كابوس اليقظة

15

مساء الخير

كابوس اليقظة
الجزء الخامس عشر

شنو ليش ارتبطت ؟؟زوجي هذا زوجييي وصارلي ثلث شهور متزوجة ..
بس ماجنتو متممين زواجكم صح،؟؟؟
انصدمت من سؤاله وكوة بلعت ريكي..
رجع حجه..ماريد اتجاوز وتكرهيني بس ع الاقل جنت متأمل
تملين من وضعج..
جريت نفس وحاولت ارتب الكلام..استاذ..
لا تكليلي استاذ ..حجه بيأس..
مو مهم شنو اكول المهم اسمعني..انا بنية يتيمة ماعندي بس
ربي..واحب زوجي ومرتاحة ويا ..الله يخليك اعتقني وابتعد من
طريقي ولا تتوقع شما تسوي اضعف واعوفه..

تنهد وحجه بصوت ناصي..واذا ماعفتج شسوين؟؟
راح احجي لزوجي عن ملاحقتك الي وهو يتصرف ..
يعني هسه انا لازم اخاف واشرد لو شنو؟
انت رجال وتصرف مثل مايكلك عقلك ..
عقلي يكلي هسه روح جرها من ايدها وحطها بسيارتك ولا
تباوع وراك ابدد..
عزااا..حجيت برجفة واختنكت بعبرتي..الله يخليك لاااا تسويها
اموت بس تسوي هيج اموووت..

كااافي يمعودة شبيج جاي اتشاقى كاااافي كتلج ماريد
شي بالغصب كلشي مغصوب مايدوم..
مسحت دمعتي واريد اخلص من الشهكة ..واسمع صوته نصه
اكثر..مرة ثانية لا تبجين كدام احد خرررب..
واوكفي عدل لا تجيج شبهة..
من كال اوكفي عدل رفعت راسي ونطيت عيوني من شفته
واكف كدامي بس بعيد ..
غمضت ومشيت بسرعة دخلت للغرفة واباوع بعده الخط
مفتوح..

باوعولي رشا والمهندس بقو صافنين..ابتسمت كذب وسلمت
عليهم وكعدت..
سد الخط من يمه وسويت فوني صامت اريد اضمه بالجنطة
وراسلتني رشا..شكو ليش هيج حالج مناضل مأذيج؟؟؟
جاوبتها وانا اهدي اعصابي..لا بس هذا اسياد برا وتعرضلي..
عزاا تعرضلج شلووون ولج احجي شصار؟؟شنو جان خاطفج ماجاي
افتهم؟؟
شبيج شلون يخطفني وانا مناضل يوصلني رشا صرتي اثول مني..

اي غير تصرفاتج تثول!داخله وجهج احمررر ورجليج يتطافرن
كلت هذا بس لا سوا بيها سالفة..
دسكتي بلة شبيها رجليه ؟؟
انت كليلي شبيج هيجي ؟؟شصار البارحة،؟
يعني شلون عرفتي ؟؟
ايييه الحمدلله واخيراً صرتي مرة مبروك..

رشا تريد تخبلوني!اسياد خابرني ويتهادد يكلي ليش تممتي زواجج
وانت تكليلي مبروك شلون عرفتو؟؟؟؟
صخام بوجهه هذا حتى انا راعبني الله يساعدج اصايل انوب يتدخل
بكلشي..
ولج خبلني من حجه انكطع نفسي كوة بلعت ريكي..
لا عادي سهلة يعرف خصوصا هو احلف عليه عابر القارات وخاتم
النساء هع..

وانت اذا تريد تعرفين كومي امشي وباوعي لروحج وانت تعرفين..
صدك؟يعني شنو تنورتي مشكوكة لو يعني شعرفكم؟؟
اي مشكوكة وطالع منها استغفر الله ربييييي ..يعني اذا تنورتج مشكوكة
شيبين منها يالخبلة يالرعنة؟؟؟؟ادري فحصناج احنا انت شلون
بثولج هذا..!

اي صح انا ثولة ادري بنفسي ادري..
لا بعد عمري ثولة بس احبج هسه كليلي خو ما متأذية؟يعني
ماصارت مشكلة او انجبرتي؟
لا لا بعد خطية مناضل صبر هواي..
هم صح بس دربالج من عيالج لا ينتبهولج خصوصا عمتج
القفاصة ذني دروبها امبينة..
استغفرالله شبيج رشا حرام علينا شلون وياج ليش ماتوبين
من هالحجاية؟
لان البوكة بيناتهم وهم القفصوج وحاقدة عليج لان ماخليتيني
ادخل وارجعلج حقج يالسليمة..