رواية #نا_وضنوة_راجلي من تأليفي #هميلو 😉
الحلقة (28) ,,
وصلنا لعند ليث وسناء زرو عمتكن سالمين زرة سودا 😁 ومع هضا تنكر وتكذب حتى مع الفيديو اللي مسجلة فيه هند اعترافاتهن بعد عاودت تسال فيهن علي المقلب اللي دارنه في ليث وهي فتحت كاميرة فونها وسجلت الفيديو وهي ياشرينتي تبربش في الفون وهي تسجل فيهن صوت وصورة وطبعا عمتكن شمس تخرط واتكب في شوالاتها وماجايبه علم من المقلب اللي صارلها ,,😁 وطبعا هند دارت هكي عشان حست بالغيرة ,,وان سالمين فضلت بنتها عليها بالرغم ان هند تشبه لشروق اكثر من شمس والعطيبه كانت ترسم علي ليث لانهن متفقات اللي اطيحه تاخذه ,, وانتن كلكن مفهوميه من اللي دفلها الطاجين هضا ,,😁 وخلاها تفكر هكي وجابت الدليل لي ايباد شاهين,,المهم سالمين تنكر فواجهوها بدليل اخر وصفر ليث وطلع شاب هكي حالته مبهدله شوي ويمسح في خشمه وشكله شكل واحد مدمن واعيونه محلقات وصدق صالح الابيض اللي قال الحشاش تلقا وذانه مهدلات اتقول وذان جرو🐶 😁 وسالمين وشمس قبل انجلطن ,,#Hamelo ,,
سالمين بصوت يرررعش وماحوتك تكلمت : ..ح. حح .......حسن 😨
شمس بلعت ريقها متخزرطه 😨 وهي خلاص عرقت وقريب تسيح 😁,, وليث قال لحسن : تكلم ,,وقول اللي قلته ليا ,,والا 😒
حسن بتوتر وقال : زي ماحكيتلك ياراا ,,نا وشمس كان بين علاقه من زمان ونرة نصالحو ونحكو مع بعضنا ومرة اتفوتني وتستكردني ,,وقبل مانضربك هي وامها كلمني انحيهن وتعشيت عندهن وحكلي انهن يبن ايديرن فيك مقلب وقاللي نضربك وبعدها اندير روحي جيتكم وشلته معاكن للمربوعه وعطني فيها مبلغ الف دينار وهضا اللي صار ,😏
سناء شافت لسالمين وقالت : هاااا شن قولك توا ? راك تقولي حتي الدليل هضا كذب ,😒
سالمين تخزرطت هالمرة وقعدت اتلكلك وقالت : ه.هه.هضا واحد كذاب ,,ا..اا.اصلا هو يبي شمس بنتي وهي رفضاته و.وو.وهددها انه بيضيعها لانه واحد فاشل و.وو
حسن صفقلها وضحك وقال : هههههههه لا خطيرة والله ههههههه بعد درتيها ياوجه النحس بنتك دارت معاي علاقه ومن وراك وكنت اندهور فيها في كل مكان ونهدرزو في سور حوشك للصبح وياما خذيت من حاحات عالخفافي ونا اللي مايشرفنيش ناخذ وحده مع كل وراد عطشان 😏
شمس لا عاد حكت ولا نطقت ولا تكلمت مفيت الوجه قعد منشحب واتقول ميته واعيونها زرقن نيين قريب بلطن من راسها ,, والدموع متحجرات فيهن مانزلنش وهي اتشوف في روحها وامها وهن منكشفات قدام ليث وسناء وهاجر ومختار ,,#لهميلو ,,💚💚
سالمين اهجمت علي حسن وقعدت تخنق فيه وتعيطلها وتقول : ياكلب ياخاين ياحشاااش يافاااشل
نا تضحك عليااا نا تستغفلني حنحبسك و..
وحسن فك ايديها بالقوة وهزبها بصوت عالي : اي عدي اخنقي بنتك اللي مقضيتها كل يوم مع واحد شكل ويصرفو عليها والله اعلم شنو ادير اخرا 😏
شمس عيطت بصوت عالي وهجمت علي حسن بتضربه وقالت بصوت مهزوز : ياحيوااااان ياحقييير انا اشرف منك ياكلب ,, 😬
ومسك حسن يدها ودفها نين طاحت ,وسالمين همست بصوت مخنوق: علييش شن اللي غيرك ? مش انت اللي كنت نجدا فيا عشان نجوزك شمس ,,? ليش تحكي عليها هكي 😭#لهميلو ,,😘
حسن : لان هضا الحق ,,ومن الاخير اللي خلاني نحكي كل شي اني قبضت فلوس ,, اذا انتي عطيتيني الف ,, فليث عطاني علي حسابي 15 الف ,,وحنعترف اني ضربته وعادي نخش حبس يوم شهر سنة ونطلع نا راجل والخبس للرجاله الدور والباقي عليكن انتن عار الوليه تنحبس وخاصة عندنا ,,😏
شمس حرت لامها وامها منصدمة وقالت بصوت خايف : حح.ح.حبس ? 😨😨
سناء : طبعا شن تحيابنها سايبه ? اتبلن علي ليث وتتهمنه في اخلاقه وتتأمرن عليه مع صاحبكن وتبن الموضوع يعدي بالساهل ,😏
شمس اتشوف لسناء بغل وسناء ولا انهزت منها ,, وسالمين لليث قالت : كيف عرفتو ? من قاللكم ? من دلكم علي حسن اصلا ? 😓
لية خط ايديه في جيوبه وقال : الفيديو ولا نسيتي انكن جبتن اسمه وسناء قررت نسأل عليه وكيف مايقولو اللي ينشد مايتوهش ,😐
سناء : هاا تو انسلموهن للشرطه وهي تتعامل معاهم ولا شنو الراي ? #لهميلو ,,,
هاجر وقفت وقالت : هضا الحل النزبوط اصلا هدين لا عدن عشرة ولا نسب ولا دم ولحم ,,ولا عدن اعيون بنتهن النرحومه حتى وهي تحت الحيط والتراب ,
سالمين : لا لالا الله يربحكم الا الشرطه خلاص والله ماعاد انجو شوركم وينعنبو الساعه اللي فكرت انخلي شمس تخطك في راسها الله يربحك يالية عشان خاطر احفادي نا حنهم عيب 😢
ليث : وليش ماعديتي الشي هضا مادام عارفه روحك جدة لعيالي ? ليش مافكرتي اني زوج بنتك مهما ايسير عمري مانفكر في اختها حتي ولو من بعيد ,,
سناء : اذا ماتبنش شزطه وحبس وشيلة جاوبي عالسؤال الاخير ياسالمين ,
سالمين هزت راسها بانكسار بمعني اوكي 😔 ,
ليث: ليش قلتي علي النرحومه مراتي انها خطفاته من شمس وانها تسمع في كلامك لعند ماشلتيها من طريقك ? جاوبي 😡
سالمين : توعدني ..قبل انك تسامحني وماتبلغش فينا وتخلينا نمشو ?
سناء : احكي ياوليه حرقتي دمنا 😤
ليث : نوعدك.,,لكن لو كذبتي حتشوفي وجي الثاني اللي ماننصحكش تخاطري وتشوفيه ,😒
سالمين : اصلا بعد طلع عند المرحومه القلب وحابت العيال بعد اختهم منع عليها الدكتور الحمل وانت طلبت منها خلاص تهتم بصحتها وهي اقتنعت بس نا .. كنت نملا في راسها لانك كنت اتحب البنات واااجد وقلتلها ان انت صغير واميده مافيش راجل ومايبيش اعيال وخاصة انك مقتدر واذا معش جابتلك حتتجوز عليها عشان العيال وقعدت اتزن عليها نين حملت بشهد وتعبت وعاندت مابتش تنزل حملها عشان تسعدك ونا كنت انقوللها انها حتجيب طيبه وتسلن وصبايا واجدات كيف حالتها ,,وهي كانت تفكر اتجيب المرة الاخيرة وتوقف خصوصا بعد عرفت انها حامل ببنت ,, وصار اللي صار ,,انت وعدتني ياليث حلفتك برحمة والديك وبرحمة شروق ماتضرنا ,
ليث من الصدمة جا مقمعز بقوة عالصالون وهاحر شهقت ومختار انقهر اما سنيوة ياحناتي قربت منها وشافتلها بقوة وطااااف 👋 عطتها مف نين جت طايحة وشافتلها سالمين بقوة وسناء قالت : انتي مستحيل اتكوني امها ,,في ام اتضيع بنتها اللي وثقت فيك واسمع في كلامك واناي هازيه علي ثقتها وحبها ليك وماشيه ورا العقرب بنتك شمس ,, علييييش اناي عار علي اسم وليه ,,وقسما برب الله لو تقربي من حومة حوشي بس انودرك بالفيديو وامقاطع الاعترافات البي سجلتهن عليك تو ونقدمهن للتيابه طووول فاهمه 😡 رواية لهميلو ,,
سالنين منفحعه وترررعش ودموعها عبن وجهها وكأنها فاقت من حلم وعرفت انها سبب في موت بنتها ,,
ومشت عمتكن سناء لشمس وطاااف 👋 عطتها الكف الاول وقالت : هضا عشان خنتي اختك ,
وطاااف 👋 وقالت : وهضا عشان كذبتي علي لية ,
وطااااف 👋 وقالت : وهضا عشان نرره اللي امك كسرتها تكسير😡
ومسكتها من شعرها وقالت : ولو فمرتي بس تحلمي حلم براجلي وحوشي واعيالي نذبحك ذبحة داعش وتدفنك ومايجيب علمك والي ياحيوانه فاااهمه 😡
شمس هزت راسها بباهي وخلاص والخدود متورمات ومنحمرات 😁 فشت غلها العطيبه ولزوهن وهن مش مصدقات انهن نجن برواحهن وليث ماحبسهنش وحسن روح بعد ليث لزه ,,وليث تبرا من سالمين وبناتها ,,ومختار متصدم ومنفجع موقف صار قدامه ولا في الافلام وقال : عطبت النهارات معقوله في ناس هكي ? لا حول ولاقوة الا بالله العلي العظيم ,
هاحر تنهدت وقربت من سناء اللي قارنه حواجبها وقالتلها : نشهد بالله انك وليه وبنت وليه عرفتي تكشفيهن وتحافظي علي عيلتك وحوشك وراجلك ,,
سناء : الحمدالله اللي انكشفن ولولا الفيديو راهو ممكن قرينا الفاتحه والله اعلن شن صار فينا ,
ليث مسح علي وجه وحس بحزن علي زوجته المرحومه انها سمعت كلام امها ووثقت فيها وضيعتها واستغفر ربه لانه في نفس الوقت مايبيش سناء تحزن او تغار لكن سناء قربت منه وقالت : ادعيلها ياليث الله غالب هي صاح امها السبب ,,بس هضا مكتوب من ربي ,#لهميلو ,,كثرت عارفه فوتني عاد وخلاص 😁
ليث : الله يرحمها ويسامحها ,ربي مايحرمني منك يااحلي حاجة صارتلي ,
سناء انحرجت انه غازلها قدام عمته وعمه وصبت مشت للعيال ,,ومر اليوم حلو ورايق وثاني يوم كاة جمعة ومانحكيلكن عاللمة الحلوة عالغدا وعمتكن سناء دارت رز بالتقليه ومعاه عصبان ومصارين وحمرتهن ,,الله الله حشيشه سالمين 😁 عاطها سم ,
وطيبت موالح نوعين ومصير وسلطه حمص بالطحينيه وطيبت كيكة بالكراميل لبو بطن قصدي فراس ,,😁 ودارت اكواب الشوكلا بالممسرات والكريمة المخفوقه يمي يمي 😋 سهفت روخي وك عليا حنديرها بعد نكمل الحلقه ,,☕ المهم تغدو وهاجر ونوره يهدرزن والعيال عالبلاستيشن وجابن فواكه وقهوة عربيه اتهبل وجابت معاها الكيكه ,,
فراس : حي حي كيكتي المفضله عطيني قطعة كبيرة سوسو 😋
سناء : حنعطيك فكني من السكنان بس ,,,خليني نقصها قبل ,
وشهد مقمعزه في كتر هاجر ,وتعطي فيها في تفاحة وجو ماشاءلله ايهبل نين نط مختار وقال : بكره نا مروح راه طولت عالعيله ,واتصلو يبوني ,
وطبعا مدتله سناء القهوة والكيكه ,#لهميلو
هاجر : مازال بدري ياخوي اقعد يومين اخرا ,
مختار : والله مانقدر ,,انتي عارفه مشاغلي واجدات مغير قلت انحيبك وتشوف ليث وبالنرة تعرفنا عالعسل سنيوة ,
سناء بغمزه : انت العسل ياعمي ,,والله حتكسدنا بعد تروح ,,باهي تعال وجيب العيلة معاك اقعدو معانا كم يوم ,
مختار : لا هالمرة انتم اللي اتجونا وحنرجا منكم زيارة عندي مزرعه العيال ديما يعطلو فيها نقعدو مع بعضنا غادي وبالنرة تتعرفي علي عيلة عمك ولا شن رايك ?
سناء : ياريت ,,علي ليث بس شغله واجد والعيال قرايه توا ,
هاجر : بعد ايعطلو العيال نمشو كم يوم ونروحو ,
وقعدو يهدرزو وليث يحكي بالفون وبعد كنل جا قمعز وقال لسناء : كلمني المهندس اللي مشرف علي نشروعك وقالم شبه كملو وبكره يبوك اطلي عليهم خاصة ان الزبون عحبه التصميم وقرر ايكمل معاك ,,
سناء : صاح !! خلاص بكرة بعد نجهز العيال نمشي معاك ,
وفعلا عدا اليوم حلو ورايق ,, وثاني يوم بعد جهزت العيال وفطرتهم وكانت تحس بشوية دوخه بس كابرت ,,ومشت مع مع ليث وشهد معاهم طبعا خطوها في الروضه وخشو للشركة.وداومو عادي وجا وقت مشيت سناء لموقع النشروع وطلعت ترجا في ليث وهي واقفه برا جت سيارة هوندايا انترا مظلمة تجري وافرنت نين سناء خافت من صوت السياره ,,وطلعو راجلين كتفوها وكمموها وحطوها في السياره وليث كان بيطلع وشافها تنخطف قدامه وعيط بصوت عالي : سناااااااااء وقفوووووو,
وماطق في السيارة الا وهم مركبينها وطارو بيها قدام اعيونه و........
توقعاتكن بكره احتمال الأخيرة او بعد بكره 😘
توقعاتكن ,,💋
قراءة ممتعه ,,😚
#Hamelo ✒
