كابوس اليقظة

12

مساء الورد

كابوس اليقظة
الجزء الثاني عشر

انربط لساني ماكدرت اجاوب واتخيل مناضل يدخل ويشوفني احجي ويا شنو راح يفكر بيه..
بلعت ريك وگوة نطقت..تففضل؟؟
ابتسم بهدوووء..اكعد يعني؟
كمت وكفت بسرعة..للللا وين تكعد...
يريد يحجي واجه الولد جاب الجاي خلاه ع الميز وسألني تحتاجين شي ثاني..جاوبته من يجي خطيبي نطلب شكراً..

راح الولد وهو رجع باوعلي ومركز بيه ويحجي..شبيج ترجفين تخافين خطيبج يشوفني يمج؟
اييي ارجوك ابتعد عني ولا تسببلي مشكلة البيه مكفيني ..
حط ايديه ثنينهم ع الميز وقرب وجهه ويحجي..عوفي مايفيدج ..انطي نفسج فرصة وانطيني وشوفي حياتج شلون راح تصير..

عزاا انت شتحجيييي وخرر روح روح لا يجي ويشوفك عفية انت ماتعرفني ولا اعرفك منو دازك عليه؟؟مهند مو ..اي اي ادري بي يريد يخرب حياتي ويخرب زواجي عفية انت امبين مثقف مو مثل مهند لا تسمعله..
مهند ابن مرت ابوج؟؟
جاوبته بخوف..ايي..
شمسويلج هذا!!!لهالدرجة خايفة منه ..امبين من وجهه مابي رحمة بس هيج مخوفج!!
بقيت صافنة بوجهه وخفت بالزايد..انا شنو جفصت شحجيت !

بسرعة كتله..روح بسرعة روح راح يوصل خطيبي عفية الله يخليك..
هز راسه متفهم ..ومد ايده بجيبه طلع كارت وحطه ع الميز ..خلي يمج لا تذبي زين !!حجاها مبتسم وراح تمشى كعد بالميز المقابيلي..
جريت نفس وانا اعدل كعدتي وايدي ع صدري ..عفت الكارت بمكانه ماحركته..
راحت نظراتي اله وقريت اسم ..اسياد ..
جوا ثلث ارقام موبايل مختلفة وكلها مميزة..

حتى ريكي ماعرفت شلون ابلعه من التوتر..هذا شنو ومنين
طلعلي وليش بهالوقت..!زين من كتله انت من طرف مهند نكر هالشي ..اي اكيد ينكر قابل يعترف..لان لو مايعرفه ماكال
وجهه مابي رحمة يعني جان نفى معرفته بي كلش..
احتاريت وماعرف شنو اسوي احس ركبتي انكسرت كد مامدنكة..
حسيت خطوات اقتربت مني ..شفتهم رجلين مناضل..
بسرعة حطيت جنطتي فوك الكارت ومديت ايدي لكوب
الجاي صاير بارد ماترهم ينشرب..

جر الكرسي وكعد مناضل وهو يناهت..خرررب الازدحام
صارلي ساعة ادور طبكة ماكو..
رفعت راسي ع كيف احتاريت اباوع لمناضل لو ادنك من هذا
الكاعد وراه..
حجيت وانا احصر نظري عليه..ليش غيرت مكانها
مو جنت طابكها؟
واحد طابك بصفي كلش وطاخها من يم المراية همزين
رحت بيه بخت ..
خو ماصارلها شي؟
لا طخة بسيطة فدوة الج..

يلا جوعان ترى كلش شعاجبج تاكلين..
عاجبني اعزمك ..حجيت وابتسمت بخجل..
تعزميني شنو لا يابه احنا ماعدنا نسوان تعزم هههه..
يا بلة شنو هالنظرة الفوقية !
هههه لا حبيبتي اتشاقى وياج ..سوي اليعجبج وهاي انا
اليوم معزوم بعد شرايد..
حجه واشر للولد اجه ياخذ الطلب..وهذا الكائن الغريب
ع نفس كعدته وبكل ثقة يباوع بس مو بطريقة تلفت نظر..
جان فونه بيده عين بالفون وعين كل شوي يطرفها علي..