حب عن طريق الفايسبوك

الحلقة 9

🌟حہب عہنہ طريہقہ آلَفہآيہسہبہؤُكہ🌟
❌⛔ ممنوع النقل دون اذني ⛔❌
🌸🎀صـــوُنـــــــٌيـــــــّــآ🎀🌸                          
🌹الحلقة 9🌹                    
طلع النهار الشمس تضوي لاشومبر شعرها على وجها بدات تفتح عينيها الشمس ضايقتها بالشوية تتكسل ...
نهال : يا يما راني مكسرة واش بيا شغل عطاوني طريحة البارح اه ربي جسمي كامل يوجع فيها   😥😥😥😥 ... هزت روحها غير بالشوية فطنت مليح بدلت حوايجها ... اه نسيت لازم نزرب راح عليا الحال ... هبطت تجري غسلت وجها هزت قاطو في يدها او خرجت راحت للجامعة في الطريق تلاقات صارة يتمشو في نفس الوقت حكاتلها على احمد او بروبوزات عليها اذا تقبل بيه... صارة حلت عينيها وقفت ..
صارة : من نيتك انت قولي باين فيه بغا يحكي معاك او زيد تعرفي انا شكون نحب موحال نشوف واحد آخر يا البهلولة لقيتي واحد او تشرطي سيي معاه نهال ماكي خاسرة والو  ...
شافت معاها نهال عقدت حواجبها :صارة انا عندي قرايتي ما عنديش وقت نحب او نعشق لازم نقرا او نتخرج لازم ...
كملو كلامهم حتى وصلو للجامعة ... كل وحدة راحت للحصة تاعها مابين كانو يقراو  احمد بعث ميساج لنهال اسقسي عليها ...زعفت نهال عطاتو الفايس تاع صارة قاتلو راني لقيتلك وحدة بنت فاميلية سيي معاها ماكش رايح تندم ...
احمد قعد باهت من تصرفاتها مي قبل قالها يعطيك الصحة ختي او ما نزيدش نديرونجيك ... فاتو ايامات او نهال على حالها مقلقة حاجة كا تعجبها تعيط لصارة باش تعرف اذا كاش واحد حكى معاها مي صارة كل مرة تقولها نو مي علاش راكي تحوسي شكون يحكي معايا ....
10 ايام لا خبر على احمد هزت نفو كبير في صدرها تشجعت قررت تبعثلو تسقسي عليه إذا كلشي راه كيما احب هو ...
نهال : سلام خويا ان شاءالله تكون مليح كنت حابة ندي خبارك انت ما قتليش اذا عجباتك الطفلة ولا نو او زيد عندك شحال ما بنتش نتمنى اني وفيت بوعدي كي قتلك غير نلقالك وحدة نخبرك ...
احمد : اهلا نهال تأمني ما عنديش وقت كنت خدام مزال ما بعثتلها مي اليوم بإذن الله نحكي معاها اذا قبلت طبعا يعطيك الصحة درتي فيا خير كبير محال ننساه 😏😏😏 ....
نهال طاحو دموعها ما فهمتش واش راهي تحس علاش راهي غضبانة كي قرات واش كتب ... بلا ما تحس بعثتلو فوكال: ربي اهنيكم راهي حبيبتي من الصغر نتمنى انك تنطهلى فيها راهي حساسة بزاف اكي المهم ان شاءالله ربي اكتبكم لبعض ....
حطت تليفونها قعدت غير تشوف فيه حتى دخللها ميساج رفداتو بالخف لقاتو قالها : صوتك يدي لعقل مي اذا انت تمنيتيني لصحبك علاش كان صوتك يرجف شغل راكي تبكي كشما عندك مشكل قوليلي اذل نقدر نساعدك والله ما نبخلك ...
نهال موحال ترجعلو خلاتلو vu حالتها ما كنتش تسمح حطت راسها غير تخمم رجعت منغلقة على روحها .... يا درا تعجبو صارة يا درا ما تزعفش مني مام تحب توفيق هاذا خير منو لوخر من الزطلة ما يخرجش لازمها راجل في كتافها مسكينة بعد ملي مات بوها ... صارة ختي لازم نخمم فيها تستاهل كل خير ...بين ما نهال تخمم في حبيبتها احمد بعث ميساج لصارة : سلام عليكم ختي ان شاءالله تكوني بخير كنت حايب نحكي معاك في موضوع كنت عارف بلي نهال رايحة توجهني ليك بويسك تحبك هكذا فهمت لحكاية مي انا نحتاجك نحكي معاك من فضلك نتمنى تلبي طلبي او تحكي معايا كون ما جيتش محتاجك ما نديرونجيك ...
هو قاعد يخدم حتى صارة رجعت عليه : انعم تفضل غير الخير ... مالها نهال ...
احمد تحلو عينيه او مات بالفرحة : معليش نتعرفو سع واش اسمك عمرك واش ديري في حياتك من بعد نحكو على المفيد انا نحب نعرف مع شكون نحكي .....
صارة : ايه بالطبع نتعرفو ......
#يتبع