رواية #نا_وضنوة_راجلي من تأليفي #Hamelo
الحلقه( 21),,
وصلنا لعند وين حنااتي 😂 اها اذكرت لعند ليث باس عمتكن سناء اللي تبنجت وتبنجتن معاها حتى انتن 😁 وسناء سرحت في عالم تاني ,, وليث قاللها : العيال بدو ايحبوكي ,,
سناء : وبوهم ?!
ليث : وحتى بوهم حلك ومعش يقدر يستغني عنك 😍
وهجم عليها بوس بحنيه واحضان و,,
ونوضن وراس بيكن موضوع مش شوري ولا شوركن عاد 😂😁
سناء كانت مستسلمة عالاخر وكانها محتاجه حب وحنية وامان في حضن ليث وكانها ناقصه بدون خبه ودفء احضانه ,, وغاصو في عالمهم وعاشو احلى ليله. 😍 ولو انها جت متأخره بس المهم جت ولا ? 😁 وعمتكن سناء اللي كانت اتفكر فيه انها ماجهزتش ليليلتها بس في سرها قالت عادي مرة ثانيه تعوضها بجو اللي تبيه ,,يعني شموع وورد وعشا وهكي 😅
المهم ثاني يوم ناض ليث قبل سناء وشافها راقده وفي سابع حلمة شكلها بس وجهها منور وشعرها مغطي وجهها وقعد ايزيح في خصلاتها برقه ويتأمل في ملامحها ورقد جنب وجهها وهو يشوفلها بتركيز وقعد اينابش بيها يلمس في خشيمها ومرة اعيونها ومرة اخدودها نين تململت عمتكن سناء وفتحت عين وحده وشافت ليث مقابلها وطبعا كانت راقده علي بطنها والكرعين اتقول في وضع طيران 😁
ليث بحب وصوت هادي : صباح الحب حبيبي ,😍 وبعد ركزت ان ليث قدامها صاح وماتحلمش فتحت العين الثاتيه وجت بتقمعز وركزت انها مش لابسه وشهقت وغطت روحها بالملايه ونزلت راسها وقالت بصوت مصدوم : ش.شش.ششن صار ?
سلامة ذاكرتك يازهايمر ?? كيف صار ياسنيوة ?😂
ليث قرن حواجبه وقال: كيف شن صار ? مش متذكره شن صار بيناتنا ? 😉
سناء شافتلا عرفت الموضوع واقع وعلم مش حلم ,,لانها الغندورة كانت تخلم بليث ديما وتتخيل في ليلتها مع ليث وشكلها تحساب روحها تتخيل العطيبه 😁 لا ياحنه مش تحلميش حد يعطيها كف ولا ايعضها بيش اتصدق 😂
المهم سناء قرنت حواجبها واذكرت انها بعلم وانحرجت والوجه عاطه ستين لون مع تشكيع 😶
وسكتت وليث عرفها منحرجه وازرطت قرب منها نين انفاسه لمسن خدودها وسناء غمضت اعيونها بقوة بخجل وقاللها : مبروك الصبحيه ياعروسه ,, وربي يباركلي فيك نا واعيالي يااحلا سنيوة 😘
وباسها وطول وهو ايبوس وسناء هالمرة تقريبا الروح طلعت تجولت في الدار وردت من الحشم 😁 ونزل من السرير وكان لابس شرت للركبه وصدره عريان وسناء بعد شافاته هكي الحرارة ولعت فيها وخذا ليث ملابس داخليه وخش للتواليت وغمزلها قبل مايخش وسناء لفت وجهها وبعد سمعت صوت الميه لفت الملايه علي جسمها زي الفستان وقعدت اتنطر عالسرير بفرحه وانخبطت بقوة وليث من جوا التواليت قال : كنك سنيوووة فيك شي ?
سناء حطت ايديها علي فمها بعد قمعزت وقالت : لا مافي شي كمل شاورك ,
وبعدها ابتسمت وطاحت عالوساده وضحكت عالساكت واحضنت الوساده متاعه وقالت بصوت واطي : نعليااااا نا مش حلم ياناس علم والله علم 😍 مش مصدقه ان الطرف هضا رااااجلي هههههه شكلي من جماعة راجلي حتى ناا 😂 ايهبل ياخياااتي 😘
وناضت مشت للدولاب وخذت دبشها وطلع ليث لاف منشفه علي خصرها وشعره مبلول وكان ينشف فيه بمنشف صغير وسناء تحتطت واتشوفله ولبث قرب منها وهمسلها : اتهشي تاخذي شاور والا نلعبو لعبة ثانيه ,😉
وعمتكن سناء اتقول خد نغزها بنسمار طااارت للتواليت والوجه حمر علي برتقالي ولية ضحك وهالمرة بقوة نين اعيونه دمعن ,,وقال
روايتي من تعبي وشقايا وتأليفي ناااا 😬 الهميل الشارد هميلو ,,وايميلي الثاني Gazala Bobacer
ايوااااه بلاش سرقه ,,😒
المهم ليث قال : عسل وحق ربي متجوز طفلة نا.? مش ساد اللي عندي ,😂
ولبس قميص جيشي كم لونه سادة وسروال قماط كحلي وتعطر وتمشط وبرم علي رويحته ونزل لعياله وسناء طلعت لقاته مش قاعد وهي لافه منشفه وعالسريع لبست وتجهزت ونزلت وهي متشيكه ومتعطرة ,,ونزلت لقت نوره اتخط في الفطور والعيال يفطرو صبحت عليهم وقمعزت في مكانها وبدت تفط. في شهودي ,, وناضت سالمين وجت قمعزت وهي اتخزر في سناء وسناء مش معدله ,,وطبعا كان يوم جمعه والساعه 10 إلا ,, والكل فطرو وبعد صبت سناء اتنط سالمين لليث وقالت : نبي انروح اليوم ياليث 😒
ليث باستغراب : وعليش اليوم انشاء لله مش زعلانه ياعمتي ,
سالمين : ينقني زعلانه وواجد اخرا ليث : عليش ,, من زعلك ?
سالمين : مراتك ,,انس ياما صار وعليك كلام قالاته ليا قريب لزتني الا حاجه ساهله 😒
وسناء جت علي كلامها والعيال طبعا ماكنوش قاعديت بس شاهين كاسر وذنه معاهم برغم انه داير روحه يلعب عالبلاستيشن ,,
ليث لسناء : سناء شن صار امس شن في ?
سناء تنهدت وحكت باللي صار بيناتهن وبالتفصيل وقالت : اعتقد عيب اتعين الوليه اللي متغربه وتخدم بضمير وتعتبر فرد من العيله عشان حاجه تافهه ,, 😏
سالمين بغل : لا ياحنه قويها علينا وخليها هي اللي تأمر علينا خير 😒
ليث عض شاربه السفلي وقال لعمته : معليش ياعمتي نحن نوره معانا لها سنين من حياة المرحومه حيه وعشرة عمر بيناتنا وماعنرش حد هانها هي وليه تخاف ربي وراقده ريح جايه تخدم عندنا ومسيبه عيلتها عشان رزقتها مايجوزش انهينوها او نجرحوها بكلام جارح
سالمين : ونا ماقلتلها شي مفيت تمنيت غدا معين بس ,, بس مراتك زودتها معايا راه 😒
سناء فهمت انها بتسبب مشكله بينها وبين ليث واعياله وقالت ببسمة صناعيه : معليشياحاجة سالنين حقك عليا انا بس فهمتك ان نوره معزتها من معزة الحوش وعمتي هاجر وصتني عليها ,, خصوصر بعد شفتها تبكي معش تحملت ,😊
سالمين بغل من جوا وقالت : عااادي المهم انا اليوم قررت بنروح ,
ليث : علي راحتك,, اتغدي معانا ونوصلك ابروحي ,
سالمين. الله يربحك ياغالي ,,ديما قرعتنا انت وحتى وبنتي توفت عشانها وعشان اتحبها مازلت دايرلنا قدر ,
ليث : ماعنديش فيها جميل ياعمتي ,,انتن تدللن ,
وصبا يتابع شغله عاللاب توب وسناء ساعدت نوره في تتظيف الطاوله برغم انها حست بغيرة من كلامهم ,,حست ان سالنين تتعند جرحها بلعاني ,,بس كبرت عقلها وخشت ادير الغدا ونوره ااساعد فيها وكانت الدوراه والمعلاق واتيات ومنظفات وبدت سناء اتقرض للعصبان ونورة اتقرضلها في خضرة الكسكسي وحشت سناء المصارين وحطاته في الطنجرة وبدت اتطيب في الغداوبعدها بدت في المصير والسلذات والموالح وعمتكن سالمين هشت دارها ورنت بالفون وجاها الرد وقالت عزوز القهر : الووو ايواه ,,كله تماان اليوم بيروح بيا جهزن اللي قلتلكن عليها بس ,, وعلي اساس زعلانه منكن ,,, ايوااه راكن تنسن ,,قاعده العقرب عاطها مايطيرها ,,لا ماعليكن اليوم فرصتكن راه ,,انتي بالذات ماتضيعيش هالفرصه من بين ايديك فاهمه ,,لا ماعليك ,,عارفه عارفه ,,خلاص سكري توا ,
وقفلت وهي تبتسم في بسمة ملها مليانه شر ورفعت حاجبها وقالت : انكان ما زريتك ياولد فهد مانقعد اسمي سالمين ,ههه ماصدقتها حولت من طريقي نين اتجيب غيرها صبرك عليا بس ,,حنلعبك عالشناكل صبرك بس 😏
وعند العيال سناء دارتلهم شوكلا مارس نسيحتها مع شوكلا نوتيلا بالكراميل والكاكويه نظام في كبابي وياكلوها بالكاشيك وحطتهن في الثلاجه تعطيهن لهم بعد الغدا ,, وكانت داهشه وواصله حدها ليث كل مايخطر عليه ليلته مع سناء ايشوف للمطبخ ويبتسم بحب وهو ولهان العطيب ,,
شادي لخوه شاهين قال : كنك لك كم يوم مش تمام ? 😕
شاهين : متضايق من مرت بوك 😒
شادي : انت غلطان ياشاهين سناء طيبه راه ومش كيف المربيات اللي زمان ,
شيماء وهي تعطي في العاب التركيب لاختها شهد : معاك حتى نا سناء برغم وعارتها وحركاتها الغريبه بس طيبه ,,نحس بيها كأنها اختي الكبيرة ونقدر نحكيلها اي شي ,
شاهين عصب وقال بصوت االي : لأنكم حمييير عرفت تخدعكم بس نا لاااا وحنلزها من حوشنا وحتشوفو ,
ومشا خش للفيلا وسيبهم يشوفوله باستغراب وطبعا سمعت كلامهم وحده وفرحت وقررت اتحط شاهين في مخططها وخشت لحقاته ,
و..............
ماتزعلنش حبوباتي هذي بلة ريق االاقل ولكرة باذن الله حتطولها اكثر توقعاتكن ,,
للكاتبه الهميل الشارد هميلو 😘
قراءة ممتعه 💋
#Hamelo ✒
