القدر (الجزء الثاني من رواية يا اما ضابط يا اما بلاش)

الفصل الثاني

#لـِ مريم نصر "ظلال خفية"

#رواية القدر(يا اما ضابط يا اما بلاش).

#الفصل الثاني.

قامت رحيق بمساعدة آمن في ارتداء ملابسه وتجهزت هي ايضا وبعد ربع ساعه حضر حاتم وسراج.

حاتم بقلق:ايه في ايه؟
رحيق بهدوء:تعالى دلوقتي نروح المستشفى علشان آمن تعبان.
حاتم:طب ايه اللي حصل؟ مريم لما اتصلت بسراج كل اللي قالت تعالوا حالا وقفلت.
رحيق:يا حاتم حكيلك كل حاجه في العربيه خد آمن وركبه العربيه بس حاسب ايده اليمين علشان شكلها اتكسرت.
حاتم:تمام.

َبالفعل اخذ حاتم آمن للسياره بينما اتجهت رحيق إلى سراج الذي يقف ولا يفهم ماذا يحدث.

رحيق:قدر كسرت ايد آمن.
سراج بصدمه:ايه؟
رحيق:بقت نسخه مني يا سراج، عايزاك لحد مانيجي تقعد معاها وتحاول تعلمها تتحكم في غضبها وعايزاكم تعرف منها مين اللي علمها فنون القتال او اتعلمتها ازاي.
سراج:حاضر.
رحيق بهدوء مريب:وياريت مايبقاش انت يا سراج اللي علمتها علشان بجد هزعل منك جامد.
سراج بهدوء:خلاص يا رحيق.

خرجت رحيق من المنزل وصعدت السياره مع حاتم وقصت عليه كل ما حدث بينما كان حاتم في صدمه كبيره مما يستمع اليه.

حاتم بصدمه:يعني قدر هي اللي كسرت ايد آمن؟
رحيق بإيماء:ايوه يا حاتم.
حاتم بغضب:انا لما اروح هوريها مش خليها تعرف تخرج من اوضيتها.
رحيق:اهدى يا حاتم، انا زي ماقولتلك قدر نسخه مصغره مني وصدقني كل ماتتعاقب كل ماهتعاند وانا خليت سراج يكلمها.
حاتم بغضب:ما هو كله من تربيه سراج عمال يدلع فيهم.
رحيق:ماتحطش اللوم على سراج، سراج ماعملش حاجه وانت عارف هو بيحبهم قد ايه فمادخلش دي في دي.
حاتم وهو يحاول التحكم في غضبه:ماشي يا رحيق مش هدخل دي في دي.

وبعد وقت قصير وصلوا إلى المستشفى وبالفعل كانت ذراع آمن اليمنى مكسورة فتم تجبيرها وسيتم نزع الجبيره بعد شهر، بينما على الناحيه الأخرى في المنزل ذهب سراج بكل هدوء إلى غرفة قدر وجدها تجلس على الفراش وتنظر أمامها بشرود فذهب وجلس أمامها على الفراش.

سراج بهدوء:عملتي كده ليه يا قدر؟
قدر:هو اللي عصبني.
سراج:بس المفروض انتي اللي تحمي اخوكي يا قدر.
قدر:سراج انت لو جي تكرر كلام ماما تاني وان انا نسخه منها واني لازم اتحكم في غضبي وأني لازم احميه فشكرا ليك.
نهض سراج بحزن:بتطرديني بطريقه شيك يعني؟
ركضت قدر في اتجاهه وقامت بإحتضانه بشده:انا انا ماقصدش يا سراج بس ماما قعدت تزعق وانت عارف اني مش بحب الزعيق ومسكتني علقتني من هدومي.
سراج:علقتك ازاي؟
قدر وهي تحاول أن تريه كيف قامت رحيق بتعليقها:كده يا سراج علقتني كده.
سراج وهو يقوم بإمساكها من ملابسها:كده؟
قدر بإيماء:ايوه كده بالضبط.
سراج بشر:ده انا هوريكي الويل.
قدر بتوتر:س..سراج نزلني.
سراج:انزلك ده انتي هتتعلقي تعليقه.
قدر بتذمر:هو ليه كل اللي بيعدي بيعلقني، يعني انت وماما وآمن.
سراج بإستغراب:آمن؟!
قدر:اها اومال انا كسرت ايده ليه.
سراج وهو ينزلها:اها قولتيلي.
قدر وهي تحتضن سراج:سراج انا عايزه اقولك اني بحبك اووووي انا بعتبرك ابويا واخويا وخالي وعمي وصاحبي انت كل حاجه فعليا انت اقرب صاحب ليا.
سراج بحب:وانا بحبك يا قلب سراج، وعايزك تحاولي تتحكمي في غضبك، توعديني انك تحاولي؟
قدر:اوعدك.
سراج بهمس:اوعي تقولي لرحيق ان انا اللي علمتك.
قدر بهمس هي الاخرى:ماتخفش مستحيل اقولها انا قولت اني اتعلمت من على النت، بس هو انت موطي صوتك ليه؟
سراج بعمس:اصل امك ليها ودان في كل حته.
قدر:اها.
سراج:يلا هكت انا.
قدر:طب يا ابو السراريج ابقى تعالى تاني.
سراج:عيوني يا قلبي.