🌟حہب عہنہ طريہقہ آلَفہآيہسہبہؤُكہ🌟
❌⛔ ممنوع النقل دون اذني ⛔❌
🌸🎀صـــوُنـــــــٌيـــــــّــآ🎀🌸
🌹الحلقة: 34🌹
كملت ماماها توجاد لعشا... عيطت لخوها ينزل يتعشا هو باباه... مع جات نازلة من دروج تسمع صوت جرس البار يرن... امها تعيط عليها
سلمى: نهال بنتي حلي يدي يكون جاءولد عمك... انا يدي مشغولة...
نهال: حاضر اماما اني رايحة... وراحت للباب تحل...
مع فتحاتو حتى يقابلها واقف بوهرتو المعتادة... هاز باقة كبيرة للفواكه المشكل... نطقت حايرة..
نهال: انننننت؟!!!!
اما هو تبسم معاها... بعدها على لباب فايت مخليها حالة فمها فيه...
اما سلمى خرجت من كوزينة تمسح فيديها: نهال جاء ابنتي...
نهال لارد...
حتى جات وشفاتو واقف قدام الباب...
سلمى سلمت عليه وتحضناتو: اهلا ولدي... تفضل دار.. دارك... مالك حاشم ولا...
حركلها راسو...وجاء داخل للصالة وين كانو قاعدين يستنو فيه...
_____♡♡♡♡♡_____
اما احمد بعد ما قرا sms تاعها... هز تلفونو يطلب للوالدة تاعو...لازم يخبرها باه توجد روحها...ويفرحها رن شوي حتى هزت...
احمد:الو اهلا الواليدة...لباس؟؟
عايشة:لباس اوليدي..سوال عليك..وش احوالك اخبارك...عندك مدة معيطيش علينا...
احمد: صح الواليدة راني مقسر...اما راك تعرفي لخدمة...مديا ليا كل الوقت...
عايشة:معليه اولدي المهم راك لباس...ونسمع صوتك كل مرة هذيك الفايدة...
حمحم احمد:واليدة عيط ليك على حاجة مهمة نحب نقلك عليها...
عايشة:ايه نسمع فيك...
احمد:نحب نخطب...لقيت الي نحب نكمل معاها نص ديني...
عايشة:شكون هاذي؟...واسماء بنت خالك اااه
احمد:امي موضوع اسماء مبقيتش نزيد نعاود نحكي فيه..هي خيرت ربي يسهل عليها...وموضوعها منحبش تزيدو تجبدولي عليه...
عايشة:وشكون هاذي الي بدلتلك رايك فزواج....
احمد:نهال اسمها نهال...طفلة عاقلة وحنينة..كون تشوفيها تحبيها...
عايشة: ان شاء الله تكون زينة وناس ملاح... وتكون شاطرة لانو راك تعرف انا كبرت نحب وحدة تعاوني...
احمد:اااه يايما..من حيت الزين زينة وبنت ناس مزالها صغيرة...كما مزالها تقرا يعني متعوليش عليها من درك
عايشة: اييه خلي نشوف لالة نهال كفاه جاية ونحكم من بعد...ولكان معجبتنيش تحلم تديها...
احمد:امي متبدايش بعد...طفلة مازال حتى ماشفتي خيرها من شرها راح تبدايها...
عايشة:بدينا بعد اولد كرشي...هذي مزال مدخلتش لدارك وراك تدافع عليها... راح تدور على امك...ماغلطش لي قال الوسادة تغلب الولادة...
احمد: ايواه هذا لكلام الي قلقني منحبش نسمعو.. انا نخليك امي...المهم وجدي روحك يومين ونديكم تشوفوها...وقطع الاتصال مخلاهاش حتى ترد..
#يتبع
أنت تقرأ
حب عن طريق الفايسبوك
Romanceنحلاتي 🐝🐝🐝جيتكم بالجديد 💥💥💥 قنبلة الموسم حاجة منطرحتش من قبل 🍁🌺 كرونيك جديد 💃💃💃💃فقط معايا انا 🌺🌸🌺🌸 🕸☠️śŏŋặí☠️🕸 كرونيك تحت عنوان 🍁🍁 ⚔️حہبہ عہنہ طريہقہ آلَفہآيہسہبہؤُكہ⚔️ ❌⛔ممنوع النقل دون اذني ❌⛔ 📝كرونيك كاملة 📝 🎀🌺حب عن طريق ا...
