كابوس اليقظة

27

صباح الخير

كابوس اليقظة
الجزء السابع والعشرون

لا تكولين شلون عرفت المهم هسه عرفتي روحي خابري
بلكي يتراجع ترى الشقة مال ...درجة اولى..
صخاام صدك تحجين رشا خاف متوهمة انت ماتوصل لهالدرجة
ويااا..
اي قابل ارتكب عليه شبيج اصايل وتاليي وياج؟؟
كليلي بالاول شعرررفج؟؟
باجر اجيج وافهمج زين هيج؟؟
اوك روحي هسه..

سديت الخط بيد ترجف واتصلت بمناضل..بسرعة فتح
خط وحيل هدوء يمه..ها هلاو حبيبتي!حجه باستغراب..
مناضل وين انت؟؟؟
يعني وين وي جماعتي غير..
اي وين رايحين..؟وشتسوون؟؟
متجمعين يم صاحبنا بشقته ..
يعني مارايح بطريق مو زين؟
ها ؟شنو هالحجي اصايل ؟؟؟

مناضل اذا تحبني ارجع هسه بهاللحظة تكوم تطلع
وترجع للبيت..
يابه شكووو؟صاير وياج شي؟؟
لا بس اريدك هسه هسه ترجع..
هذا هو جاي جاي..
سديت الخط مامصدكة كلامه راح يرجع ولا مستوعبة
حجي رشا..معقولة اخوها كايللها ؟اي ماكو غيره اكيد
بس مدري ليش ماحجت..

مامرت غير دقايق قليلة وسمعت صوت الباب انفتح..
طفرت بسرعة اركض..دخل صار بوجهي مستغرب..شبيج
شو مو ع بعضج؟؟
تنهدت بعبرة..خفت مناضل..
حط ايده ورا ظهري راد يشبكني ابتعدت..رجع جرني ومسح
ع شعري..منين تخافين كلشي ماكو..المنطقة امان وماعليج
شي..

جر ايدي واخذني للغرفة..قبل مااحجي ويا حجاية ذب
ملابسه ومدد ويباوع للسقف..وانا واكفة وصافنة عليه..
التفتلي مبتسم..شبيج عيوني مو اجيت لخاطرج ماتجين
تنامين!
انت راح تنام؟؟
اي دايخ واصلا جنت ناوي ارجع بس كلساع اكل لروحي
ابقى لحد مادكيتي لكيتها فرصة..

لعد ليش مارجعت من اول ..
هيج مرات واحد يحب يغير جو شوية وشو الجو كلش
ماعجبني غريب وعبالك مامتعود عليه..حجه وعقج وجهه..
سالته بتوتر..ليش وين جنت حتى هيج تحجي؟؟
وي جماعتي شبيج احسج مو طبيعية؟؟؟ترى خاف فاهمة غير
شي خلي ببالج انت غلطانة ..

لا فاهمتك ..حجيت بصفنة ومامقتنعة..
منظره مو مال جان وي مرة شكله مثل ماطلع رجع..
واحس بي اصلا مو ع بعضه عبالك ضايج..بقيت ممددة وهو غفى
قبلي وانا صافنة والتفكير والقلق طير نومتي ماكدرت اغفى
والصداع اكلني اكل..
ماصدكت صار الصبح وراح للدوام..بسرعة اتصلت برشا..

ماجاوبت المكالمة ودزتلي مسج..خل افرغ واخابرج هسه
مااكدر..
زاد تفكيري ومن القلق ماعرف شسوي وكلساع اخربلي
شغلة وارجع اعيدها..انسطرت واعصابي ترجف..
للظهر ورا 12 تقريباً..خابرني رقم غريب باوعت كلت
مامو غير اسياد..عفته ماجاوبت ..مرتين دك ماجاوبت..
ربع ساعة واندك الباب..اسمع صوت امجد يحجي..يااهل
الدار..موجودييين..

طلعت اركض مامصدكة..فتحت الباب بفرح وذبيت
نفسي بحضنه ..مشتاقتله حيل وماتوقعت يرجع اليوم..
بقيت بحضنه واشم بريحته وابجي..اخذني للمطبخ ويضحك..
وينج صالبتني برا من مساع اخابر وماتجاوبين..
كعد ع الكرسي يباوعلي بقلق..شكلج تعبان بيج شي؟؟
هزيت راسي ومسحت دموعي مبتسمة..لا لا بس رقم
غريب وماجاوبته..بس مشتاقتلك حيل..