كابوس اليقظة

35

مساء الخير

كابوس اليقظة
الجزء الخامس والثلاثون

تقربت يمه انطيته كلينكس وشفت فونه ناكع شارب نص الكوب هههه
ومن شفت ملابسه متلفة
استحيت درت وجهي..هو اخذه من ايدي كال ماصار
شي استريحي انا رايح للحمام..حط الكلينكس ع ملابسه
ومشى بسرعة..والولد اجه نظف المكان وشال الكوب..
بقيت انتظره ومتوترة خاف تأذى لان الحليب حيل حار يفور
انا من شربته لساني حرحر..

ورا شوية اجه باوعلي من بعيد وابتسم..
كمت وكفت وقبل لا يوصل حجيت باحراج..خو ماتاذيت؟خلينا
نرجع احسن..
لا مابيه شي سهلة ههه..وين نرجع هسه كعدنا !
لا غير وقت نطلع انت تأذيت وملابسك انتلفت..
فدوة الج اصولي سهلة هاي..دزيت واحد من الولد يجيبلي
مايطول هسه يجي..استريحي انت..
حجه وكعد ع الكرسي..

ماشربتي كوبج ع حطته ليش؟
ها هسه اشرب..
صار ثلج هسه بعد ماينشرب هسه اخليهم يبدلو الج..
لا لا كافي حلو دافي ترى..
دافي مابي طعم مثل الحار..
لا احسن لان مساع استذوقت بي وشربته بسرعة
ولساني تحسس..

وهسه خو ماطكك؟؟
ها..لا مابي شي بس انت يعني خاف انلسعت ..
لا ههه نصة طاح ع الفون تطمني مابيه شي..
هزيت راسي..وهو حط ايده جوا حنكه مبتسم..تخافين عليه؟
رفعت اكتافي مبتسمة وهو جر حسرة..حلللم هذا حلللم انا بي..
سكتت ماجاوبته..دك الفون مالته جاوب وحجي امبين يخص
الشغل..ختم المكالمة ورجع اتصل مرة ثانية..

ها صديقي اريد جهاز جديد دزلي بيد بشير ..وهسه
راح يخابر عليج فلان تفاهم ويا..
كمل كلامه وسد الخط وباوعلي مبتسم..اعتذر ..بس الجهاز
الشرب الحليب مالت الشغل خابرت ايمن يدزلي واحد..
لا عادي ..علاقتكم انت وايمن قوية؟
اي مثل علاقتج برشا..

امم صح ردت اسالك شي..
تفضلي سألي..
كالت رشا انت متعارك وي هذا..
عقد حاجبه وهز راسه..سويتله تأديبة ليش تسألين!!؟
مو هو بصراحة يستاااهل بس ماعرفت شنو سويتله بضبط
هي ماقبلت تكلي التكملة..
هههههه ايمن هم صاير لسانه فالت يرادله ضب..المهم معليج
منه ولا تفتحين موضوعه نهائي..نال جزائه وهذا اقل شي
اسوي اله بس ضميري شوية اشتغل وخلاني اعوفه..

سكتت وانحرجت من نبرة كلامه حسيته يريدني اسد هالموضوع
ومافتحه..
وهو استرسل بالكلام..انا جوعاااان وانت ماجعتي؟
ايي كيفك عادي اكل..
يلا شوفي شعاجبج تطلبين ..حجى ولزم المنيو..
جاي اباوع واختار واجاه اتصال..كطعه وكام وكف..رايح
ابدل ملابسي..حجه وركز بعيوني..
بلعت ريك وهزيت راسي ودنكت بسرعة..

راح يتمشى وشفت بشير ينتظره بالباب..رجعت اباوع
للمنيو وبالي مو ويا..
شوية وحسيت خظواته اقتربت..رفعت راسي شفته لابس ملابس
جديدة ..كعد مبتسم..صارلج ساعة صافنة بالمنيو
شنو عندج امتحان..
ابتسمت ماجاوبت..وهو اندار للباب وصاح لواحد من الولد
انظاه الفون الخرب وكله اخذ الجديد ورتبه ..