القدر (الجزء الثاني من رواية يا اما ضابط يا اما بلاش)

الفصل الثامن

#لـِ مريم نصر "ظلال خفية"

دوس على النجمة يا رايق علشان بجد انا بتعب على ما اكتب في الفصل وخصوصا اني بدرس وماما مش سيباني في حالي، واسفة لو في أخطاء.

#القدر(يا اما ضابط يا اما بلاش)

#الفصل الثامن.

وظل الصمت بينهم حتى..........

فهد بإرتباك:انا.....انااسف.
سراج بإستهزاء:اسف، المفروض اقولك سامحتك يا حبيبي، وانجوووي وياريت ماتعملش حاجه غلط تاني علشان هزعل منك.
فهد بندم:بابا انا اسف وهصلح غلطي، وهتجوزها، بس اتمنى تبقى في ضهري.
سراج بإستهزاء:اه ان شاء الله هبقي اقوله.

ثم قام سراج بالنداء على قدر بصوت مرتفع، فدلفت قدر سريعًا.

قدر:نعم يا سراج؟
سراج:طلعي الاستاذ برااا، قال بيعتذر قال، انت عارف مشكلتك ايه يا فهد انك مفكر انك كده غلط في حقنا بس في الحقيقه انت بتغلط في حق نفسك، خرجيه يا قدر.

وبالفعل عاونت قدر فهد في الخروج وعادت إلى الغرفة مره اخرى بعد أن ساعدت فهد في الجلوس، وكان فهد شارد في حديث والده ويشعر بأنه بالفعل مخطئ وخطئه ليس هين.

قدر:في ايه يا سراج؟
سراج:ايه؟
قدر:انا حسه ان فهد بدأ يحس بالندم، أقف جمبه يا سراج.
سراج:وانا مين يقف جمبي، اقفلي على الموضوع ده.
قدر:اللي تعوزه بس صدقني هنتكلم فيه.
سراج:اللي تشوفيه، قوليلي بقى انتي اللي ضربتي حازم؟
قدر:احم، انت عرفت ازاي؟
سراج:امبارح لما كنت في الشركه روحت اسأل عليكي في المكتب مالقتكيش ومالقتش حازم فلما سألتهم عليه، زميلكم التاني قالي انه واخد علقة موت من حد طلع عليه وراقد واتأكدت اكتر انه انتي لما قالي انه اضرب قبلها بيوم بليل وده اليوم والتوقيت اللي انتي كنتي برا فيه ومتعصبه.
قدر بإبتسامه:يا قافشنيييي.
سراج:ضربتيه ليه؟
قدر:عيل سمج ورخم وكل ما اقول كلمة الاقيه ناطط في النص فقررت اتخلص من زنه اسبوع شهر كده.
سراج:اسبوع شهر يا مفترية.
قدر:اها اسبوع شهر.

دلف آمن وحاتم.

حاتم:انا خلصت إجراءات الخروج، يلا علشان نمشي.
سراج:لا مش هروح معاكم.
قدر:اومال هتروح فين؟
آمن:خلاص يا سراج قلبك ابيض بقى.

ثم أشار آمن لقدر بعنيه للخارج فغادرت  الغرفة بهدوء وخلفها آمن واغلقوا الباب خلفهم، اقترب حااتم من سراج وجلس على المقعد الذي يجاور الفراش.

حاتم:انت زعلان مني يا سراج؟
سراج بإستهزاء:لا هزعل ليه؟ ده حتى ماحصلش اي حاجه، ده انت يا دوب اعترضت على قربي من قدر واني السبب في العدوانيه اللي هي فيها.
حاتم بندم:سامحني يا سراج انا اسف انا بعتبرك اخويا لا انت اكتر من اخويا، ساحمني يا سراج وارجع البيت انا لما قولت الكلام ده كنت متعصب وقتها من اللي قدر عملته في فهد.
سراج:خلاص يا حاتم.
حاتم بتساؤل:يعني هترجع البيت؟
سراج:انت رأيك ايه؟
حاتم:انا رأيي ان ده بيتك من قبل ما يكون بيتي يعني المفروض انت تفضل واحنا نمشي.
سراج:خلاص يا حاتم، هنرجع.