REBIRTH OF A LAZY YOUNG MASTER [ ZHANYI ]

Chapter 12 : Did He Think Of Me?

[ UNICODE ]

Chapter 12 : Did He Think Of Me?

​ဥယျာဉ်ထဲတွင် တစ်ယောက်တည်း ထိုင်နေရသည်ကို ငြီးငွေ့လာသဖြင့် Group Chat ထဲ အပျင်းပြေစာပို့လိုက်သည်။

'@ခန့်ညားချောမောသောယောက်ျားကိုပိုင်ဆိုင်ထားသူ : ဘယ်သူရှိလဲ??'

မိနစ်အနည်းငယ်ကြာသည့်အထိ Group ကြီးသည် ခြောက်ကပ်နေပြီး ဘာတုံ့ပြန်မှုမှမရှိချေ။စီနီယာအတန်းများသည် တစ်ပတ်တွင် ခြောက်ရက်ကျောင်းတက်ရသည်ကြောင့် သကောင့်သားများ စာသင်ခန်းထဲ၌ ရှိနေဆဲဟု ရိပေါ် ယူဆလိုက်သည်။သို့သော်လည်း မကြာခင် တိတ်ဆိတ်နေသော Group ထဲတွင် တစ်စုံတစ်ယောက်က Active ဖြစ်လာလေသည်။

ပြေးကြည့်စရာပင်မလိုဘဲ ထိုလူသည် ကုန်းယုံနန်ဖြစ်ကြောင်း ရိပေါ် တန်းသိလိုက်​သည်။ရိပေါ် ကျောင်းမနားခင်တုန်းက သူရော၊ ယုံနန်ရော ကျောင်းစာ၌ စိတ်မပါဘဲ အပျော်အပါးကိုသာ စိတ်ပါခဲ့ကြသဖြင့် နှစ်ယောက်သားအတူတူ အကြိမ်ပေါင်းများစွာ အတန်းလစ်ဖူးသည်။

သူတို့ငါးယောက်ထဲတွင် သူတို့နှစ်ယောက်ကလွဲပြီး ကျန်သုံးယောက်က စာကို ဟုတ်တိပတ်တိ ကြိုးစားကြသည်။ထို့ကြောင့် သူတို့နှစ်ယောက်သည် ညီအစ်ကိုကောင်းများအပြင် အတန်းလစ်ဖော်လစ်ဖက်များ ဖြစ်လာခဲ့သည်။

ကုန်းမိသားစုသည် N နိုင်ငံတွင် အလယ်အလတ် ချမ်းသာသော မိသားစုကြီးငါးစုထဲတွင် တစ်စုအပါအဝင် ဖြစ်သည်။ထို့ကြောင့် ချမ်းသာသော ဒုတိယမျိုးဆက်သခင်လေးဖြစ်သည့် ကုန်းသခင်လေးသည်လည်း ငယ်ငယ်လေးကတည်းက အလိုလိုက်ခံခဲ့ရတာကြောင့် အနည်းငယ်ဆိုးတေကာ အပျော်အပါးကို မက်မောသည်။

ထို့အပြင် သူတို့ငါးယောက်ထဲတွင် ရည်းစားအရှုပ်ဆုံးလူမှာလည်း ကုန်းယုံနန်ပင် ဖြစ်သည်။ကုန်းယုံနန်​၏ရုပ်ရည်သည် မရင့်ကျက်သေးသော လူဆိုးလေးတစ်ယောက်လိုမဟုတ်ဘဲ တည်ငြိမ်ရင့်ကျက်သော လူကြီးတစ်ယောက်နှယ် ချောမောသည်။ဖြောင့်စင်းကာ ရှည်လျားသော ခြေတံရှည်များနှင့် သွယ်လျကာ ထူးကဲသော ခန္ဓာကိုယ်ဖွဲ့စည်းပုံလည်း ရှိသည်။