رواية #نا_وضنوة_راجلي للكاتبه #هميلو 😘
الحلقة (23) ,,
وصلنا لعند سناء روحت مع خوها سليم لحوش هلها ولكت في حضن عايشه وخوها بيموت عليها من الخوف ,,وبعد انهارت بكاء اغمى عليها ,,وسليم شالها لغرفة بناته وقال لعايشه : عدذ جيبيلها عطر ولا مية ياعويشه بسرعه ,
عايشه ودموعها علي خدها : حاضر هيا هي ,
وراحت للمطبخ جابت مية وجابت عطر من غرفتها وجت تجري ومدتهن له وهذاهن وقعد يبخ علي وجه سناء وشممها عطر نين فاقت بعد وقت وكان الالم والوجع باين في عيونها سليم بخوف قاللها : ستيوة خيتي كنك بالله شن صاير معاك ?
سناء بدموع : تعبانه ياخوي تعبااانه اهي هي اهي 😭
سليم: شت اتحسي بس ? والله انقولك هيا نوضي انشيلك للمستشفى 😓#لهميلو ,,
سناء غمضت اعيونها وقالت : وجعي مايبيش مستشفى ياخيي مايبيش دكتور 😭
اايشه غمزت لراجلها وقالتله : خليها بس ترتاح وجيبلها مية رقيه بس وخليني جنبها ,,باذن الله بعد اتريح تو اتصير كويسه عدي بس ,
ووقف سليم وهو قلبه بيطلع من الخوف علي اخته وقال : باهي لكن لو تعبت ولا تبي شي كلمني حنقعد مع البنات في الصاله باهي ?!
عايشه : حاضر بس اطلع ,
وطلع وعايشه سكرت وراه بالمفتاح وجت قمعزت جنب سناء وقالتلها بحب ام واخت : هاا سنيوة شن فيك احكيلي خيتي ,
وسناء تقمعز وتخش في حضن عايشه وهي تشهق وتبكي وتقول : كسرني ,,جرحني ياعويشه انجرحت مرتين ,, ااااه قلبي يوجع فياااا 😭
عايشه بقلق : اهدي بس وفهميني من اللي كسرك وجرحك ?? فهميني بس ,😐
سناء بعد ايش وايش قدرت تتحكم في روحها وانفعالها بس مازالت تبكي وادموعها غصبن عنها ينزلن وحكتلها من بين شهقاتها وصوت بكاها ,, وعايشه خنقتها العبرة وحضنتها وبعدها شافتلها بعتاب وقالتلها : معقوله ياسنيوة اتسيبيه وتخليلهن الطريق فاضيه بيش ياخذن مكانك ?? وين سناء اللي نعرفها بشجاعتها وقوتها ? وين سناء اللي تاخذ حقها ولو كان في فم الأسد ?
سناء بالن : ااااه ياعويشه تعبت ,,تعبت ونا طول عمري ونا واقفه بقوة ضد العالم ,,دافعت علي روحي ضد خوتي ونا صغيرة وماحوتهم خلوني كملت ولولا سليم راني جاهله وبلا شهاده ,,ودتفعت ضد صباياهم اللي يبن ايتحكمن بيا باي شكل ولا ضد بنات جيرانه وهن كارهاتني وكل وحده خايفه علي روحها ولا صاحبها ولا حتى خوها مني وكأني بناكلهم ,,وتعبت ونا اندافع علي حب حياتي ونا معاه وسيبت حتي حلمي اني نشتغل عشان نرضيه بس وندافع عليه ومتحمله معاه وضيع عمري في النراحا وبعدها بين يوم وليله خااان ,,خاني مع بنت ام 18 لانها سلمت في روحها معاه ويبيني نرجاه ,, وتعبت بعد زفوني لغيره ونا قلبي ةعقلي معاه وضغطت علي روحي وقلت كل شي قسمة ونصيب والله غالب ,,وتعبت لما تجوزت واحد ارمل وعنده 6 اعيال لا واحد ولا اثنين #لهميلو ,, واللي تقهر مازال يخب زوجته ومخلص لها برغم انها ميتة وقلت نصيبك ياسناء وتحملي واكسبي ثقتهم هو واعياله تعبت ياعويشه ونا مل مانتريح شوي اتجيني كارثه اتخليني نبرك غصبن عني ,,وبعد حبيته وسلمته قلبي وهو اعترفلي بخبه وغشنا اخلا ايام وردت فيا الروح يحيتي ويقول انه بيتجوز شمس اخت مراته عشان غلط معاها وهن خططن للشي هضا انا متأكده بس ماعنديش دليل ,,بيتجوزها ياعويشه ويكسر بخاطري ونا اللي درته كله طلع فاشووووش ,😭
عايشه مسحت ادموعها ومسحت دموع سناء وقالتلها : بالعكس هالمرة من حقك ادافعي علي راجلك وحوشك واعيااالك اكثر من اي وقت فات لانهم عيلتك وانتي حلاله وهو حلالك ,, ولازم تحاربي عشان مكانتك ,,انتي بروحك قلتيها يبي يتحوزها عشان يخساب روحه غالط معاها ويبي يستر عليها ولا ?
سناء : بس ماشفتيش كيف قالها ,,نعرفه بعد يحكي في شي ومعش يبي يرد في كلامه ماحد يقدر ايغير رايه ,😢
عايشه : انتي توا استهدي بالله وتعوذي بالله من الشيطان وارقدي وعالعصر حنوضك انعصرو ونحمو وندورو حل ماتخافيش ,,باهي ?
سناء هزت راسها بألم وحطت راسها عالمهده وكان قلبها يوجع فيها وتبكي كل ماتذكر كلامه وغطت وجهها ,,
طبعا سناء فونها كان في شنطة يدها وكان ايرن باستمرار وطلع سليم بيشيل الشنطه لاخته وعالباب سمع كلام سناء لعايشه وحس بألم علي اخته ووجعاته ,,بالرغم من صدمته انها كانت تحب واحد بس مازال ماعرفاش من ,,وبعد كملت عايشه معاها الكلام رد لمكانه وحط الشنطه جنبه وقعد يخمم ,
وعايشه طلعت من يالاه مشت للمطبخ بطيب كمون حلو ونعناع لسناء وهي تدعيلها ربي يتصرها وايريح بالها ,,رواية من تأليف #هميلو ,,
***********************
وعند ليث بعد مشت سناء ضاقت بيه وقعد يمسح علي شعره بقوة وحاول ايرن عليها ومافيش رد عليه
وبعد اكثر من 30 مرة خبط فونه في الساس جابه طرف وغمتله وطلع من جناحه شاف لديار اعياله مالقي حد ونزل لوطا القيهم زعلانين وخاصة شهد اللي تبكي وشيماء ونوره واحلات فيها ,
ليث بعصبيه : كنها شهد تبكي ?
شيماء : تبي سناء من اول ماطلعت وهي تبكي ,
نوره لليث : هو في ايه يابني ? الست سناء سابت البيت ليه ?
ليث عض شاربه ومستغرب في كمية الفراغ اللي خلفاته سناء في فترة ماطقتش سنة ,,ومستغرب في روحه قداش متضايق وحاس بروحه مخنوق ,,وقال لنوره : انا .. انا عندي مشوار مهم وردي بالك من العيال ,وانتي ياشيماء عطيها العاب او بالكي تبي حليب نين تو انجي باهي ,?
فراس وقف وقاطع طلعت باته وقال : بابا ياريت تمشي اتجيب سناء ,😟
شادي وقف جنب خوه وقال : بصراحة سناء ماليه علينا حياتنا زي ماما بالزبط ,,وبعد طلعت حسيت بروحي متضايق وكأن ماما ماتت مرة ثانيه ,😔
ليث قرب من اعياله وحضنهم بقوة وجاته شيما وشهد وفارس حضنهم مع خوتهم ونزلن ادموعه علي حاله وحال اعياله والوضع اللي يجيب الضغط والسكر والقلب ,,اااه قلبي وجعني ,😖💔 ونوره نزحت بكاء وحركات نسح ادموعها بوشاحها ,, ومعش قدرت تتكلم وحست بألم علي لية واعياله بعد حصلو وليه حنونه وتفاهمت معاهم ,,سيبت الحوش ومازالت مش فاهمه عليش المهم ليث طلع ونوره حرررري عالفون متاعها ورنت علي هاجر واول مافتحت هاجر تفجعها لكن فجعه 😤
نوره بصوت عالي والبكا معرض في نص كلامها وقالت : الحقينا ياست هاجر الست سناء سابت البيت والعيال زعلانه ونا حموووت عليهم من الزعل عاااااااا 😭
خلنها تفهمها علي مهلها وانجو لمكان ثاني عتد عمكن محمود ,,اللي من اول ماشاف سناء والنار ولعت فيه واستغرب حيبت شناطيها وقعد الفضول بياكله وكال وهو حارن عالماده قدام الحوش ,, وخش لشقته وفتح روشن مربوعته لعلا وعسى يشوف سناء في سور الحوش لكن شي وخشت عليه منيه اتمايل بروب قصير والوجه اتقول عرس وكلماته من عند الباب : حووداااا كنك جيت هنااا ? تعااال نبيك في حاجه 😘
محمود شافلهاواستحقرها وقاللها بعد لف وجه لحوش هل سناء وقال : هشي يامنيه مش رايقلك راه ,,وغيري النم وانزلي لاني ساعديها عالحوش مش كل شي دار نوم ياهانم 😏
منيه عصبت وقالت : وكنك تحكي معايا هكي ? انت الخسران اصلا ونا الغلطانه اني معبرتك اصلا 😠
وخشت لدار التوم وقربعتها بقوة نين سمعها محمود وتنهد وقال لروحه : ينقني خسران يوم ضعفت قدام شهوتي وخنت البنت الوحيده اللي حبيتها ,,زعمك شن جيبك مع سليم ياسنيوة ? ازعما اللي في عقلي مزبوط ولا مغير زياره ? ااااه ياربي يسرها من عندك وجيبها لي يارب 👐
قول والله 😒 غنيلك جيبها ياسيدي عبدالسلام وخلاص 😬 اخخخ
المهم ليث وصل قدام حوش هل سناء وشافه محمود وقعد ايراقب وشاف ليث ايخبط عالباب وفتحله سليم وخششه للمربوعه ,
اما عند العيال في الفيلا ياحناتي رن جرس الباااب وفتحت نوره وخشت سالمين وشمس وهند ,,الثلاثي المرح طبعا مغير هن الثلاثي النكدي بعيد عنكن ,,😡
واستقبلتهن وخشن لقن العيال في الصاله وطبعا تقصقيص ونشده عرفن ان سناء سيبت الحوش وتزغرتلكن عمتكن شمس زغروته وبانت الفرحه في عيونهن ,
شمس حضنت امها وقالت : واخيرا ياماما عدت عدت ,,وليث قعد ليااااااا 😍
سالمين : واخيرا ياحنه مغير رتم اديري هالطروح قدامه شن اتفقنا نحن ?
هند بلويه فم : ايوااه كملي عقاب تمثيلك ماتخليش طريحة حسن اتعدي عالفاضي وجك باقي فضيحه ياحنه ,😏
سالمين : وبعد ايروح ليث راك اتلصقي عليه ديري اللي قتلك عليه عشان يانبه ضميره ويكمل في موضوعك غير همي را اتجي علي راسك وراسي ,,لان ليث لو مثلتي انك كرهتيه ومنقرفه منه حيتأكد ان هو فعلا اعتدا عليك ,
شمس : ينعلياااا ياماما تي ايهبل ويجنن نا اصلا نبيه من زمااان من زماان بكل ,😍
وسكتن بعد شافن نوره جايبه قهوة وضيفتهن ومشت للمطبخ روايتي ومن تاليفي ومن جهدي وتعبي ايواااه 😡 #هميلو ,, بلاش خفة يد ياحنه 😒
ماعليكن مني ضروري نزرق 😂 مش مني من اللي تسرق ,,المهم بعد مشت نوره سالنين قالت لشمس : زمااان خطفاته منك شروق ياحنه وانتي ماده وجك ,اتهزي غير علي طيبتها وشملها الرانض اعرفت تهطفه واتجيب من فرعت العيال هاضوم 😒
هند : مع ان شموسه احلى واشيك منها بواااجد ياخويله ,
سالمين : اهو نصيب ياحنه ومازلنا فيها بعد ماتت وبعد طيرنا العقربه اللي ماتسمى شي كلا هي عين قادحه وشهصيتها واعره ماهي زي شروق النرخيه والدرويشه اللي تصدق طووول ,
شمس بثقة : واهي طارت والله لا يردها ,,ونشاءالله تطلق بيش تكمل فرحتي ,
هند : باهي بعد تاخذيه كيف بديري مع عياله ? ينقنهم واجدين وواعرين راه ربي يعينك ,
شمس : لاااا هاوووضوم عندي ليهم صرفة صح ,, العيال حنقنع لية ايخطهم مدارس اجنبيه ويكونن داخلي والبنات ننزل عليهن منها يخدمني مش نا خالتهن هههههههه
سالمين : خصوصا كان اقنعتيه بشطارتك اتعيشو في بريطانيا ولا كنده عز مابعده عز ,,ههههههه
هنده : واااو ياخالتي افكاركن جهنميه بصراحه ماتخطر حتي علي أبليس بس نش حرام ليث تخدعنه هكي ? وهصوصا بعد فهمتنه انه هو اعتدي عليك ياشموسه ,
شمس : ابدا ,,,اصلا هو غبي كيف يصدق خاحات هكي لكن خطتنا خطيرة بككل خصوصا بعد خليت حسن يضربه وخششناه للمربوعه والضرب والتخبيش اللي تحملته عشان يصدقني ,,
هنده بهزوة : ولا تمثليه الانتحار ياناااري صدق ووافق ,
سالنين تلفتت وقالت : هششش خلاص انتي وهي مرات يسمعكن شي حد وانتن اتكبن في الشولات ,
المهم هن يحكن ويفطفطن والعيال في غرفهم ونوره حايسه في المطبخ ,,
واما بالنسبه لليث اللي تحشم يحكي لسليم وخاف سناء اتكون حاكيه لخوها ,,رواية نا وضنوة راجلي #لهميلو ياعيني ,,,خلاص نرجعو لليث اخر مرة 😁
وسليم قاله : خوذ راحتك ياليث وحنجيبلك قهوة ,
ليث : وياريت اتناديلي سناء بالمرة لو سمحت,
سليم : اوكي ,
وطلع سلين وخش علي سناء القيها راقده وطلع قال لعايشه ادير فنجانين قهوة وخش لليث قاله راقده وليث يحساب سليم ايوزع فيه ويرن جرس بابا حوش سليم ومشا يفتح والقيه..................
اسفه عالتأخير بس الله غالب كنت مريضة راه ,,المهم توقعاتكن مليشيا 💋
روايتي نااا هميلو 😘😍
#Hamelo ✒
