي زيانه سناء وتمكج بمكاجها وتبخ بعطرها وكانها صاحبة الدار 😒 وهند واقفه بعد سالمين متشمته في نوره تقول قاتلتلها بوها ,,😡
وبعدها مشت لضفة دولابها وقعدت اطلع في لبسات سيبتهن سناء واتقيس علي جسمها ,,
هذين ينطبق عليهن استعمار وايعذبن في هل الوطن ولا ? 😬
المهم سناء المنظر مش غير نرفزها تقدرن اتخيلن احساسها ,, وهي اتشوفلهن مداهمات جناحها وهي تتجه لسالمين اللي رفعت يدها بتضرب نوره اخرا وحست بحد مسك يدها بقبضة قويه التفتت وهي اتشوف سناء ومانحكيلكن علي ملامحها شن قعدن ,,😁 وسالمين انصدمت وانفجعت واعيونها بلطن وكلاويها افشلن وتقريبا انخرقت ,,😂
وشمس وهند شافنها وقفن وهن منصدمات كيف رجعت او جت من ورا ليث هضا ماجاب عقلهن ,,
سناء شافت لنوره قداااش تتألم وتبكي ووجها متورم ونزلت يد سالمين بقوة وخذت العصا منها
وقالت : انتن اكيد انجنيتن لعند تجيكن الجراءة وتخشن جناحي ,, ولااا ضاربة الخاله نوره اخرا !! عليييش عليش اتمدي مكسورتك عليها ? لهدرجة قلبك حجر ياسالمين ? 😡
سالمين بلعت ريقها وقالت بثبات مزيف : انا صاحبة الحوش ياماما ,, ماتنسش ان الحوش هضا حوش بنتي شروق اللي ماتت والعيال اعيالها يكونو أحفادي انااااا ,, وكان علي المصريه هذي فتحدتني وعندت ومابتش تسمع كلامي فوريتها مكانتها ,, وحتى هي مش شورك.,, هذي خديمة حياة بنتي وملكش دعوة بيها نضربها ولا حتى نحرقها 😒
سناء مشت لنوره اللي تتوجع وتبكي بقهر والم وماسكه يدها اللي تورمت وقالتلها بصوت واطي مليان اسف وحنيه : اسفه ياخالتي لاني سيبتك بروحك ,, كان نحسابهن بيجن راهو مامشيت والله ,😔
نوره وهي تبكي وغمضت اعيونها من الألم قالت : ولا يهمك ياست سناء ,, المهم رجعتي تنوري بيتك وجوزك واعيالك ياست الكل 😢
