رواية #نا_وضنوة_راجلي للكاتبه هميلو ,
الحلقة (29) ,,
وصلنا لعند سناء انخطفت وراحو بيها قدام ليث اللي ركب ولحقهم واتصل علي الشرطه وكلم واحد رفيقه في الشرطه وحماله ان في جماعه خطفو مراته وبعد سكر منه ومان يجري بسرعة رهيبه وراهم وهو ايخبط بيديه عالدومان ويسب ,,نافيش داعي تعرفن شن يقول توا 😒 الرتحل نش واعي لكلامه 😑
المهم سناء اتقاوم بكل جهدها بس شي مرقدينها عالكرسي ومكتفها واحد بجهده العطيب وقدرت اتملص واتفك يدها وخبشاته بقوووة نين الراجل عيط وقبل ضربها بس وقف صوت السواق اللي قاله :لاااا رد بالك ,, راك تغلط بعدين الدون ينهي حياتك ,رواية نا وضنوة راجلي #لهميلو ,,
الخاطف الاول : لنت اللذين خبشتني وقبل شالت القناع من وجي ,😬
السواق وطبعا سنا ماشافتش وجه وقال : كتفها ,,خلاص شويه ونسلموها ,, ونستلمو المعلوم وبعدها معش شورنا شي ,😎
وفعلا نص ساعة وسناء اتقاوم والخاطف اللي خبشاته مايبيش ايشوف وجهها وهي اتفنص فيه ويطنها بروسيه يفقدلها الذاكرة فغطاها بغطا خفيف وهي تمنت في يدها موس طعناته بيه مختشه البنت 😁 المهم ليث وراهم بس بمسافه لانه فكر لو حازهم بالسياره ممكن يأذو سناء ماهوش جايب علم منها ,,مخبشه وتركل ومان حصلت راهي عضت 😁 المهم وصلت سيارة الخاطفين لمكان بعيد شوي عن الندينه ومنطقة زي المزارع وتعمقو جوا اشوي وسناء خلاااص معش عرفت شن ادير من حل من كثر التفمير قريب تنجن وطبعا كانت لابسه شنطتها نظام الحزام عالكتف اليمين والشنطه جاية عاليسار اميلتها يعني ومن حسن حضها لابسه سروال وطرف للركبه ووشاح وسبيدرو عفسه مريح اتقول حاسه بروحها بتنخطف البنت ,😐 المهم لعد وصلو انفتحت بوابه مزرعه وخشت سيارتهم وليث يراقب من بعيد وعرف العنوان وبعث العنوان بمسج لرفيقه اللي في الشرطه وفتح درج السياره اللي قدان كرسي اللي جنب السواق وطلع مسدس وذخره وخذاه حطه في خزامه ,,ودرس بعيد ونزل من سبارته وفونه خلاه هزاز ومشا محازاه السور وهو يتلفت وبعد قرب للبوابه لقيها مسكرة ,, وعض شاربه وقال : الخظ الزفت ,,نا لازم نخش توا ,, مس حنستنا الشرطه مرات ايطولو ,😬
وقعد ايشوف في ركن لعند القي بلكات خطهن علي لعضهن واتشعبط من السور بخفة ورفع رايه مالقي حد وشاف السيارة اللي خطفت سناء مالقي فيها حد ,, وغمتله ورفع جسمه وهو حذر وزقب وهو خايف حد يسمعه ,, تحسني عيشتكن في جو وادي الذئاب ولا ? 😒 ناقص علينا مراد وعبدالحي وتكمل الحكايه 😁 اخخخخ من عبدالحي ايهبل 😍 احمحم معليش نرجعو للروايه حناتي , #لهميلو #لهميلو ايواااه 😐
وقعد يسلل لعتد وصل للسيارة وشافلها مالقي حد ومشا ناحيه الفيلا وكان فيها ادروج في بدياتها وركبهن وهو يحاول يعرف وين مشو بيها ,, وطبعا عند سناء بعد نزلو نزلوها والغطا علي وجهها ويد الخاطف المجحش علي فمها قبل فطسها ,, وخشسوها بيناتهم وهي ماتبي اتخش مغير رفعوها بيناتهم اتقول ارنب ,,🐰 المهم اول ماخششوها شالو الغطا من علي وجهها وهم لابسين تقنعه طبعا هم الثلاثه ,
سناء بصوت عالي وثابت عمس ماصاير فيها من جواها من رعب وخوف قالت : كيف تتجرا انت وياه اديرو هكي ? من سمحلكم ياحيوانات تخطفوني وتلمسوني ? ,😬
الخاطف الاول : اسكتي سكري فمك ,,دهشتينا وانتي اتلوي ,,😎
سناء: لا والله ? من جدك ياباااشا ,قسما بالله لو ماتخلوني نروح توا ,,حنودركم ,,
الخاطف الثاني : اسكتي خلاص ,, قبل مانتعامل معاك بطريقة ثانيه ,😎
سناء وقفت وقالت : لا خوفتني منك له ,,حول من طريقي بتطلع حووولو ,
وجت بتمشي عرضولها وواخد منهم نس كتفها اترد عليه وتلفخه بكف محترم كده يعني 👋 ,,خلاته مستك رسمي وقبل بيهجم عليها دفاته بيديها الاثنين علي صدره حا موخر وقالتله : قسما بالله لو فكرت تحط مكسورتك هذي عليا نكسرها لكي مازلتو ماتعرفوش من خطفتو ياكلاب ,,😡
الخاطف الاول عصب وشافلها بعصبيه وقال : لو ماتسكتيش نعوف كيف انسكتك ,, صدعتي امنا الزح خلاص وانتي تخرطي اسكتي ,😡
سناء فنصت فيهم وقالت : لااا مش ساكته وتوا هض اطلعوني قبل مانقتلكم ولا نقتل روحي انتم مش رجاله ,,الراجل عمره مايخطف ,, شن تبو تكلمو وعليش لابسين اقنعه ومخفيين وجوكم ? هاه ,, طلعوتي وخلوني انرووووح ,😤
الخاطف الثاني نسك راسه وقال : وووااااك سكانه سكانه خلاااص اسكتي ,
وخششوها لدار لقتها زي دار المقعد وسكرو عليها وقعدو برا وسناء اتعيط بصوت عالي واتهزب فيهم واتسب واتهدد ,,وطبعا حاهم واحد نزل من الدور الثاني وشافلهم. ونزعو الاقنعه وقاللهم : شن صار معاكم ?
الخاطف الثاني : تم ,, ماتمعش في هرجتها جوا 😒
الخاطف الاول : هيا وين باقي المبلغ ?
ومدلهم شنطة فتحوها لقو فيها الفلوس وقاللهم : توا تقعدو برا وتحرسو الفيلا لعند بكره بس ونزيدكم باقي تلمبلغ تم ,?
هزو روسهم موافقين وهم فرحانين ,, وطلعو. وهو اتجه لدار اللي فيها سناء وفتحها والقيها مصببه عالروشن واول ماسمعت صوت الباب التفتت وهي تنصدم وقالت : م...مم..محمووود 😨
محمود قرب منها وقال : اعيونه وقلبه وروحه ,😍
سناء عصبت وبصوت كله غل : انت اللي وراهم ? انت اللي طلبت منهم يخطفوني ?
محمود قرب وقال : عشان انحبك عشان انتي ليا وبس ,,انتي لمحمود ياسناء مش لحد ثاني ,
سناء تباعدت منه وقالت : لا لا انا توا متجوزه ,, وانحب زوجي ونبي انروح ارجوك خليني انروح ,
محمود قرب منها وقال : اكيد لا طبعا انتي تقولي هكي عشان انتي متجوزه بس وماتبيش اديري غلط او حاجه حرام ونا نوعدك حنطلقك منه راجلك ونتجوزك نا وتكوني ليا وانكون لكي 😍
وسناء لاحظت هيامه وكأنه كلامه بدون وعي وتباعدت منه وجت ناخيه الباب بتطلع وقالتله : انا حنطلع من هنا ,,نبي انروح ارجوم انت اللي ادير فيه غلط ونا مش حنكمل كلام معاك ,
وقبل ماتطلع مسكها محمود من ذراعها وقربها لوجه بقوة وقال بصوت معصب بس واطي : سناء انا نحكي معاك ومية مرة قايلك بعد نحكي معاك معش اتسيبيني ,,ولا نسيتي ,?
سناء: ابعد يدك من يدي يامحمود ,
محمود مازال ماسك في يدها وهمسلها : مستحيل نطلق يدي ونسيبك ,, طلقتها مرة وندمت هالمرة لا مستحيل ,,#لهميلو ,,ايواه بلاش خفة يد ياحنه 😠
سناء معش تحملت جنانه ونكر يدها منه بقوة وشلفط 👋 نين صوابعها حستهن 😂😁 البنت شبعت وهي تشلفط فيهم كفوف ياريتني مكانها ,,اخخخ ماملي نبي نشلفطه مغير ماني طاقتهم ,,😭
ماعلينا ,, المهم محمود انصدم وشافلها بنظرة غل وردلها الكف نين سناء طاحت لوطا وقاللها بأمر: شكلك انسيتي الحب تللي بيناتنا ونا حنذكرك بيه ولو بالقوة ,, وانتي ايا نا يعني ليا نااا فاهمه ,😡
سناء وقفت وبكل قوة وقالت : لااا انا معش انحبك انا متجوزه ونحب زوجي وحنروح تبي ولا ماتبي ,
وفي اللحظه اللي يبي يضربها حس بحاجه مسقعه علي رقبته وسناء بصدمة وفرحه قالت : ليييثث 😀
طبعا ليث لعب في الجماعه اللي برا وكتفهم وخش علي الفيلا وسمع وشاف وبعد حس ان محمود بيضرب سناء حطله المسدس وقاله بصوت هادي : اطلع قدامي وانت كيف الراجل الطيب ,
محمود ابتسم وقال : اووو ليث باشا نورتنا يامان ,, ميف عرفت اتجي للمكان هضا ولا ريحة الحبايب دلاتك عالمكان ,
وشاف لسناء بهزوة ,
ليث بثقة : تقدر اتقوز قلبي ,, لكن مالكش دخل بيا ,,واطلع قدامي ,
وطلعه وسناء مسكت في يد ليث وطلع بيها برا وسمعو صوت السرطه شهداره عاد هي 🚔🚓🚨 وجيج وخلاص 😒 المهم محمود في لخظة اللي شاف ليث بيحكي مع سناء خبط يده وبدا بيناتهم ضرب وهبك ودلف وسناء لاخظت واحد من الرجاله مكتفين وبيلقط ليث برجله حاته تجري وخبطاته بشتطتها اللذ فيها النقال والغطر الثقيل 😂 وكرجم علي صلوعته ,,نين ادروخ ,
وقعدت اتشوف لزوجها وحبيبها السابق وهم يتعاركو وكل مرة واحد يضرب لكن كانت الاغلبيه لليث لانه لطول واقوا وكتف محمود ةهشو الشرطه بعد زقبو مجموعه منهم وفتحو البوابه وقبضو علي الجناعه اولهم الصلوعه جت علي صلوعته. ,😂😁 ومحمود يتوعد وسناء حضنت ليث وبعد اطمن عليها شافلها بنظرة عتاب وقاللها ....................
اسفه عالتأخر قبل بنزل في العشيه بس جوني ضيوف عطلوني انقهرت والله اكثر منكم ,,
المهم توقعاتكم عليما كتبت الاخيرة ,,😉
قراءة زايطه حناتي 💋
#Hamelo ✒
