تألمت فتعلمت

البارت الرابع

#_تألمت _فتعلمت

((بقلم نبأ السلطان ))

((البارت الرابع ))

نوينه انخلي قطعه الدار للبيع
ردنه انغربل كلوب الجوارين
كعدنه من الصبح نسمع هتافات
يا شراي يوصل واحنه عدلين َـٍ

سناريا
هلا بيجن هلا حبوبة شونج شلون كيفج مشتاقلج وحگ هو علي
حبوبتي..امبين عليج مشتاقه الي مبيين اححح يا نار كلبي دمشيني يمة كعديني الوكت غدرني وعمى عيوني

اخذتها سناريا كعدتها
انعمت عيونها بسبب المرض بسبب السكر صارت ما تشوف وكلاها المرض اكل .. صارت نحيفة حيل وعمية بنفس الوقت عمى اسود ..
ورغم كلشي تبقى احسن من الباقين احسن من عمامي
احسن من الي ما سألوا علينه !

تكتم... كعدت يمها وضلت تمسد براسي وتبوسني وتشم بية وتبجي وتندب بحضها

حبوبتي ... اوف يحبوبة نقلت حضي المو زين لاميمتج وصارت مثل ضيمي ..

طفرت الها سناريا وباستها من ايدها وحجت..
سناريا ..لا يروحي انتي الخير والبركه لا تحجين هيج هو كلمن وقدرة وحضه ..

حبوبتي .. يبعد كلبي ويكولولي ليش تحبين البنيات ..دشوفوا مو السانها عسل مثلها
يمة عشرة واكول كليلات ..

خالتي ميعاد ... يله يحبايب عووفن حبوبتجن وتعالن نحضر للغداة ..

سناريا..سرفنت رددنها منا ومنا وكامت .
تستغل ويا خالتي ويسولفن ويظحكن
وابن خالتي سلمان
يطب ويطلع علينه ويباوع على سناريا

تكتم.. بذاك عمري وفهمت وترجمت شنو معنى الشي جان بين
سلمان وسناريا عيونهمم حيل جانت فاضحتهم وما يكدر اذا ما
يضحك بوجهه وخالتي طايرة من فرحتها

خالتي ميعاد .. يلا سناريا حبيبة كملي التمن وهدري وتعاي احجي وياج جم جلمة

سناريا ... هههههه ضحكت بصوت عالي وحجت .
اي اي تتدللين

كملت شغلها سناريا وصار الجامع يقرا قرٱن الغداة حته الناس تستعد وتستجن ببيوتها وتنتظر الصلاة

واحنه من الناس الي تحب وقت الاذان او وقت الصلاه
شعور كلش يجتاح البشر من يأذن او يقرأ قران
خصوصٱ الي ينتبه عليه

اجتي سناريا تعدل وتنفض بروحها
وكعدت بسد خالتي وضحكت

حجت خالتي ميعاد .. يمة انتي تعرفين اني وليدي سلمان ما
يضم علية شي ومن زمان حاجاني بموضوعكم وكالي معجب
بيها واريدنها
ووليدي ما ناقصها شي مدرس وعنده راتب وراح يكمل بيته
بس ينتظر امج ترجع ونخطبج
انتي تقبيلين بية يمه
اني سألت امج وكالت اذا تقبل اني اقبل .

سناريا .. والله يا خالة اني احبج وما خفي عليج شي
اني قابلة بس كون ابوي هم يقبل
ليش اني وين الگه مثلج ومثل حنيتج
ويكولون الخاله ٱم