كابوس اليقظة

26

مساء الخير

كابوس اليقظة
الجزء السادس والشعرون

عدلت كعدتي وحاجيته بقهر..ليش مستهزأ بنفسك لهالدرجة!!
انت رجااال ولازم توكفه عد حده وتخوفه منك..
هه اخوفه مني!!!تتوقعين واحد ورا هالكد حماية يخاف من
واحد مثلي!
اي يخاف من يشوفك واكف بوجهه ع الاقل يبتعد..
هه بطرانة انت..صدك بعدج قافلة مشتاقلج؟
جريت نفسي وابتعدت..لا عفية ماريد عوفني..
برااحتج..حجه وهو يتثاوب..

اندار ولزم فونه وانا بقيت نايمة بالطرف لحد ماغفيت..
نص الليل فزيت على حركته يجرني لحضنه ..شهكت بخوف
وطحت من السرير..رفع راسه باوعلي ماراضي ورجع حط
راسه ع المخدة وغمض..
بقيت كاعدة بالارض ومتجية راسي ع السرير وصافنة..
على وضعي غفيت..

ثاني يوم ورا مااجه مناضل من الشغل كتله العصر من تطلع
وديني لرشا..
سويتلها حلويات ووكنافة واخذتهن وياي ورحت..وصلني
مناضل لبابهم وراح..
استقبلتني ومن الباب نسولف بعدنا بالحديقة وتذكرت الحلويات
نسيتها بالسيارة..
ياا لج رشا نسيت الحلويات..
هسه يبسط بيهم رجلج ويصعد سكره يلا ميخالف ولو
مامسامحتج..

لا اوكفي هسه اخابره مو بعيد توه راح هو..
هسه كعدي استراحي وخابري..رحنا لغرفتها كعدت وهي طلعت..
دكيت على مناضل اكثر من مرة ماكو مايجاوب..عفت
الفون وكعدت..فاتت رشا حطت الصبنية وكعدت يمي..شبيج؟
مابيه شي بس ماجاوب مناضل..
تلكي معلي المسجل ومايسمع..احجيلي شبيج شنو الصاير
ترى اعصابي نار بس افكر بيج..

مادري شحجي رشا احس بضياع ماينوصف..حجيت وخنكتني
العبرة..
باوعتلي بقلق..شنو شبيج..؟
بديت احجيلها ع الصار كله لحد نقاشي البارحة وي مناضل..
لطمت خدها بصدمة..وبعدج ساكتتله لهسه؟!
شسوي !فهميني شلون اتصرف..
طردي من بيتج ونعلي الخلفوه..شو البيت واخوج مأجره وابو البيت
مسلمج روحه اصلا يتونس تكعدين ببيته وببلاش..

اكثر شي كارهته ومسببلي عقده هو ..اصلا هو السبب بسكوتي
على مناضل وسفالته..
وشعليه هو!بعد فوك ماكاشفه الج يعني؟فوك ماواكفلج بظهرج
مثل السد!!
يوكفلي بصفته منو!؟منو طلب منه يوكفلي؟
اصايل فتحي عينج عفية..ترى الرجال حتى لو جان رايدج
بس انت كطعتي امله بشي..لهذا هسه هو يتصرف وياج
شهامة لخاطر اخوج..واخوج بنفسه موصي عليج!بعد شنو اليخوفج
منه..

ولج واجه منااااضل خلاه يعرررفه..ومناضل بكل صلافة
وقباحة يحجيله اشياء مخزية عن علاقتنا..حجيت وكمت اشهك
بالبجي..
عسى مناضل يفنى ويندفن ولج انا ماشايفة بحياتي كلها هيج
واحد بلااا غيرة..هذا مايتأمن اصايل سمعي حجايتي..عوفي
يولي طلعي من حياتج..انت مو اول وحدة تتزوج وتتطلك..وشهادتج
بيدج وامجد وياج ماراح يعوفج تكدرين تعيشين..

اللوم مو بس على مناضل..انا الوم اسياد لان استغل منصبه
وفلوسه وحط مناضل بموقف الضعف...
ياااافلوس؟؟؟يافلوس التنوزن بالغيرة!؟؟ولج هاي غيرة زللللم
يعني شي فطري لا تضاهيها فلوس ولا منصب ولا حتى ارواح..
فتحي عيونج كافي خوف كافي طيبة كافي كاافي..انفصلي
عنه وعيشي حياتج وي اليستحقج ويداريج ..انا متأكدة اذا تتطلكين
اسياد اول يوم تخلص عدتج يجي يخطبج وهو الممنون..