حب عن طريق الفايسبوك

الحلقة 5

🌟حہب عہنہ طريہقہ آلَفہآيہسہبہؤُكہ🌟
❌⛔ ممنوع النقل دون اذني ⛔❌
🌸🎀صـــوُنـــــــٌيـــــــّــآ🎀🌸                          
🌹الحلقة 5🌹                            
حاطة راسها على لمخدة عينيها مفتوحين على لخر تلمح في الضو لي داخل من الطاقة في السقف تاع لاشومبر تخمم في الشيء لي لازم تعملو خدودها حمارو من الضغط لي  اهي فيه راسها وجعها شدت يديها دير مساج خفيف على راسها : اه يا ربي ما لقيتش حل ديجا علاش راني نعيي في روحي نرجع عليه او لي يصرا يصرا هكذا نرتاح بلا هاذ الشي بي راه صاري فيا من ميساج تاع واحك ما نعرفوش... هزت بورطابلها دخلت وين كاين لي ميساج فيلتري : انعم خويا غير الخير واش تحب .... شافت في الساعة 3:00 😨😨 يا يما واش درت بعثتلو هاذ الوقت او رمات التليفون من يدها دارت قعدت تشوف في السما لي تلمح منها غير شوية من طاقتها حتى داها النعاس  ...
راقدة كي الملاك في وسط لاشومبر حتى تسمع في صوت تاع لي ميساج يدخلو دارت هزت تليفونها لقات 5  ميساجات من عند احمد le boss 
بون انا احمد من .... عمري 29 عام خدام عند روحي او حايب نتعرف عليك ...
كي شافت كلامو زعفت بلا ما تفيق قاتلو : انت ما تحشمش قاع هاذ التقلاق مع لخر تقولي نتعرفو روح لبنات راهم يطايشو واش جابك عندي ....
احمد : بالشوية يا الغولة باين ما رقدتيش مليح اتكالماي ماشي هكذا نحكو مع واحد ما تعرفيهش 🙄
قعدت مستغربة من طريقة الهدرة تاعو معاها شغل هاذ الانسان تعرفو ما زعفتش من كلامو بالعكس حست بلي راهي مرتاحة ليه ....
نهال : افطني يا البهلولة الراجل ما تعرفيهش لازم تكوني رزينة واش بيك .... قعدت تضرب في وجها ضربات خفاف كي شغل وحدة مهبولة على لخر ... تمدت على فراشها فوق كرشها طلعت رجليها حتى لفوق تلوات كي لحنش عقدت جبهتها تعض في شواربها تشوف في ليكرو تاع التليفون تخمم كيفاش تحكي معاه ... تبسمت تبسيمة صفرة او بدات تكتب : شوف ما علاباليش واش راك حاسب في روحك رانا 5 تاع الصباح يا تحكي كي خلق ربي ولا نخسر عليك بلوك او نفوت ....
احمد : والله يا ختي  انا نحكي هكذا بلا مقدمات او نكره حاجة اسمها مجاملة يعني لي في قلبي راه على رأس لساني تبالي مكانش واحد يرفض الصراحة ولا راني غالط .... اه حقى واش سماك الله ....
نهال : وانت علاش تحوس على اسمي اسمي نورهان او تقدر تعيطلي نونو ..
احمد : اسمك شباب مي كون تعطيني فكرة على شخصيتك وين تسكني شحال في عمرك تقراي ولا قاعدة في الدار ولا خدامة ..... حوايج هكذا فهمتي نونو ....
نهال : قتلك راهي 5 تاع الصباح في بالي انت معوق ذهنيا ولا تلعبها ما تفهمش  اسمحلي مي انا لازم نرقد عندي قراية مع 8 او راني عيانة ....
احمد : معليه تصبحي بخير يا وردة 🌹 مي اوعديني غير تكون عندك فرصة ابعثيلي ميساج تشوقت نعرف شكون هاذي لي مور التليفون بويسك انت انسانة عفوية او تجذبي الواحد ....
ما رجعتش عليه قعدت غير تشوف واش كتبلها...ذرك هاذا شكون سلطو عليا مانيش فاهمة واش بغا مني او زيد ما يحشمش يهدر بلا ما اخمم.... ياخي جايح عيالي راسي ...
دارت غلقت عينيها تخمم حتى غفات شوية او صونا بورطابلها فتحت غير عين لقاتو الرفاي... اه يا ربي لحق الوقت ونا عيانة بزاف ..... فطنت شافت لقات ميساج بلخف فتحاتو ..
احمد : صباح الخير يا الزينة ان شاءالله تكوني رقدتي مليح ... انا مزال ما رقدتش قعدت نخمم ... كي اكون عندك وقت نحكو اكي ...
نهال : اوووووووف مزال مصر باش يحكي هاذا لصقة يا الزح ...
فتحو عليها الباب لقاتها يماها : واش بنت صباح الخير صبحتي تحكي وحدك كي البهلولة ههههه
نهال : صباح النور عمري هههه شفت منان ماشي مليح برك راني مهودة راح عليا الحال على الجامعة ....
#يتبع