حب عن طريق الفايسبوك

الحلقة 43

🌟حہب عہنہ طريہقہ آلَفہآيہسہبہؤُكہ🌟
❌⛔ ممنوع النقل دون اذني ⛔❌
🌸🎀صـــوُنـــــــٌيـــــــّــآ🎀🌸 
                       
🌹الحلقة:43🌹
شافت ياسمين مع صارة نتع اخرجي حتى انت...
صارة: من نيتك نخرج ونخلي صحبتي وحدها... صاحبتي ولا صاحبتك
شافت معاها ياسمين شوفة تخوف... نتع اخرجي لا نقتلك اليوم... حكت صارة شعرها... اني هنا مع طاطا سلمى... تحتاجوني عيطولي... ومدابيك مطوليش... متلعبيهاش طبيبة على طفلة...
ياسمين: اخرجييييييي
بعدما خرجت وقفلت باب وراها... راحت ياسمين طلعت بحداها في سرير حطتلها راسها على كتفاها... نسمع فيك انهال احكي فرغي قلبك ماتخلي حتى حاجة انا هنا نسمعك مراح نحكي حتى حرف... احكي خلي كامل خوفك يخرج... حكاتلنا طاطا سلمى الي جرالك قبل 12 سنة... وحتى رجعت خالد وإلي عملو معاك... اما انا نحب نسمع من عندك...
هزت نهال راسها شافت معاها مدة... من بعد رجعاتو على كتفها تبكي بساكت...
نهال: من كنا صغار وخالد ورايا... من نغلط نسلك هو اكبر مني ب10 سنين... لكان خرجت ناخد كف لكان حكيت مع اي واحد ناخد كف... حتى وين نهار في بالو يعاقبني قفل عليا شمبرة ظلمة معمرة خردة... وفيران وووو... مرحمنيش كنت غير صغيرة منعرفش نحب نلعب كما لبنات الي في سني... اما هو كان واقف كلعسكري على حياتي... مافقت على روحي غير وانا فسبيطار جاني انهيار عصبي... بقيت مدة عامين نتعالج... عدت منطوية على روحي منحبش جنس ذكر يقربلي.... بعد مانسيتو ولا خلي نقولو تناسيتو... زاد عاود رجع لحياتي يخربهالي.... هههه والأكثر من هذا هددني يقتلني لو كان مانكونش ليه... عدلت قعدتها مقابلتها... تعرفي ياسمين... عرفتها مستحيل حبي لأحمد يكمل عرفتها والله... ههههه بعد ما فتحت قلبي حبيبت وتحبيت.... رجع.... ولات تبكي بهستيريا....حطت يديها على فمها وشهقت... كون يعرف بقصة أحمد اكيد يقتلو مهبول ويعملها.... لا يربي... وقفت على ركابيها فوق سرير... ياسمين أحمد لوكان يعرف بلحكاية وش راح يصرى... اااااااااا
يامين: إهدي حبيبتي كامل رانا معاك... مستحيل يصرى هذا كامل... متنسيش راهو راجل قانون... اكيد مش راح يتهور ويعمل حاجة غالطة...
نهال: يعمل يعمل... والله يعمل انا إلي نعرفو مهبول اربي مهبول... قلي نحرقك... والله يعملها.... ياسمين تلفوني هاتي تلفوني لازم نشوف احمد... نحب نشوف احمد درك... وناضت تفركت عليه... وقفت معاها  حاكمتها... ممكن تهذي شوي ماكاين والو... وكما تشوفيه وش راح يصرا اااه... وش تقولي لباباك....
نهال: نحب نشوف احمد دروك مايهمني والووووو.....دروك دروك دروك... فقدت سيطرة على اعصابها... وياسمين تعافر فيها مقدرتلهاش... حتى عطتها كف... خلاتها تسكت وتحكم وجها بيديها تشوف مع نقطة وحدة... اما ياسمين قربتلها حضنتها... سامحيني كان لازم نعمل هك...خلاتها تبكي تفرغ قلبها جراتها  وراها لسرير رقدتها... بقات تلعب بشعرها... تسمع فيها تبكي بساكت حتى داها نوم...  غطتها وشعلت فيوز بحداها وخرجت خلت لباب مفتوح حتى يسمعوها كي تفيق...
#يتبع