صلو علي من بكا شوقا لرؤيانا ,, حبيبنا رسول الله ,,
💚💚💚💚💚💚💚💚💚💚💚💚💚
رواية #نا_وضنوة_راجلي من تأليفي #Hamelo
الحلقه (12)
وصلنا لعند ليث رن فون الفيلا ووقف رد عليه ,
ليث : ايوا ,, وعليكم السلام ,, اهلا وسهلا ,, والله مشاغل ,,اكيد ,, حنكلملك عمتي ,
وحط السماعه وخش علي عمته في المطبخ مع نوره وقال : عمتي تلفون لكي ,
هاجر وهي اتحط في الستدوتشات في الكوشه : من ياغالي ?
ليث : عمتي سالمين ,,
هاجر تأففت وقالت : شن تبي توا هذي ?
وطلعت ردت عليها وعرفت منها انها تبي اتجيهم بكره وتعذرت منها بحكم مش موجودين بكره وزعتها عمتكن هاجر وهي غامتلها منها ,, وعدا اليوم عادي وثاني يوم ناضت سناء. وخشت عالعيال واعتهم ,, بطريقتها المرعجه اكيده 😂😁 تخبيط وشاهين وفارس وفراس وشادي استسلمو لطريقتها في. تنويضهم بدون مقاومه ناضو غسلو وجلو سنونهم وتوضو صلو لان. سناء ركزت علي تعليهم الصلاه كل فرض في وقته ,,لأن هاحر علمتهم لكن وحلت فيهم انهم يتمسكو في صلاتهم لكن سناء حاجه غير بيصلو يعني يصلو 😁 حتي رسولنا وصا علي تعليم اولادنا الصلاة ,,لانه قال( عالسبعه علموهم وعالعشره اضربوهم ) وسناء برغم جوها الفستري ونشاغبتها لكن متمسكه بصلاتها ,, المهم ناضو الاولاد وصلو نزلو وسناء كانت في غرف. البنات ولعت الضي وشهودي ناضت وشيماء غمتلها منها ماتحبش حد يولع عليها الضي وهي راقده ,
سناء بصوت مرح : هياااااا عسولاتي صباحو شهد علي احلي شهودي 😘
شهد قمعزت وتحك في اعويناتها وشيماء قمعزت وقالت بغل : عليش اتولعي في الضي توا ? ماتشوفيش فينا مرقدات ?😬
سناء : خلاص الشمس طلعت وقريب ايأذن الظهر وبعدين مش كويس مرقد للقايله ,,انتم اطفال نوضو بدري وفي الليل رقدو بدري تصحو وجسمكم ينمو بشكل ممتاز 😊
شيماء : اي قايله الساعه سبعه توا 😳
سناء بعد سلحت دبش شهد وبتخش بيها للتواليت قالت : وهضا الوقت اللي مفروض اتنوضو فيه ياحنه ,,
وخشت بشهد غسلتلها ولفتها في منشفها وطلعت للغرفه وفتحت ضفة دولاب شهد وطلعتلها لبسه خلوة اتهبل ودهنتها بزيت بيبي وحطتلها بودره اطفال ولبستها وعطرتها بعطر اطفال خفيف وقعدت تمشطلها وشيماء خشت غسلت وتوضت وطلعت صلت وسناء حست ان تول خطوة تمت طلعت بشهد تحت ولقتهم مجتمعين عالفطور ,وقمعزت تفطر واتفطر في شهد ,, وبعدها العيال طلعو للحديقه يلعبو وسناء ونوره بدن ايضمن في صفرة الفطور ولية علي خاسوبه ولا كانه عريس وعتده عروس لازم يدلعها ولا حتى يهدرز معاها ,, المهم العيال خشو عالتي في الا شيماء قعدت اتلعب في شهد عالالعاب وفجاءة رن الباب ,
نوره فتحت وخشت وجهها اصفر وخشت وراها سالمين ومعاها بنتين ,
البنت 1: صباااااحو حبايب قلبي ,😘
هاجر وليث : صباح الخير ,,
والعيال وشيماء سلمو علي حنهم والبنات اللي معاها , وسناء ركزت علي علي البنات وخاصه انهن وقفن جنب ليث رقعدن ايسلمن عليه ويحكن معاه وهو من الاحراج وقف ,,
هاجر بعد سلمت عليهن : اهلا وسهلا حبيباتي ,, نورتونا ,, ماتوقعتكمش الصراحه اتجن اليوم 😊
البنت 2: من شوقنا واريافنا عليكم عميمة هاجر والعياااال اللي رايفتلهم. حبيبااات خالتووو 😘
ارجن ارجن 😂 اكيده بتعرفن من البنات اللي مع سالمين ,, حنقوللكن 😌
هذين وحدة بنت سالمين ووحده بنت اختها يعني وحده اخت شروق ووحده بنت خالت المرحومه ,اختها اسمها شمس عمرها 27 سنة متخرجه من الجامعه وتشتغل في مكان حكومي ,, وصفها بيضا وشقرا ورقيقه وطويله اشوي ونقشها اصغير اعيونها وخشمها وفمها وشعرها كيرلي ,, وقصير وتلبس عالموضه وانيقه ,, وبنت خالتهن اسمها هند وبشرتها قمخيه واعيونها سود وشعرها اسود وطويل وحتي خشمها طويل من الاخير حلوة بس رقيقه واااجد ولابسه بنطول حينز ظااااابط ومعاه بلوزه قصيرة بيضا بالوردي ووشاح مغير هو حطته ,, وعمرها 26 وتحاول اتقلد في شمس في لبسها وكلامها ونعوجتها ,,المهم جن عالصبح وسناء غمتلها منهن خصوصا انهن قريب يركبن علي كتوف ليث وهو منحرج منهن وسناء قريب تدعس عليهن ,, وسناء كانت لابسه توته راب ورديه وشعرها مطلوق ومكحله اعيونها بس ,,ومع هضا باينه كيوت وجمالها طبيعي ,,😍 المهم عمتكن سناء فاتنها لا سلمن عليها ولا شي ,وليث لاحظ استمرادهن فقال لشمس وهند : انعرفكن علي سناء زوجتي ,
شمس برفعت خشم : اهاا ,, اهلين ,
سناء رفعت خشمها وحاجبها وقالت : اهلين ,
هند : اهلا ,,
سناء : وبيك ,
طبعا ليث والعيال لاحظو النظرات والتخزر من البنات وهاجر حبت تشغل الكل فقالت: نورتونا ياسالمين ,,
سالمين برفعت خشم : بنورك ياهاجر ,
سناء استأذنت وخشت لغرفتها فوق وليث لاهظ عصبيتها وحاول ايتملص من شمس وهند اللي قريب يقمعزن في كتره ,, وهاجر لاحظ خركات شمس بالذات اللي تدلع وتتجعون ,فقالت : ليث خطيتلك الامانه اللي بدري في دارك راه ,
لية قرن حواجبه وشافلها بغدم فهم وهي فنصت فيه وفهم انها اتوزع فيه فقال : ااه صاح ,, امبدري قلت لسناء اتجهزها ,
شمس بقصقصه : شنو هي ?
ليث : ال....حاجه هكي يعني نبيها ووصيت عمتي عليها ,, اوكي عن اذنكم توا ,
شمس غمتلها وقالت بصوت دلوووع يقهر 😤: متتأخرش علينا ياليث مشتاقيلك راه وجايين بنهدرزو معاك ,, قصدي معاكم ,
ليث بثبات قال : تسلمي ياشمس واعتقد ان مرايفه علي اعيال اختك وياريت تهدرزي معاهم وتغيريلهم جوهم لانهم اكيد مرايفين علي خالتهم.,,
وطلع عالدروج مشر لجناحه وخش غرفة سناء القيها نطلعة اغلب الدبش عالسرير وسمع صوت الميه عرفها تاخذ في شاور وقعد ايوازي في دبشها نين طلعلها لبسة راقيه وحلوة ونازكه قونة قصيرة للركبه بنيه غامقه وفيها حزام ذهبي يلمع نازل اشوي عالخصر وومبلها عليها بلوزه زرعيه هاديه بلمعه هاااديه وكمامها نص كم للمرفق وابتسم ,, وطلع نشا لمكتبه اللي جنب غرفه اعياله وجا عالروشن ايشوف لعياله اللي يلعبو في الحديقه بالالعاب والدراجات ولاخظ شمس شملها اتعارك انهم لبزوها وخايفه علي دبشها وهشت وهي غامتلها وهو قرن حواجبه ,, وعند سناء طلعت لقت الدبش في وكن ولبسو حلوة وحدها وشكت ان ليث ممكن هو اللي اختارها لها فحبت تلبسها وفعلا لبستها وخطت مايكب خفيف ودكنت كحلها وبخت برفانها ونشطت شعرها روفعاته بمساكه ونزلن خصلات شعرها الناعم متمردات علي وجهها ورقبتها واللبسه طلعت عليها تخخخخخبل 😍
ولبست عليها كندره عفسة ذهبيه هاديه ماشيه مع اللمعه اللي في اللبسه ,, وطلعت وهي عاحبتها ارويحتها العطيبه ونزلت لقت الصبايا عالصالون ونوره اتضيف فيهن في قهوة ,
سناء لنوره : في نيكافيه واتيه يانوره ?
نوره : ايوا ياست الكل ,
سناء هشت للمطبخ ودارت كبايه كابتشينو لانها اتحبها وطلعت لقت ليث نازل من عالدروج وشافها والعيون قبل زرقن علي سناء ماتوقعش اتمون جميله وجسمها حلو بالقصير وحاول يتحكم في روحه فغير تظره عالكبايه وقرب منها وقال. : نسكافيه ?
سناء بابتسامه اتهبل خلاته مستك قالت : كابتشينو ,
ليث باعجاب : اوووو تعرفي اديريها ?
سناء برفعت حاجب : أكييد اصلا عشقي نا وخويا سليم ,😌
وتخش في النص شمس اللي لاحظت سناء واناقتها واعجاب ليث بيها فقالت : عادي ليثو اتديرلك واخد كاباتشينووو ولا خلي المدام اديرلنا اثنين ليا ولكي ,
سناء ابتسمت بهزوة ورفعت حاجب وقالت : نووو ياحلوة انتي عندك قهوة عربيه واجد عليك هكي ,,وبالنسبه لليث عادي نعطيه كبايتي ,,
وشافتله بنظرة اغراء ,,اللي قبل عمكت ليث اغما عليه وماتوقعش سناء تحكي هكي وطبعا عمتكن سناء تقهر في شمس لانها فهمت خرماتها وعرفت نواياها بدون ماحد يحكيلها ,,وهمست لليث بس بصوت سمعاته شمس : مازالت ماشربت منها راه خوذها ,
ليث واعيونه عليها قال : حتي ولو شاربه منها عادي ,,علي كبدي زي العسل ,
وعطاته اامبايه وجت قمعزت جنب هاحر اللي عحبها اسلوب سناء ولبستها ,,وليث طلع للحديقه وخذا حاسوبه اللاب ,, وشمس كان ماخافت اينقدو عليها راهي طلعت وراه وسناء تبتيم لسالنين والبنات ومن جوا قريب تنفجر 😁
***************************
انجو لسليم وعيلته اللي عبا النطبخ خضرة وعصاير وحلو ولحم عشان بتجيهم سنيوة وهي الغاليه عاااد وطبعا جت ام عايشه وخواتها ايساعدن فيها عالعزومه الا سلفات عايسه تهربن اللي تقول عندي عمل واللي تقول ولدي مريض وخوذن من هالطروح 😒 المهم عايشه لاديه اتقرض في خضرة العصبان وامها اتزلط في الحمص واختها لخرا واسمها نجاة وعنرها 20 وتقرا في الجامعه تساعد فيهن في المطبخ ومانحكيلكن علي جو العزومه ,, وسليم من فرحته بمراته ونسيبته شرا هديه لنسيبته ومراته بس خلاهن بعد يروحو المعازيم ,,
عايشه لنحاة : نجوته طلعي طاجين الموالح من الكوسه وخطي فوق وحطي الطاحين التاني الله يربحك ,
نجاة : حاضر ,, تي ملا سلفاتك محماط يشلهن اميده ساع ايجن عالعشا ياملن ويروحن خزي ,
عايشه : مش محتاجتهن سلم اني وسلمك انتي اللي نقدر بيكن اندير اخسن عزومه بلا جميلتهن ,, اصلا هن مايحبتش سنيوة ,
ام عايشه وأسمها مريم : هابا علي بختها سنيوة ديما عيت حنه مايقبلنها ,
عايشه : ربي يسعدها وايهنيها ماتحمل في بتياتي حاجه الحق ونا اتعزني واتحبني زي خيتها ,,نيتها نظيفه وبالها واسع ,,
نجاة : ينعليا ياريته اشرف كبير راهو خذيناها له اتهبل سوسو بنموت ونشوفها بعد الزواح عقلت ولا مازالت مجنونه 😂
وقعدن ايهدرزن وايجهزن وخلوهن خايسات نش شورنا توا ,,
وانطبو عند محمود اللي تاكها عركه مع منيه رطلع من شقته ونزل لهله وكان متضايق وطلع قدام الحوش ورن عليه رفيقه وقاله قاعد قدام الحوش ويرجا فيه ,,وقمعز عالناده برا وهو ايشوف لحوش سناء واذكر ايامه معاها وايام حبه وقعد سارح في ذكرياته ومنقهر انها ضاعت من بين ايديه ويتمنى ايشوفها ولو من بعيد ,,
**********************
وعند سناء اللي طلعت للعيال ولاحظت شرودهم وقربت منهم وقالت لشاهين : كنكم زعلانين غريبه النفروض راكم توا جنب خالاتكم وحنكم وتهدرزو معاهم ,,عليش ماتمشولهن ?
شاهين : مانبوش نقعدو معاهن اصلا حني نحبوها بس هي تغيرت علينا ,
شادي : خويلة شمس نتت في فراس بعد لبزها بالتراب وقالت علي شهد مقرفه لانها حاولت تاكل تراب ,,زعلت منها خويله نا
سناء انصدمت وقالت : لا اميده خويله اتحبكم بس انتن بس خساسين باقيين وهدؤكن هضر مش مريحني واخذه عليكم.متاعين مقالب هطرها ويت شيمو ?
شادي : خذت شهد وخشت للفيلا زعلت من خالتي شمس ,وقالتلها انتي مش زي ماما ,
شاهين : خويله شهد متغيره حتي انها معش اتزور فينا زي قبل ,
سناء قرنت حواحبها وخشت للفيلا ولاخظت غياب شمس مش قاعده مع الصبايا وركبت عالدروح وهي تسمع .................
توقعاتكن عصابه 💋
قراءة حلوة ورايقه 😘
#Hamelo ✒
