حب عن طريق الفايسبوك

الحلقة 6

🌟حہب عہنہ طريہقہ آلَفہآيہسہبہؤُكہ🌟
❌⛔ ممنوع النقل دون اذني ⛔❌
🌸🎀صـــوُنـــــــٌيـــــــّــآ🎀🌸                          
🌹الحلقة 6🌹                   🌹                  
تمشي او تتمايل ما رقدتش غاية .... نهال وجها صفر عينيها مغمضين سهرت او رقدت غير ساعات قليلة تخمم في واش صرالها البارح في هدرتو في الجرءة وثيقة النفس تاعو ... دخلت لافاك مي باين عليها لعيا حضرت المحاضرة الأولى.... حطت رأسها غمضت عينيها تسمع في صوت اعيطلها هزت شق عين لقاتها صارة
صارة : نهال يا واحد الكلبة من قبيل نعيط وانت لا خبر ... تقدمت منها حارة واش بيها وجها صفر حالتها حالة ...
صارة : يا عمري واش صرالك 😨😨😨 علاش راكي عيانة قولي راكي بيهم واقيل ياك انت ديما تمرضي كي اجوك ...
نهال : لالا البارح ما رقدتش مليح برك على بيها عيانة صارة ختي لا ما عندك والو هايا نروحو ارواحي معايا عندي هدرة نقولهالك .... ناضت تتمشى غير بالشوية كلمة مور كلمة حتى وصلو لدار نهال ...
طلعو لبيتها او نفضت روحها على فراشها عينيها غمضتهم  تخمم كيفاش تبدا تحكي مع صحبتها لي كيف ختها ... طلعت عليها صارة فوق راسها : هايا تشوفي ازرع ينبت من قبيل او انا نستنا واش هي لحكاية طولتي ...
نهال بلا ما تفتح فمها مدتلها تليفونها او دارت بعينيها تاع شوفي فيه .... هزت صارة تقرا في لي ميساج تاع البارح... عينيها قد الفنجال او هي هي تطلع او تهود في الكتيبة...
نهال : واوووو هاذا فري واعر نهال  مي عجبتني هدرتو ما ادور ما والو في كلامو كلشي ديراكت او واضح كون جيت في بلاصتك نشوف وين راه باغي يوصل ....
نهال : ما نعرف راني حاسة اجيبلي وجع الراس او انا ماشي قادرة لازم نبعد على هاذ الصوالح قدامي قراية طويلة وعريضة ديجا راسي وجعني من هاذ لحكاية ... مابين هوما يحكو دخل ميساج ...
احمد : سلام ان شاءالله راكي مليحة ما بعتيلي حتى ميساج قلت بلاك زعفانة المهم راني نستناك اكي ...
هزت صارة رجعت عليه : شوف خويا واقيل انت ما عندك حتى شغلة تقعد غير تستنا فيا انا مورايا قراية ما عنديش وقت تضيعو...
احمد : مام انا خدام راني جدارمي مي ذرك راني كونجي علاش ما تمديليش فرصة نتعرف عليك والله ما تندمي راني انسان ناوي الخير ربي راه شاهد عليا .... كون تحبي نبعثلك لي بغيتي باش تعرفي بلي راني وليد حلال .....
هنا صارة ما لقات ما تقول نهاد فمها مفتوح حايرة واش دير  معاه ...
صارة : اكي ابعثلي نشوفك ...
احمد : اكي او بعثلها فوطو تاع واحد شباب سمر ... عشقت فيه صارة عجبها : يووووووو شوفي نهال والله شباب روووعة ....
نهال : شكون قالك هو قولي قادر تكون فوطو واحد آخر بفففف انت غير تأمني
هنا صارة رجعت عليه : ياو فاقو باين كاش فوطو من النت باغي تبلعطني هايا خويا تعيش ما عنديش وقت نضيعو....
هنا احمد تقلق او عيطلها بالكام مي هوما خافو ما هزوش عليه ... صارة : مي انت ما تحشمش تعيط بالكام ثاني واش  باغي ملخر ...
احمد : انت اتهمتيني بلي سارق الفوطو هاذي مالة بغيت نبين بلي مانيش كاذب  يا تأمني هدرتي يا ترفدي او تشوفيني بلي نقول الصح ....
صارة : اكي مي انا موحال ندير الكام ... ايل تفاهموا عيطلهم شافوه بلي صح هو لي في الفوطو مي 5 دقايق او قطعت نهال ... صايي صارة فزتي لحكاية
صارة : نهال مي ما كذبش عليك كلشي واش قال صح مالة عطيه فرصة اكي حبيبتي انا ذرك نروح ذرك ماما تتقلق عليا ما تخميش بزاف اكي في الليل نحكو ...
هزت حوايجها او سلمت على نهال راحت قعدت نهال وحدها تخمم كيفاش دير قبل ولا لالا ماين هي تحكي مع روحها زاد دخل ميساج
احمد : واش قلتي تمديلي فرصة نتعارفو ...نورهان رجعي عليا
نهال : شوف احمد انا اسمي نهال ماشي نورهان او اذا تحب نحكو اكي مي عل اساس des amis  اذا تقبل ...
احمد : قابل نهال او صدقيني اسمك تاع الصح اهبل عجبني مرسي كي درتي فيا الثيقة ... قعدو يحكو بلي ميساج حتى نهال داتها  عينها قعد يحكي وحدو .... دخلت يماها صابت لي ميساج او نهال راقدة....
#يتبع
بنوي صحة صحوكم 💫💫