حب عن طريق الفايسبوك

الحلقة 13

🌟حہب عہنہ طريہقہ آلَفہآيہسہبہؤُكہ🌟
❌⛔ ممنوع النقل دون اذني ⛔❌
🌸🎀صـــوُنـــــــٌيـــــــّــآ🎀🌸                          
🌹الحلقة 13🌹 
الوقت الي كانت صارة تحكي مع احمد.. زدمت عليها امها  تقول صاعقة و لا جبهة مكافحة الارهاب.. طول بلبليغة على الوجه.. جاء تيلفون فوق وجها.. من خلعة تنفضت  من فوق سرير جات واقفة .. تمسح على وجها
امها: نوضي يلبقرة نهار بطولو مفروشة فوق هداك السرير.. مادتلي رباعتيك تقول هايشة... نوضي يامضحكة نتجاتك.. قوليلي برك نحب نفهم متعبتيش من طرف لوحة لي فيدك.. لااااا وزيدها مكسر محصرة.. لي فجيلك هذي 🍕بيتزا.. هذا طاكوس... هذي ڨرتان.. وانت ياحصرة بيضة متقليهاش..
صارة: ااااا مالك اماما تقول BRB داخلة عليا.. لاحم ولا دستور.. كون لقتيني عريانة اه... وزيد وش ندير روحت من جامعة.. قعدت رتاح شوي حرام ولا؟!.. عجب فيك والله..
امها: وتزيد تهدر الفايحة... اوببب وتجاها ضربة اخرى بفردة لبليغة لبقات... تسمى انت متتعدلش نبت شعر فلساني وانا كل يوم نقلك راك كبرتي كبرتي ...سبحان الله كتزوجي زيواه راح تعملي وانت ابسط امور لحياة متعرفيهاش....
صارة: غير زوجيني وخطيك شغل نضبر راسي... متخافيش عليا خافي على روحك ههه...
امها: نسقسيك برك سرير هذاك منطقش مقالكش اني غلبت.. مفهمتش زواه حاملك.. انا امك فديت منك.. بنات اخر زمان.. من الاخير 2دقايق نلقاك ورايا..
صارة: اواااه اماما راني مشغولة درك اجليها وارجعي من بعد.. متنسيش تقفلي باب وراك..
امها: حسبي الله راح تشيبيني... هما زوج دقايق يا تجي يا تجي وانت خيري..
صارة: باهي اهبطي دوك نلحقك.. يامي سر سعادتي.. وبعتتلها بوسة فلهواء 💋موووح..
نفضت امها راسها من مهبولة لعطهالها ربي..
هزت صارة تلفون ودخلت للميساج... لقات احمد بعتلها اكثر من 20 sms... خسرت عليه كلمت خليني نخمم... وقفلت وراحت تجري لامها لا تزيد ترجعلها طبق عليها فنون العذاب لكل...
عند احمد كان قاعد فلبيرو تاعو.. يستنى فخبر من عند صارة لانها امل تاعو الوحيد... وصلو مساج قراه.. عقد حواجبو... معجبوش كان يستنى منها انها توقف معاه..
مال بلكرسي تاعو.. وطلع رجل فوق رجل على بيروه..
احمد: ااااه يا دنيا وقتاه تضحكيلي..  وتخليني نشوف فيك يوم زين.. هو حاجة وحدة متمنيها .. يارب تكون نهال من مكتوبي  وقسمتي يارب.. والله غير  نويها حلالي.. نحطها تاج فوق راسي.. غير ترضى عليا برك وساهل...تعبت  حتى مسنجر ومبقاش.. اووف توحشتها ياربي لعزيز توحشت صوتها.. ايه دوك نروح نسمع فوكال تاعها.... خلي تطفى ناري... ااااه ومادرتي فيا  يانهال...
#يتبع