REBIRTH OF A LAZY YOUNG MASTER [ ZHANYI ]

Chapter 9 : Daddy Xiao Zhan

[ UNICODE ]

Chapter 9 : Daddy Xiao Zhan

ရှောပင်းစင်တာထဲသို့ ဝင်လိုက်သည်နှင့် လူအများ​၏အကြည့်များက ပြင်းထန်သော အရှိန်အဝါများနှင့် အတူတွဲလျှောက်လာသော လူနှစ်ယောက်ဆီသို့ ရောက်ရှိလာကြသည်။

Omega အချို့သည် ဘေးပတ်ပတ်လည်တွင် အေးစက်သောအရှိန်အဝါများ ထုတ်လွှတ်လျက် အရပ် 185 cm ရှိသော အမျိုးသားဆီမှ အကြည့်မလွှဲနိုင်ကြချေ။ Suit အပြည့် ဝတ်ဆင်ထားသည့် ထိုအမျိုးသား​၏ အေးတိအေးစက်ပုံစံဟာ အာဏာရှင်တစ်ယောက်နှင့်ပင် တူနေလေသည်။

ထိုကဲ့သို့ ခန့်ညားပြီး အရည်အချင်းရှိသော ကျားသစ်နက်သားရဲမျိုးက ရှားပါးလှတာကြောင့် အချို့သည် ငေးကြည့်ရုံပင် အားမရတော့ဘဲ လာနှုတ်ဆက်ရန်ပင် ပြင်နေကြတော့သည်။သို့သော်လည်း ဘေးပတ်လည်ရှိ ပြင်းထန်သော ဖိအားများကြောင့် မည်သူမျှမသွားရဲဘဲ သတ္တိရှိသော တစ်ယောက်လောက်သာ ရှောင်းကျန့်အနားသို့ လျှောက်လာရဲသည်။

"Hello! တစ်ယောက်တည်းလား?"

​သူအား တမင်တကာ မမြင်ချင်ယောင်ဆောင်လိုက်တာကြောင့် ရိပေါ် အလိုမကျစွာ မျက်မှောင်ကြုတ်မိသည်။ရှောင်းကျန့်ကမူ မျက်နှာသေဖြင့် ထိုနေရာ၌ 'လေ'သာရှိသည့်အလား ဘာမှမတုံ့ပြန်ပေ။

"အိုး .. တစ်ယောက်တည်း မဟုတ်ဘူးပဲ။ ပိတ်ရက်မို့ သားလေးနဲ့အတူ ရှောပင်းထွက်တာလားဟင်?"

ဤတစ်ကြိမ်၌မူ သူ့ကို ရှောင်းကျန့်​​၏သားဟု ပြောလိုက်သဖြင့် ရိပေါ် လုံးဝသည်းမခံနိုင်တော့ချေ။

သို့သော်လည်း ရှောင်းကျန့်​၏ Reaction သည် ရိပေါ်ထက် ပိုပြင်းထန်လေသည်။ရှောင်းကျန့်ခမျာ အလိုလိုနေရင်း သားအဖဇုန်ထဲ ရောက်သွားတာကြောင့် တဖြည်းဖြည်း မျက်နှာကြီးမည်းလာတော့သည်။လူကြားထဲသာ ရှိမနေလျှင် လိုက်နှောက်ယှက်နေသောလူ၏ နဖူးတည့်တည့်အား သေနတ်ဖြင့် ပစ်လိုက်ချင်တော့သည်။

"Daddy"

ကောင်ငယ်လေးသည် သူ့ကို မော့ကြည့်ကာ ဆွဲဆောင်မှုရှိသော အသံဖြင့် ခေါ်လိုက်တာကြောင့် ရှောင်းကျန့်ခမျာ တစ်ကိုယ်လုံးတောင့်တင်းသွားပြီး အသက်ရှူသံပင် မှားသွားရသည်။တမင်လုပ်နေကြောင်း ရိပ်မိသော်လည်း ထိုအပြုအမူများအကြား ရင်မခုန်မိဘဲ မနေနိုင်ချေ။ထို့နောက် သူလည်း အလိုက်အထိုက် သရုပ်ဆောင်ရတော့သည်။