القدر (الجزء الثاني من رواية يا اما ضابط يا اما بلاش)

الفصل العاشر

#لـِ مريم نصر "ظلال خفية"

دوس على النجمة يا رااايق، مين قدكوا اول مره اعملها في التاريخ نزلت فاصلين في يومين وراااا بعض، اتمنى الفصل يعجبكوا😍

#القدر(يا اما ضابط يا اما بلاش).

#الفصل العاشر.

كانت قدر جالسه وتوجه إليها احد العمال الذي كان يقدم المشروبات لكي يقدم إليها المشروب.

قدر بإبتسامه:شكرا.

وبدأت في الشرب وبعد قليل شعرت بأن رأسها ثقيله جدا، فقررت الاتجاه إلى غرفتها وعندما وصلت امام باب المنزل الذي يوجد في الجهه الأخرى من موقع الحفل جاء إليها نفس العامل وعلى وجهه ابتسامه خبيثه وامسك يدها وسحبها لكي يخرجوا من المنزل.

قدر:ايه ده ايه ده؟ انت بتتحمرش بيا؟ عيب يا بابا.
العامل:معلش.
قدر:بس انت حلو كده ليه؟
العامل:شكرا.
قدر بغناء:انا شوفت واحده وشوفت التانيه بس شوووفتك أمنه انا قلبي دق، هي مين منه؟
العامل:معرفش، ويلا بقى اركبي العربيه.
قدر:هتوديني البحر؟
العامل:اه.
قدر:هييييييي.

ثم صعدت إلى السيارة وظلت تغني وبدأ العامل التحرك بالسيارة.

قدر بغناء:في البحر سمكه سمكه على الشط سمكه طب بيبي شااااوك دودووو دوودوو بيبي شااارك.
العامل:بس يااااا بت بطلي صدااع.
قدر:انت وحش اوووي على فكره وانا مش بحبك يا وحش.
العامل:انا قولتله انيمها قالي لا خليها تهلوس دي هتصدع امي.
قدر:انت ياض يا ابو شعر انت مرتبط؟
العامل:لاااا.
قدر:ومش نااوي ترتبط؟
العامل:انتي مااالك؟
قدر:الله مش بطمن عليك يا ابني.
العامل:ليه وهو انتي امي؟
قدر:انا امك؟ مش تقول يا ابني يا حبيبي بدل مانا بعملك على اساس انك غريب.
العامل:امي مين بس يا بت انتي؟ ده انا اخلف قدك.
قدر:عيب عليك يا ابني تكلم واحده قد امك كده.
العامل:صبرني يا ربببب.

بينما في المنزل اتجهت رحيق إلى آمن.

رحيق:ماشوفتش قدر؟
آمن:لا يا ماما، بس هي كانت هنا من شويه، تلاقيها طلعت فوق.
رحيق:طب انا هروح اشوفها.
آمن:ماشي يا ماما.

وبالفعل صعدت رحيق إلى غرفة قدر ولكنها لم تجدها وظلت تبحث عنها في الغرف لكنها لم تجدها وحاولت الاتصال على هاتفها ولكنها وجدت الهاتف في غرفتها فركضت رحيق إلى الخارج.

رحيق:حااتم انا مش لاقيه قدر وفونها على السرير في اوضتها.
حاتم:هتكون راحت فين يعني؟
رحيق بقلق:مش عارفه، بس انا مش مطمنه.
حاتم:اهدي انتي عارفه قدر شويه وهتلاقيها جايه.
رحيق:شويه يا حاتم ولو ماجتش يبقى في حاجه.

وعندما شعر الجميع بالقلق وعلموا بإختفاء قدر صعدوا جميعًا إلى غرفهم وغادر صخر وإيهاب إلى منازلهم وقاموا بإبدال ملابسهم وهبطوا مره اخرى وتخطت الساعه الواحده بعد منتصف الليل ولم تعد قدر حتى الآن.