رواية #نا_وضنوة_راجلي للكاتبه #هميلو 💚
الحلقه (17) ,,
وصلنا لعند عمتكن سناء خذت الشله للمطبخ ماعاد شاهين سكر راسه وقعد بروحه وبدت ادير في التورتا ,, وليث شافهم وبعد قمعز ايهدرز مع عمته هاجر سمع صوت جرس الفيلا مشت نوره تفتح ,,واشوي اتخش عليهم سالمين ومعاها شمس وهند طبعا الثلاثي المرح,, وسلمن علي هاجر وليث وفاتن سناء علي اساس مش فايته يعني ,, المهم خشت نوره للمطبخ سألتها سناء : من يانوره ? 😕
نوره وهي اتخط في بكرج القهوة عالنار قالت : دي سالمين وبنتها شمس وهند ,😒
سناء غمتلها وخصوصا ان شكلها تبهدل من الدقيق والكريمة والشوكلا ,, والعيال مازالو يالاها يلخسو في بقايا الشوكلا من الصونيه وقالت في سرها ( خرررف هذين اسكنن عالجيه شن في بالزبط ? قلبي مش مطمن الصراحه ,هضا خبر يبي مسانده انشوف وضعي قبل ,,😐)
وكملت وحطت الطواجين في الفرن وكان كبير وبثلاث طبقات وبدت اتنضف في حوستها هي والعيال ونوره قالت : سيبك من الشغل ياست سناء واومي ظبطي نفسك كده والبسي حلو وحطي الاحمر والأخضر كده يابت ده اناي لساتك عروسه 😒
سناء بابتسامه : حاضر ياخاله نوره من عنيا ,,اخلص اللي بين ايديا بس😁
نوره خذت منها المنديل اللي تمسح ببه وقالتلها : روحي ياهانم روحي لاحسن يطألي عرق ونا عمال برغي وانتي زي ماانتي روووحي 😤
واطلعت سناء بعد برمت عالخفيف علي سعرها وحولت المأزر اللي علي صدرها ووسطها ونفضت الدقيق وهي تضحك علي كلام نوره وطلعت ركبت عالدروج وهشت لغرفتها والعيال طبعا سبقوها سلمو علي جدتهم وخالاتهم وطلعو يلعبو في الحديقه وسناء وصلت لجناحها وطبعا بعد طلعت من المطبخ ماشافنهاش لان الصاله مش شور المطبخ ,,المهم خشت لجناحها لقت ليث متكي عالسرير وغامتلا ,,
سناء تنحنحت : احمم اسفه خشيت عليك بدون مانخبط ,
ليث شافلها وقال : لا عادي سناء خشي ,
وخشت ناحيه الدولاب وفتحت الضفه وطلعت لبسه سروال جينز اسود ومعاه طرف تيشرته اسود وبلوزته بيضا فيها ورد كبير احمر بالبيج وخشت للتواليت خذت شاور وزهنت بلوشن وحطت بودره جسم ولبست لبستها وطلعت جففت سعرها وليث اعيونه عليها 👀 وقعدت تبرم علي رويحتها ورفعت شعرها نظام ذيل حصان وتعطرت لعطر شانيل ولفت لقت لية ايشوفلها ضحكت عالخفيف وقالت : هههه هضا حال البنات والصبايا كلهن ساعه بيش يجهزن ماتحطش في بالك ,😁
ليث وقف وقرب منها وسنيوه توترت وبلعت ريقها من قربه وشافتلا وهو اعيونه عليها👀 وهي اعيونها عليه👀 ونا اعيوني وجعني من ضي الفون 😵
ماعلينا المهم ليث بصوت واطي ومليان حنان قال : انتي بكل حالاتك اتهبلي ,,وبالعكس انتي ماطولتيش مجرد لمسات تجنني ,, عارفه سناء اكثر شي لفت نظري ليك شنو ?
سناء مستكه وفاتحه فمها وهي تشوفله ومش مصدقه ان ليث يتغزل بيها وقالت : شنو ?
ليث : عفويتك وطفولتك ,, انتي انسانه بريئه اكثر وحده شفتها ماعندهاش خبث ,
وقرب منها وسناء متخدرة عالاخر وفي لحطه هو غمض اعيونه وهي غمضت وطااااف انخبط الباب بقوة خلاهم فاقو علي رواحهم وسناء توترت وارتبكت تي هذي المرة الثالثه يخرب عليهم جوهم 😁 ماصار شي من الرومانسيه , المهم سمعو خبطه في الباب ذلع ليث فتح الباب القي شمس طايحه عالوطا وتعيط وماسكه كراعها.
شمس : ااااااي اااه يارجلي انكسرت وووااااك عليااا 😭
سناء لوت شاربها وغمتلها وليث بعفويه : كنك ياشمي شن فيك ? 😨
شمس. :رجلي رجلي ااااه ,😓
سناء قربت منها وقالت : وكيف وجعاتك شن درتي ضربتي الباب كانشو ولا تلعبي في كونغ فو ? 😒
شمس : بنكلمكم عشان تنزلو تشربو معانا قهوة العشبه وعميمة هاجر هي اللي قالتلي انكلمكم نبي اندق التويت وذحت عالباب وجت طيحتد لاورا لما انسندت عالباب التوت رجلي وجا ثقل جسمي عليهاا ايييي يامامي ياربي رجلي 😭
ليث نزل علب قصاد رجلها وعمتكن شمس لابسه سروال جينز ضااابط ومرفوع لفوق من الكعب وحاذه خلخال وقعدت ادير في جو اغرا وتأن بصوت يفصع وسناء ماغابيه في حركاتها وزارقه علي حركاتها ,,المهم ليث لمس رجلها من كوعها وقاللها : ماعتقدش كسر لان مافيش نفخ ولا احتقان واضح ,,ممكن ملخ مش متأكد ,😕
شمس : اي ااي بالراحه ليث بليييز ,😢
ليث : حاولي توقفي عليها ,ثودارت روحها بتوقف وياشارينتي مانقدرس ومالت علي ليث في حضنه نظام حضناته لعند لية ارتبك وماعجباش الوضع بس قرن حواجبه وشمس متشعبطه فيه اتقول بشبو 😒 لعند هنا سناء خلاااص قربت من شمس وسندتها وقالت لليث : معليش حبيبي ممكن ماتقدرس تمشي علي رجلها اكيده التوت ساهله حنسندها وانزلها تحت ,,😊
وشافت لشمي بعد شدتها لحضنها وقالتلها : الف لاباس عليكي شموسه هيا اتكي عليا ونا نمشي ببك ,☺
شمس توترت وقاات : هاه لااا تو يساعدني ليث قصدي يعني انتي مش حتقدري اتساعديني بحكم انك بنت زيي زيك ,😓
سناء بابتسامه قالت : لا عووني نقدر نستدك وتشيلك حتى الشيل واذا تحبي نشيلك علي كتفي عادي ,😊
وفي سرها قالت ( ونكرك من عند شعرم كر وكان اظطريت ونسحبك من كرعيك سحبة الطليان للمجاهديه زمان 😬 )
البنت مختشه رسمي 😁
المهم اتكت شمس علي سناء وماحتى تبيها تبي تتلصق وتتشعبط اتقول نوع من انواع الزواحف 🐍 وسناء خربر عليها خطتها وليث كان ميت ضحك علي سناء وحركاتها وغيرتها الواضحه عليه في الاول غارت من السكرتيرة وناداته حبيبي وتوا عاودتها وفي سره قال ( بتهبلني البنت رسمي ,,لكن حنخليك اتقوليها ليا علني ومن قلبم يااحلى شرسه في حياتي😍)
كبد ولا ? 😂 مازال مازال ,,
وخش ليث لغرفته ورن فونه القيه يوسف المهندس اللي معاه في الشركه ورد عليه وقعد يحكي معاه ,,المهم سناء سانده شمس وخطتها عالصالون ,
سالمين بفجعه : ينعليا ياشموسه كنك حبيبتي ?
شمي وهي من حوا بتنفحر بس كملت تمثيلها وقالت : اااه ياماما رجلي التويت عليها وشكلها ياممسورة او مملوخه زي ماقالي ليث ,
سناء بعد خطتها قالت : ساهله باذن الله مغير شكلها تتفصع واجد قصدي ذاحت علي رجلها وهي تجري المهم شكله ملخ وخاليا ترفع رحلها فوق الذاوله ,
وسناء مدت وساده قالون صغيرة لسالمين وقالت : حطيلها الوساده تحت رجلها أحتياط ,
هند بتحعوين تقلد في شمس : ينعليااا ياشموووسه مغير اعوينه ياخيه ,
هاجر : ساهله انشاءلله ,
وسناء خلتهن يهدرزت ومشت للجنينه وقربت من فراس اللي حشيشته جميع ختروشه تمشي علي اربعه من حشرات وقالتله سناء : فراس قلبي الغسل ,
فراس : كنك شن تبي ?
سناء : فاهمتي ياطير وفاهمني عابطاير نبي منك خدمه وماتقولها لحد ,
فراس : وشنو المقابل ?
سناء: اللي تبيه ,
فراس : اوكي شن تبي ?
سناء : نبي ال********* وتحطهن في الم******
فراس : اوكي ,, والمقابل نبي اكبر قرعت من الكيكه وبكره نبي كيكه كراميل وبعد بكره كيكة مثلجه 😊
سناء حطت كف يدها علي وجه وفتشو خشمها وشوربها التون وقالت : خلاااص متفقين ثلاث ايام ترص فيهن كيكه يابوبطن ,,اتقولي رابع يوم ندفنك في مكانك مع دودك 😬
فراس : لا خلاص ثلاث ايام بس اصلا انتي طالبه مهمه صعبه اشوي ,
سناء : باهي خف روحك وماتخشش وراي طول فوت وقت. وخلي باتك نين يقمعز معانا ونفذ اللي قتلك عليه ,😒
فراس بضحكه : تم يافندي ,😁
ومشت سناء وجا فارس لفراس وسأله لكن فراس قاله : من الاخير مرت باتك هذي يعجبني تفكيرها 😂
فارس : 😕
وخشت سناء ولقت شهد تبكي ونوره تبي تعطيها عصريتها وهي تبمي خذتها سناء وقعدت اطبطب عليها وباامخايله سكتت وبدت تاكل من يد سناء الشي اللي قهر سالمين وشمس وهند ,المهم ليث جا وقمعز جنب سناء وهاجر تهدرز وخش فراس يزحف اتقول من جماعه الصاعقه ملبز وجه بخطوط سود وعاصب شريطه سوده علي راسه وقرب من كرسي الصالون اللي عليه شمس وكبلها الحشرات ورا ظهرها وطلع زي ماجا زحف 😂 وسناء الوخيده اللي فطنتلا وهي تهدرز مع لية وتلعب في شهودي وتغيض في سالنين اللي وجهها عاطه ساين لون بعد شافت ليث مقرب من سناء ويضحك معاها واعيونه عليها وليث يلعب في شهودي ,
سالنين بخبث : سبحان الله دنيا فارغه زمان حياة المرحومه شروق بنتي كانت هي الوحيده اللي تخلي ليث مبسوط ويضحك ولا ياهاجر ?
هاجر : الله يرحمها ,
شمس بدلع : اااييي ياماما تبي اتروح نااا وجلي مش قادرة
سالمين بمكر : خلاص هيا يابنتي اندورو من يشيلك للعياده سكلم تتوجعي ونا كله الا الوجع هيا ياحنه ,
ليث حط شهد في حضن سناء وقال : عيب ياعمتي نا قاعد وهيا تجهز روحها وانشيلها للعياده
سناء شافت لهاجر وفهمت عليها هاجر ان شمس تكذب ومازالت هاجر ماحكت وتصكها شمس عيطه جابت اخر المرة الارضيه وهي تجري واتنقز
شمس : ووووووووووووك علياااا وووه عاااااااااا 😭
ليث والمل انصدمو الا سناء شافتلها بنظرة نصر ولية منصدم مش من الخنفس والبوبريص الصغير اللي علي راسها ولا الدود اللي علي كتوفها لكن من تنقيزها ,
ليث بنظرة واااعره يعرفنها شمس وامها وهاجر قال : والا خلاااص اهي رجلها كويسه وتتنطر عليها ,
وصبا مشا وشمس تبكي وانقهرت ومازالت اتعيط وهاجر بعصبيه قالت : شن قصدك ياشمس بالحركات هذين عيب يابنتي انت بنت شباب مش لكي المذب نحن اعيالنا الصغار ونعاركو فيهم عالكذب ,😒
سالمين جمطت وهتد نزلت راسها وشمس طلعت تجري حد يقوللها مازال في بشبو عالق في شفشوفتها والا خلوها لاهيه توا ,,حتشوفها بعد توصل ,😂😁
المهم سناء قالت لسالمين : وصلي لبنتك هالكلمتين الواحد وين ايخط روحها يلاقاها ,, وبنتك نزلت مكانتها ومش نا اللي تلعب وليه علي حياتها او ترسم علي راجلها ,,ليث زوجي والعيال اعيالي توا ,,
وطلعت وسيبتهن وهاج. عاطتهن عذكي النظره وهن راحن في جرت شمس ,,
ومشا اليوم متكرهب شوي بس سناء غمتلها او في حياة ليث تظذر اتحارب عشان مكانتها وعشان تقدر تحافظ علي راجلها وحوشها ,,
المهم رنت سناء علي عايشه وحكتلها اللي صار وعايشه دعمتها بالملام المسجع وانها تتكل على الله وماتسلمش بالساهل ,,
وطبعا هاحر علمت ان هاحر خطها ليث معاه في الشركه وفرحتلها ,, وفي الليل اية قعد سارح في الجنينه وبعدها خذا مفاتيحه وطلع وكله تحت انظار سناء الحزينه وخشت لبست توته بيتيه ولوت شعرها وخشت لجناحها وهي تفكر وفجاءة سمعت هبيط في دار العيال وخشت لقت الدار مظلمة جت بتشغل الضي وتسمع صوت غريب وبعد ولعاته وهي تستك والعيون زرقن لقت شاهين وفراس وفارس جايبين ضفادع وسناء اكره ماتكره بعد الزواحف الضفادع وشهقت وقالت : هييييي خاطري نعرف نا في ليبيا ولا في برنامج عالم الحيوان ,,منين جبتوهن هدثذين يازغد 😬
شاهين : عندنا من قبل ,,,ومازال بنجيبو لفاعي وفكرونات ,
سناء وهي طالعه وغمضت اعيونها بقرف قالت : دره كبدك لفااااعي !! عدي سلم الشاطر طلع المخلوقات هذين برا قبل مايروح باتك ويدير فيك وفينا يوم 😖
فراس : تعالي بس ملسي عليهن مسالمات راه ,
سناء وهي برا زرقت براسها بس وقالتلهم : بعد اتملس علي لاكي وليكه انفمر انملس عليهن ولا لا ? رقدوووووو را بمره انجيبهن 😠
شاهين وفراس وفارس : 😨😨😨
الا شادي راااقد 😴
وخشت لجناحها وفكرت اترن علي ليث ولا لا ? وعليش طلع وويت مشا كلهن اسأله في راسها واستغربت بعد اذكرت كلام عايشه اللي قالتلها حتنسي محمود وتقعدي تفكري في ليث واذا صار وفكرتي بلية معناها بديتي اتخبي او تميلي لليث واباسمت وخشت فراشها وتعوذت من الشيطان وقالت اذكار المسا وغمضت اعيونها واذكرت شمس وهي تنقز اضحكت بدون وعي وقالت : هضا اللي يلعب مع سنيوة ياحنه ,,هههههه ,
ولعد كم تشقليبه وعركه مع ستين عركه نعست ورقدت وفي اللحظه هذي خش ليث وكان باين عليه الارهاق وبرم علي اعياله. وبناته اطمن عليهم وهش جناحه والقي سناء راقده اتقول عافس عليها فيل🐘 😂 السعر من اللوايات في جيهه وراقده علي بطنها وكل كراع في جيهه وخاضنه وسادتها اباسم ليث علي عفويتها واتما جنبها وقعد ايشوفلها وسارح ويملس علي شعرها وغفا رقد جنبها وكانت اول مرة يرقد جنبها ,,وفي صبح ثاني يوم ناضت سناء حست بثقل علي راسها و..........
وهذي حلقة اضافيه زي ماوعدتكن 😌 واعتقد كفيت ووفيت عاااد دعواتكن نعموشاتي 😘
قراءة ممتعه مليشيا 💋
#Hamelo ✒
