حب عن طريق الفايسبوك

الحلقة 10

حہب عہنہ طريہقہ آلَفہآيہسہبہؤُكہ🌟
❌⛔ ممنوع النقل دون اذني ⛔❌
🌸🎀صـــوُنـــــــٌيـــــــّــآ🎀🌸                          
🌹الحلقة10 🌹
احمد: انا احمد ممكن تكون حكاتلك عليا نهال.. نخدم جدارمي وناوي لحلال..
صارة : متشرفين احمد.. وانا نكون صارة صحبت نهال اكيد حكاتلك عليا..صحبتها من لكنا صغار نعرفو على بعضانا صغيرة ولكبيرة..تقدر تقول اختها..
احمد:وانا هذا لنحوس عليه بعد..
صارة:تشوف مع مساج لبعتو وهي مخلوعة ردتلو...كفاه خويا هذا لتحتاجو..دقيقة دقيقة ممكن تقلي الحاجة المهمة  لي بعتلي وتحب تحكي معايا فيها..لكان حاب تلعب ننصحك العب بعيد معنديش الوقت...تحكي ودخنة خارجة من وذناها😡..
احمد:بلعقل مالك حكمتي ماسيبتي...ايه نحتاجك في حاجة تخص نهال...ونزيدك حتى انا معنديش مع لعب ذري هذا... جيت نحكي معاك في قضية مهمة صح
صارة:كفاه لعب ذري...هو انا تصنف فيا ذري ايا نقلك بسلامة ومن عندي اكبر بلوك..
احمد:دقيقة استني والله ما قصدي راني غير نحب نفهمك..بلي مرانيش طفل صغير ومراهق..راني راجل بخدمتي وحاب ندير دار...وانا حكيت معاك باه تعاوني.. انت الامل الاخير كون تبلوكيني نخسر كلش.. ربي يعيشك هذي اخر مرة نقلقك فيها...
كانت صارة راح تبلوكيه حتى ذخللها sms خرجولها علامة استفهام 🤔
صارة تحكي..وانا وش راح نعملو كراح يتزوج..وش دخلني فيه.. يزوج ربي يهنيه..لبنات خير ربي علاه جاي ليا انا..تسمى مقبلتلوش نهال يجي يلصق فيا.. رجال الكل زي بعضاها يدخل بزوج كلمات حلوين.. يخلو لبنت ذوب فيهم ومن بعد يسلوها لطريق الغالطة بشوي بشوية... حتى تخسر حياتها ومبادءها.. تخون والديها لرباوها وعاطين فيها ثيقة.. اهيه وش عليه  دوك نعتلو بنات ناس  الاحرار لمتبيعش روحها بساهل كفاه تدرلو ..وجه وذني ايه  جابو ربي في طريقي خلي نخرج فيه زعافي اححح .. حطت مخدتها فوق رجلاها وتكات هليها بيداها.. دارت وضعية الاستعظاد للهجوم.. ونطلقت ردت عليه...
صارة:شوف يا ولد الناس راح تزوج ربي يهنيك..قتلي نحتاجك ساعة وانت تحكي وتتعرف قلت معليش بالك لحكاية فيها فايدة...قاعد طيحلي فلهدرة ومشيتها..ودرك علاه جاي ليا..انا وش علاقتي...حاب وحدة شوف بعيد انا محكومة وقريب خطبتي امالا نقصهالك من درك ونزيدك بنات الناس مش لعبة..مرصاتلكش نهال اي لعندي وو ....حكمت بلهدرة ماسيبت تقول بالعة راديو😂..
احمد يقرى فلsms تاعها وحاير فعجب ربي...
احمد:يابنت ناس اسمعيني ومتاقطعيش...
#يتبع