كابوس اليقظة

23

صباح الخير

كابوس اليقظة
الجزء الثالث والعشرون

وانا اقرا الرسالة رجع اتصل..فلت الفون من ايدي راد يطيح
وشلته..سويته صامت وحاجاني المدير..خل نتفق هسه
حتى تاخذين راحتج تجاوبين الاتصال..
هزيت راسي وداخلي امتلى خوف..
عندج وقت الدوام من التسعة الصبح للستة ..وفلوس
والراتب ع الكفاءة كل مانشوف شطارتج نزيدج اكثر..

انا بس اسمع واهز براسي اريده يخلص..اخر شي كال تعالي باجر
نفس هذا الموعد حتى تباشرين وتبقين تحت الاختبار اسبوعين..
بس خلص كلامه ترخصت وكمت ..جاي امشي اريد
اطلع صاح عليه..عندج خط لو تردين احنا نجي عليج؟
جاوبته بارتباك ..عندي عندي ..وطلعت بسرعة..
عبرت اريد اوصل للباب وشفت اسياد واكف برا..ماتت رجليه
ماكدرت امشي..واكف ايديه بجيوبه ويباوع بقلة صبر..

فويت نفسي وطلعت..اجه وكف كدامي..شجابج هنا؟؟؟
دنكت ومشيت بسرعة للسيارة فتحت الباب وكعدت
وقلبي يدك حيل..
حاجاني الولد..ها خلصتي نتوكل؟
رفعت راسي وحجيت بسرعة..اي اي اسفة بس شوي دخت..
عندج العافية انزل اجيبلج ماي شي؟
لالالا امشي بس امشي..حجيت بخوف وانا مدنكة مارفعت راسي
بعد وباوعت..

طول الطريق مدنكة وافكاري تتلاطم..من جهة الشركة
الدخلت الها وطلعو عليهم سمعة ومن جهة جسارة اسياد الواكف
كدام بابهم ينتظرني اطلع..
نبهني صوت الولد..ها خوية تكدرين تنزلين وصلنا!
شلت جنطتي واهز براسي..اي اي انزل مابيه شي..فتحت
الباب ونزلت كوة طلعت المفتاح ايدي ترجف..فتحت الباب بسرعة
ودخلت وقفلت الباب وراي واتلفت..

ذبيت حجابي وعليت السبلت وكعدت ممددة رجليه ..جريت
الجنطة طلعت الفون واشوفه يتصل ..كومة مكالمات فائتة ومستمر
يتصل هذا وتالي وياه شلون بي!!
فتحت خط واول مرة اعلي صوتي كدام رجال بهالطريقة..
عطت بي حيل..وتاااااالي ماملييييييت كااااافي كااااااافي اذيتني
خنكتني كاااااافي...
اجاني صوته ينتر رجفني..صوتج لججججججج...

بلعت ريك وسكتت..كمل كلامه..هذا الصياح المفروض
للمخنث المخليج تدورين شغل وانت بت الحسب والنسب والدلال..
شلوووون تروحين لمكان ماتعرفينه وبحدددج؟؟؟شلون قبلها
تروحييييييييين ؟؟؟
مو اول مرة اروح لشركة انا انا ماادري بيهم ماعرف عنهم
شي..
الافضل لو تبقين ماتعرفين ..بس وصليها للملتهي عنج وحاير
بدروبه التعبانة كليله هاي شركة دعارة مو تجارة..

يعني هسه شنو !حجيت بخوف ..يعني شراح يصير عفية
هم اخذو معلوماتي خو ماتنضر سمعتي؟
يااااصبرك ياكرار حجه كالها وهو يتنفس حيل ..ارتاحي سمعتج
ورد محد يكدر يأذيج بشي..بس بعد لا تروحين لمكان
ماتعرفي..او بالاحرى لا تشتغلين بعد..وانا احاجي امجد
يمشيلج راتب من حقج وفلوس اهلج..

شنووو لالا عفية لااا ..
احسن ماتطلعين تدورين شغل وهذا ملتهي يصرف
راتبه ع ونسته..شوفي اكثر من مرة اكول ابتعد عنها وخليها
تعيش بس وصلت حدها كاافي..اشوفه يزحف حتى ع الصخلة
وهو ضامنج من يرجع للبيت وحلاااااااله..حجه بعيطة..هذااا بالذات
لازم يتعاقب..رافسسسس نعمته هذاااا..