حب عن طريق الفايسبوك

الحلقة 7

🌟حہب عہنہ طريہقہ آلَفہآيہسہبہؤُكہ🌟
❌⛔ ممنوع النقل دون اذني ⛔❌
🌸🎀صـــوُنـــــــٌيـــــــّــآ🎀🌸                          
🌹الحلقة 7🌹                                     
دنات ليها تمسح في شعرها تبسمت راقدة كي الطفلة الصغيرة رفدت يدها حطتها على شعرها تحنن عليها : بنتي فيقي نهال هايا بنتي ... مابين تنوض فيها دخلو لي ميساج في بورطابلها .... نهال نهال بنتي راه اصوني تليفونك... بالشوية فتحت عينيها قعدت حايرة كي لقات يماها فوق راسها ... تخطفت نهال او قالت: ياه ماما راكي هنا عييت حطيت  راسي ما فقتش ....
يماها : كنتي راقدة كيف البيبي يا بنتي او زيد بورطابلك من قبيل اصوني...
نهال : اه سور صارة ياك تعرفيها ما ترتبش...
يماها : قلتي صارة ... ولا احمد ما فهمتش كلامك نهال 🙄😏
نهال رفدت عينيها غير بالشوية: يا ماما والله ما نعرفو صدقيني بعثلي شحال من مرة مي قتلو امي او صايي لا أكثر صدقيني يا ماما .😨😨😨
يماها : نعرف تربيتي يا بنتي مي لازم تردي بالك الرجال راهم ذيوبة اخلوك تسمعي لي تحبي وديرو الشيء لي يعجبك باش ديري فيهم الثيقة من بعد اديرو رأيهم نهال بنتي انا ندير فيك الثيقة كوني عند ثيقتي...
فرحت نهال باست يماها ناضت توجد معاها الطعام باين كانت في الكوزينة تفكرت لي ميساج تاع احمد دخلت تشوف لقاتو بعثلها لي فوطو تاعو في الخدمة قالها : واش رايك فيا شباب لا ... ضحكت نهال رجعتلو : الزين لنسا خويا الراجل عيبو جيبو برك 😏😏 حطت تليفونها في صدرها او كملت توجد في لعشا ... تجمعو كامل على الطابلة قعدو اقصرو يضحكو بابلهم يحكيلهم على نهارو في الخدمة وشحال لمعيشة واعرة لقمة لحلال ماشي ساهلة شغل عايش صراع كل يوم باش ادخل هذاك الصوردي لي كبر بيه اولادو مب نفس الوقت فرحان لي راه يتعب عليهم او اشوف الفرحة في عينيهم في آخر النهار ....
خملت كلشي نهال غسلت لماعن طلعت لبيتها جا احمد في بالها طلت على لي ميساج لقاتو بعثلها كثر من 10 ميساجات قعدا تقرى مركزة على كل كلمة كاتبها بويسك كان يحكي على حياتو كيفاش كبر في وسط عايلة كبيرة بزاف كبر مع جدادو عماتو او عمومو يعني دار كبيرة او عايشين كيف تاع زمان لعجوز او الشايب لي يحكمو السلفات او السلاف مع بعض لعرايس كا وحدة بشومبرة كوزينة وحدة خطرة ضحك او اغلبها مشاكل مي مستحيل يتخلو على والديهم عايشين كامل في هاذيك الدار لكبيرة كل يوم حكاية جديدة مشكل جديد مكانش نهار يشبه لي فات .... نهال حست روحها تقرى في قصة ما كانتش تحب تكمل هاذ لحكاية كانت متمنية انو يقعد يكتبلها او هي تقرى تتشوق تعرف كل كبيرة وصغيرة منو ....
نهال : باين بلي حياتك معمرة ما عندكش مجال باش تكره ماشي كيف حالتي قراية او دار لا أكثر ولا أقل...
قعدت تستنى فيه ارجع والووو في بالها راه مشغول زادت قاتلو : خويا تصبح على خير تبالي راك مشغول مام انا عيانة لازم نريح غدوة محاضرة على 8 تاع الصباح بنوي ....
احمد : وين وين رايحة راني بارمانونس على بيها نطول شوية باش نرجع تعيشي نهال احكي معايا شوية قبل ما ترقدي حايب نسمع منك كلشي عليك نحب نعرف أدق التفاصيل على حياتك تعيشي ....
قعدت نهال تشوف مع التليفون تمدلو فرصة او تحكي ولا تخليها علاقة سطحية او صايي مع جات هدرت يماها في راسها او تخلطت عليها لحكاية كامل .....
#يتبع