كابوس اليقظة

25

صباح الخير

كابوس اليقظة
الجزء الخامس والعشرون

انا تحملت هواي امور وانغصبت على هواي امور..بس كلها
صبرت عليها وكلت يجي يوم وتتغير..بس هاللحظات الغصبني
بيها مناضل عادلت المريت بي كله..كل الشفت نفسي بيه
ضحية بيده او حيوان يحتار منين يفترسه..بالضبط نفس
ماسمعت مهند وي زينة يحجي ويسب ويمدح نفس الوقت..هسه عرفت
ليش يسب وعرفت المدح جان كلمة حق يراد بها باطل..

توسلت بيه وبجيت من اعماقي مثل الطفل من يهجم عليه
احد يريد يضربه ويحاول يستعطفه..بس عبث ..
مااهتم لتوسلي ولا رف قلبه عليه ابد..اخر شي كمت ارجف
وجسمي كله يختض واهز براسي واشهك..عوفني عوفني عوفني..
بقيت اردد هالكلمة وارجف..وهم مااهتم لحد مااخذ مبتغاه
وكام كأنه مامسوي شي..

جريت الغطا بسرعة غطيت نفسي وتكورت وارجف..عوفني
اخاف ..بقيت اردد هالعبارة وانغلقت ع نفسي ماعرف
شنو صار وراها..بين مغمضة بين مغمى عليه والرجفة بيه..
حسيت بي من دخل للغرفة شديت الغطى اكثر واردد عوفني
اخاف..
ماتقربلي بعد ولا شاف شبيه..ورا فترة وحسيت صوته اختفى
من البيت امبين طلع..

كمت ورجليه كوة شالتني اريد اوكف عدل مااكدر..امشي
مثل المنحنية وارجف..طلعت من الغرفة سندت نفسي ع الحيطان
لحد ماوصلت للحمام..فتحت الدوش سبحت بسرعة
ماكدرت اوكف اكثر..
طلعت مددت ع القنفة وبعدها الرجفة بيه..اسمع صوت
الفون يدك..جريت نفسي ورجت اشوف..

باوعت امجد يتصل..فرحت وقررت اكله خلاص بعد
ماابقى وي مناضل وارجع استسمح من ابوي ..
فتحت خط اجاني صوته حيل تعبان..اصولة خوية انت بالبيت؟
اي موجودة شبي صوتك؟
متضايق شوي لا يظل بالج..شوي وامر اشوفج هالمرة وراي
سفرة طويلة..
ليش وين؟؟
من اجي احجيلج انت شبيج ترجفين؟؟

ها سابحة توني وضربني هوا ههه ..
شوي وجايج انا محتاجة شي ؟
بعد عمري سلامتك..
يلا شوي ويمج..
سد الخط وجان صوته مايتفسر..همزين ماحجيت شي كدامه..
كمت سندت نفسي وبدلت وتربت ..رغم وجهي جان مطعون
طعن وعيوني فاترة كلش وحيلي كله يرجف..بس ماردته
يشوفني بهالحال..

نص ساعة واجه ..اول مادخل باوع بوجهي مستغرب..شبيج؟؟
مادري شعري مبلل طلعت كبل وضربني الهوا ..حجيت
واحاول اكتم رجفتي ..
مد ايده جاس كصتي ..جسمج حار كلش..ولو انت دجاجة
دومج جسمج حارة وبرودية شلون ماادري..
ههه تعال استريح معليك لا تفكر بيه..

كعد بالمطبخ وجايب ويا زنود الست صبيتله كهوة وخليتله
بماعون اكل شوي وصافن..
قلقتني شبيك احجيلي؟
باجر الفجر مسافر واحتمال اطول فد ثلث اشهر مادري اكثر ..
ليش؟؟
استغفرالله ماريد اضوجج انا..بس تعاركت وي مهند وابوي
صار ويا ضدي..وو..
وشنو؟؟؟
ابوي كال بعد لا تطلع للشغل ماريد منك شي ..
وبعدين؟؟؟