كابوس اليقظة

13

مساء الخير

كابوس اليقظة
الجزء الثالث عشر

رفع وجهي وباوع بعيوني..لا تخافين مني مااجبرج على
شي..خلينا نجرب واذا تصايقتي بعديني ..متفقين؟
هزيت راسي وجرني لحضنه..اول ماحضني عصرني
بحضنه حيل..اختنكت وكمت ارجف اكثر..حاول يتقرب
لشفتي ماكدرت بس ردته يبتعد..

ابتعد وحط ايده ورا ظهري وكعدني ع السرير..
حجه بنبرة تفاهم وهو مبتسم..ترى البوسة ماتأذي انت ليش
خايفة من كلشي؟
غمضت عيوني بخجل..استحي..
منين تستحين ضوا قليل ووحدنا بالغرفة وعلى راحتنا
هدي نفسج..
هزيت راسي وانا مامقتنعة..

رجع تقرب مني وحضني حيل واخذ شفتي بس عبالك
اخذ روحي..صح هو متفهم بس حيل قاسي لدرجة
حلكي بسرعة فرگس ..لزمت شفتي بوجع عبالك فرگاسة
كبيرة صارت بيها..
ابتعدت وكتله بتردد..عفية مو هيج ترى جاي اتأذى..
مشتاقلج اصولتي وانت ميبستها كلش غير اريد استمتع وياج..

ميخالف بس كيفك انا اصلا خايفة من هالشي افهمني ..
براحتج مثل ماتردين..زين شنو رأيج انت بوسيني حتى ماتأذين؟
لالا ..يعني كافي بعد..
صفن بوجهي وحجه..اصايل انت تحبيني؟
عضيت شفتي وحجت بثقة..احبك حيل اصلا انت الوحيد الي
عرفت شنو الحب وياه..
اعرف هالشي ومتأكد..بس ياعمري اذا تحبيني حاولي
تنسجمين وياي..
اي اي شوية شوية..

تقرب عليه اكثر وحاول يتلمسني..لزمت ايده قوي..
باوع بوجهي باستغراب..شسالفة؟؟
فدوة ماريد خليها غير وقت ..
جر حسرة طويلة وعدل كعدته..ميخالف ارتاحي ولا ترجفين..من ترتاح
نفسيتج اتقربلج..
اي احسن شكراً..
كمت وكفت لزم ايدي..امشي نطلع نغير جو ونفتر ..
اي يلا..

عفته يلبس ملابسه ورحت رتبت نفسي لحد ماخلص
وطلعنا..دخلنا للمصعد باوعت لشعره وضحكت..انت هيج دوم لازم مشسور؟
ترى هو شعري حلو ليش تغارين..
اوي عيني اغار شنو شعري شعايزه..
مد ايده لخدي كرصه..كلشي بيج يخبل..انفتح باب المصعد وطلعنا..
مسيت وانا مدنكة مارفعت راسي ابد..لحد ماطلعنا ..

طلعنا تونسنا شوية وصار وقت الغدا تغدينا ورجعنا للفندق..
بدخلتنا للريسبشن اجه واحد حاجه مناضل..استاذ اجتكم هدية
وقع هنا واستلمها..
باوعلي مناضل بأستغراب..وانا بادلته نفس النظرة..
سأله للولد منو جابها؟كله دليفري وصلها ..انطانا بوكس كبير
اسود..شاله مناضل ومشى كدامي..فتحتله المصعد وفتنا..
حجه باستغراب..اكلج مافايته مخي الشغلة منو يدزلنا هدية وهنا!
انا هم مصدومة يعني منو يسويها!

وصلنا وفتحتله الباب ودخل حط البوكس ع القنفة وكعد
فتحه..
طلع بطل ملفوف بورق ملون..شاله فره منا ومنا وشال الورق..
باوعلي وبلع ريك..شنوو شبيك؟
هذا مشروب!
شنووو؟؟اعوذ بالله ياستار..اكلك خاف من الفندق يعني ضيافة!!
لا ماشفتي كلي وصلو الكم واذا ضيافة ترى هم يجيبوها للغرفة..