حب عن طريق الفايسبوك

الحلقة 1

🌟حہبہ عہنہ طريہقہ آلَفہآيہسہبہؤُكہ🌟
❌⛔ ممنوع النقل دون اذني ⛔❌
🌸🎀صـــوُنـــــــٌيـــــــّــآ🎀🌸                          
🌹الحلقة ❶🌹                                                      
حياتنا متتوفق علا شي محدود كل مرة نلقاو فرصة لي نقدرو ننجحو ونكونو روحنا بروحنا و نخرجو من الضلام لي عايشينو كل عبد عندو فترة معينة من حياتو يكون فيها   في فترة المراهقة..وين يكون العقل والجسم متضادين وميخمو في شي هاك راح تكون حيات البطلة نتاعنا نهال طفلة كيف كل لبنات  زهوانية تحب تعيش تحب تشوف وتخرج وتحب تقرى.. حبت تفرح والديها او تخدم تعول على روحها مي كانت مولعة بالتلفون او الفايس تحب تطلع او تهبط تحب تضيع وقتها فيه هي من عايلة لاباس بيها ماديا غير قراية او دار ما عندهاش مع الصحبة ولا هاذ الشكيل المهم تقرى او تنجح او باباها يفرح بيها تالمو احبها او اعزها الشيء لي تطلبو يحضر في لبلاص.
نهال بنتي نوضي راح عليك الحال وصل وقت لقراية بنتي
نهال : جاية ماما راني فاطنة غير نلبس
ناضت شعرها مخبل عين مفتوحة لخرى مغلوقة تتكسل في فراشها عيانة ماشي قادرة تنوض مي لازم عليها تنوض عندها امتحانات قفزت من فراشها .... طب رجلها جات في السرير هههه
نهال : اه يا ربي رجلي توجع فيا اي اي اي جات غير اليوم باش يصرا فيا هاذ الشي اه يا نهال راحت عليك بديتي النهار هكذا تخلص عليك mal ..... تحكي وحدها كي البهلولة تمشي او تعيط ... لبست قشها مشطت شعرها سقمت روحها تمشات بجنب لمراية شافت في روحها شوية وضحكت رمات بوسة لروحها.. رفدت حوايجها وشي لي تحتاجو و هبطت عند يماهاا لقاتها تستنا فيها علا الطابلة باش تفطر..اما هيا شربت غير قهوة كحلة او باست يماها خرجت تجري يماها : نهال نهال اقعدي تفطري كي لبنات يا بنتي قعد فيك غير لعظم .... نهال تجري : يا ماما راح عليا الحال لعشية او ناكل نحبك يا مامي ...
خرجت تجري كيف لولاد الصغار امها ملقات متقول هزت راسها ودارت تكمل في شغلها وعقلها الكل عند بنتها...
#صونيا..