كابوس اليقظة

40

صباح الخير

كابوس اليقظة
الجزء الاربعون

فتت للحمام وسديت الباب..فحطت وتنفسي
عالي حاولت اهدأ نفسي..بقيت اخذ شهيق
زفير وغسلت وجهي ..حاولت قدر الامكان مايبين
علية لان اذا اسياد عرف تصير كارثة..اسياد
انا اعرفه من يحط شي براسه يسوي ..وخصوصاً
حذرني ومارادني التقي بمهند ابد..

فتحت الباب وطلعت اعدل بحجابي..فتحت
باب الاستقبال وفتت صفن علية بنظرات
بادرت رجليه عثرت بالزولية اجيت اطيح
وطفر يمي لزمني..
وماما وبابا صاحو اسم الله..

حجى همس..بيج شي؟؟؟
لا الحمدلله ماتأذيت جاوبته وحجت ماما..
اسم الله ياماما توني نفس العثرة عثرت تولي
نشيلها احسن..
صدك خو ماتأذيتي؟
لا شوية التوت رجلي بسيطة..

كمت يمها اشوف رجلها وبابا يحاجي اسياد
يسولفون ..حجت وياي همس..بقى بالي
يمج خو ماتلاغيتي وي مهند؟
لا ع شنو نتلاغى بس رحت للحمام على ماترجعين
ومن طلعت شفتج ماكو كلت اكيد مالكتني
ورجعت يمهم..
لا ماكمت بعد ماخلاني ابوج ..

قاطع حديثنا بابا..باتي يمنا اليوم اصايل مدام زوجج
مشغول واحتمال يسافر..
باوعتله باستغراب وين يسافر !بس من نظراته
عرفت يريد ارفض واساساً انا ماريد ابقى مهند
سوة عندي عقدة من هذا البيت وصارت
شوفة اهلي حسرة علية بسببه..

جاوبت بابا مبتسمة..اذا صارت سفرته اخلي
يجيبني الكم بس هسة لازم احضرله شنو
يحتاج ملابسه اشياءه..
ادري بيج معدلة ومرتبة..حجى واندار لأسياد..زوجتك
اخذت طبع نهاد بكلشي جنت كل مااسافر تجهزلي
جنطتي من كلشي حتى عود الاسنان تخلي..

والنعم منها ونعم ماربيتو فعلا اصايل كنز..حجى
وابتسلمي..ها نروح؟
اعترض بابا وماما هم ماقبلت كلهم مشغول
واحيبها الكم غير وقت..
سلمنا عليهم وطلعنا..

اول ماصعدنا بالسيارة حجى بنبرة تخوف..او يمكن
انا لان صاير شي خفت وراح افضح نفسي..
ليش متوترة واطرافج ترجف شفتي مهند؟
حاولت اقوي نفسي شكد مااكدر وجاوبته..لا لعد مهند
موجود مادري بي..
موجود اكيد ماشفتي سيارته!

ماانتبهت بعد خليت ماما تسوي الكهوة
ورحت للحمام ..
يعني ماشافج ؟غثج بشي؟تصرف تصرف ارعن؟؟
لا مو كتلك ماشفته ..
تنهد وبقى يستغفر..ثقي يااصايل اذا مأذيج بحرف
لو بتصرف اذا مااخلي غدا للسبع
ماعلى وجهي شارب ..

كسرت الجو بضحكة..هههه لا تنطي قيمة هذا
حشرة..بس ذكرتني برشا مساع حجت نفس
عبارتك.. اعتقد ماخذتها من ايمن..
اي لان دوم احجيها ومن يسمعها مني ايمن يكول
ينهد حيلي من هالحجاية
لان ماوراها تراجع..شدد ع كلمة تراجع عبالك يريد يذكرني..

وضحك بسخرية..بس تريد تخليمن غدا للسباع
صديقتج..
تريد تخلي صديقك هههه ..حجيت وانا اخلي ايدي ع حلكي..
افاا ذراعي الايمن هذا ليش شمسويلها..
تذكرت موضوعنا جان ريوك رشا مال
منحرفين سكتت..رجع حجى..امبين مأذيها اريد
اكرص اذنه..